اقتراح بخصوص تأمين خاص بنا وإحصاء لعدد المشتركين

الإخوة الكرام

اقترح ان احنا نعمل زي صندوق مساعدة عاجلة للحوادث خاص بقسم بروتون هنا
بحيث كل واحد منا يشترك مثلاً ب 50 أو 100 جنيه شهرياً ويشرف على الموضوع ده مجموعة
موثوقة من المنتدى هنا .

الصندوق ده هيحقق عدة أهداف :
1- الناس اللي مش عاملة تأمين علشان النقطة الشرعية هتستفيد بيه لأن احنا هنعمله نوع من التأمين التكافلي
2-الناس اللي عاملة تأمين هتستفