سمعت إن بعض انواع المرسيدس - وقد تكون أنواع أخرى - بها خاصية " أبواب شفط "
المصطلح ده يعنى ايه ؟ وازاى بتشتغل ؟
عرض للطباعة
سمعت إن بعض انواع المرسيدس - وقد تكون أنواع أخرى - بها خاصية " أبواب شفط "
المصطلح ده يعنى ايه ؟ وازاى بتشتغل ؟
غالباَ اللي قصدك عليه يا دكتور أوبشن انا شفته في بعض المرسيدس الجديد .. معرفش متوفر في موديلات قديمة ولا لأ .
المهم إن الأوبشن ده بيشتغل لو إنت بتركب العربية و مقفلتش الباب كويس .. بتلاقي حاجة شفطت الباب و قفلته كويس عشان ميبقاش عرضة إنه يتفتح و إنت ماشي فجأة.
يعني إنت لو رديت الباب كدة أي كلام تلاقي العربية شدته و قفلته لوحديها.
و بكدة مرسيدس تحط حد لموضوع "بيب بييييب .. بابك مفتوح يا بااااشمهندس !!!!" .. "تشكر يا عسل!!"
ياااه صحيح الكلام ده ؟؟ اول مرة أعرف ؟ طب ازاى ؟ فيه موتور معين ؟ بس لازم يبقى موتور قوى لأن القوة المحتاجة لكده هتكون كبيره جدا
شكرا للرد
و الله مش عارف يا دكتور انا أصلاَ اما شفتها كنت عامل زي الإنسان الأول قدام النار
كنت بركب العربية و طبعاَ بحسس عليها فا مقفلتش الباب كويس لقيت حاجة بتعمل زززززز و بتقفل الباب! قلت أكيد بيتهيألي .. طلعت برة العربية و واربت الباب كدة لقيت فعلاَ فيه حاجة بتشفطه و تقفله كويس .. كان هاين عليا أسقف بصراحة.
في إنتظار حد يقولنا بقي التقنية دي بتشتغل إزاي
انا لقيت فيديو للتوضيح يا دكتور لعربية إس 500 2001 !
2001 ! دحنا عايمين في مية البطيخ فعلاَ .. و إحنا في 2010 و يقولك أحزمة أمان ثلاثية التثبيت !
YouTube - Mercedes S 500 2001 SOFT CLOSE DOORS
و في بي إم كمان
http://www.youtube.com/watch?v=cTJTQBEll-8&NR=1
انا اول مرة اسمع عن الموضوع ده , و شكرا على الفيديو
و الاوبشن ده بصراحة اساسيات مش كماليات , و ربنا يخلي لنا الجمارك و ياخد اللى فى بالى
ههههههههههههههههه صحبى مره قالى كدا وبهدلتو تريقه ههههههه اودى وشى منو فين دلوقتى ؟
كنا واقفين وفى بى ام فئه 5 راكنه ادامنا وبعدين جه صاحبها وركب وصحبى دا كان مركز معاه شويه وبعد مالراجل مشى قالى الحق دا مقفلش الباب والباب اتقفل لوحدو .. قولتلو يا راااااااااااجل هيا الدماغ عاليه معاك اوى كدا ههههههههههههههههههههه قالى طب والله والله الراجل رد الباب بالراحه وراح الباب كمل قفل لوحدو من غير ما الراجل يشد الباب .. طبعآ انا وبقيت صحابى اللى كانو واقفين اعدنا نتريق لحد مالواد زهق مننا خالص ومنطقش ههههههههههههههههه بس بكرا ان شاء الله حقولو ان اللى شافو مكنش خيال وكانت حقيقه ههههههههههههههههههههههههه ه حيبهدلنى انا عارف بس مضطر اقولو ههههههههههههه
الأبشن ده موجود في بعض الشبح ال 500 من أوائل التسعينات ونزل في بي ام الفئة السابعة من 2002 (بس طبعا مش كلها الموديلات العالية بس زي 740)
معذرة للخروج عن الموضوع محمود بجد حرام عليك انت موتنى من الضحك عمال تعلق تعليقات انهارده ملهاش حل
نرجع للموضوع بقه فعلا الاختراع ده جامد جدا ويرحمنا من الناس اللى بترزع باب العربيه و لا كأنها بترزع باب دوار العمده ان شاء الله هنلاقيه نازل فى عربيتانا كده على 2100
يبقى انا كدة اول واحد اشوفه و اجربه
في عربية شبح كان اول موديل ليها مش فاكر يا أما 1994 او 1992
و كنت مبهور جداً بالموضوع ده يدوبك تذق الباب ذقة بسيطة كدة تلاقيه بيتشفط و بيتعدل على مكانه بالظبط
و مراية الصالون الكهرباء و مرايت ضم و كراسي كهرباء كانت بتاعة ابو واحد صاحبي
و لما خلصنا جينا نشيل المفتاح مرضيش يتشال غير لما الفيتيس يجي على الـ p
طبعاً كانت شغلانة منيلة و اتصلنا بكل الي نعرفه و ما نعرفوش و في الاخر اتصلنا بأبو صاحبي ده و قالنا الي فيها و كان فيها حساس ركن خلفي كمان طبعاً دي كانت صدمة بالنسبالي اول مرة اشوفها بقى
متاااااااابيع
موجوده في مرسيديس من زمان للابواب والشنط والمرايات وكمان مساند الراس بتاعت الكنبه بتطلع وتنزل بزرار او بالاوامر الصوتيه !!
داحنا راكبين غسالات فول اوتوماتيك :120146b ومتنسوش ان المرايات بلون السياره :36_9_4:
شكرا للفيديو وللمعلومات ,, انا انبهرت جدا بالبى ام اللى فى الفيديو ,
شكرا جزيلا لقد نورتوا المحكمة !!
يا حلاوه يا ولاد :ma(30): .
البي ام و المرسيدس و الأودي شركات معدية
كمية ابتكارات رهيبة في السيارة
وتستاهل تمنها
بجد مفيش احسن من التكنولوجيا الالمانية
عمار ياالمانية
اشي خيال ياناس علي رأي سنبل
اليابانى مش بطال بس مش عارف لديهم ايه يبهرونا بيه فى العربيات أفضل من كده ؟
والله شئ جميل ربنا يبارك فى ميكروباصات مصر من غير ابواب اصلا هههه
ميكروباصات مصر فيه ادوات شفط الجيوب
موجوده في مرسيدس اس 1996
بتاعة ابو واحد صاحبي كان بيحكي مكنتش مصدق غير لما جربت بنفسي بصراحه تحفه
أول مره شفتها كانت السنه الى فاتت
الراجل الى ساكن تحتنا كانت عانده فى باسات متجمركه
مكنتش بحبه
بس احترمته اوى لما شفت الحركه دى فى عربيته :))
بس جامدة الحركة دي اوي
و كمان شوفت الفيديو بيقولك ان العربية ماكنتش دايرة عشان الموضوع ده يشتغل
عمااااااااااااااااااااااا اااااااااااااااااار يا اوروبا
ده اتاريها من 96 مش حاجة جديدة
مع احترامي لكل من مرسيدس و بي ام دبليو و اودي.موضوع الأبواب الشفط ده ،اول ناس في العالم ابتكروه كان الأميريكان وفي عربيات موديل 90 والماركات اللي فيها الخاصية دي هي:
Lincoln Town Car
Ford Crown Victoria
Cadillac sts-Cadillac cts
وعايز اقول لكم كمان ان مش بس الأبواب الأربعة هي اللي شفط،ده باب الشنطة اللي ورا كمان شفط يعني حضرتك توارب باب الشنطة و هو يقفل لوحده.
الأمريكي لايعلى على صالونه و كمالياته و رفاهيته و محركاته اللي فيها احصنة بالزفة.
بس عيب النظام ده في كل العربيات انه مابيستحملش الرزع وبيتلف علي الفور و في ناس لما بيبوظ منها الجهاز ده بتخلي الباب يقفل بدون تدخل هذا النظام الكهربى.
وطبعا مش حقدر الحق اقول لكل من ركب او خرج من العربية او للناس اللى بتغسل العربية في البنزينة "اقفل الباب بشويش و هو حيكمل قفل لوحده"
شكرا جزيلا للمتابعة والمعلومة الكاملة
فعلاً الامريكاني لا يعلى عليه في الراحه لدرجة ان الواحد ممكن ينام وهو سايق :majd(2): وتحس انك راكب سفينه كبيره وقاعد على مرتبة سرير وجمبك تلاجه وعايش حياتك :B4_282:
بس الميزه هنا ان الالمان حتى لو مش سابقين بالموضوع ده عندهم حتة الدقه المتناهيه والمتانه اللي تخلي النظام ده يعيش لفترات طويله
بس في الامريكي للأسف ابتكارات جامده بس سينسورز في كل حته وكل شويه حاجه تبوظ !!
الإتجاه الامريكي بعد سنين من العربيات الفارهه , للعربيات الصغيرة
كل الاحترام والتقدير للاخوة الزملاء اللى علقوا على الموضوع بس احب اضيف معلومة ان اول من اخترع الباب الشفط هى المرسيدس ونزل مع نزول الشبح سنة 1992 ومش فى كل الموديلات لان فى شبحات مفيهاش شفط ولاحتى طارة كهربا اما الامريكى نزل فيه الشفط شنطة فقط فى اللنكون 1995 اما الفكتوريا اوالميكورى لم ينزل بها شفط حتى يومنا هذا وانا بقول الكلام دة عن تجربة
بالنسبة لطريقة عملة فهى ان فى ماتور فى الشنطة لة خمس فتحات متصلة بخمس ليات للابواب والشنطة تعمل بمجرد وصول الباب الى حد معين من الغلق لان النظام اسمه door closure assist ويمكن فصلة من علبة الفيوزات كمان لو انت ماشى والباب مش مقفول كويس بمجرد ما العربية تتهز شوية وانت ماشى حساس الشفط بيلقط الباب على طول
طبعا الشفط موجود فى اللكزس والبى ام
الناس دى هتعمل ايه بعد كده .. ملهومش حدود يقفوا عندها
معلومات جميلة وجديدة بجد
مشكوووووور والله يعطيك الف عافيه
النظام اسمه soft close door و موجود في العربيات اللي قلتها و مش متعدلة و وواردة من الولايات المتحدة و بتشمل قفل الأبواب الأربعة و الشنطة. انا سقت العربيات دي و كان النظام ده موجود فيها و العزل و التوصيلات الكهربائية باينة انها فابريكة 100% لم تلمسها يد من قبل و مكن الشنطة و الابواب ومسامير الربط عليها شمع الفابريكة مؤكدا عدم فكها او تركيبها الا بواسطة المصنع فقط.
وبرده قلت ان مع احترامي للمرسيدس و البي ام دبليو عايز اقول كلمة
اول عربية اوتوماتيك في العالم كانت امريكية
اول عربية باور ستيرينج في العالم كانت امريكية
اول عربية زجاج كهرباء في العالم كانت امريكية
اول عربية كراسي كهرباء في العالم كانت امريكية
اول عربية مكيفة في العالم كانت امريكية
اول محرك ثمانية سلندر في العالم كان امريكي
اول محرك حقن وقود في العالم كان امريكي
اول اسرع عربية برمائية في العالم كانت امريكية
اول عربية موتور مستعرض وجر امامي في العالم كانت فرنسية
اول عربية نستطيع التحكم في ارتفاعها عن الأرض كانت فرنسية
اول عربية صنعت في العالم كانت المانية
اول عربية اقتصادية في استهلاك الوقود في العالم كانت ايطالية
اخف وزن عربية في العالم كانت يابانية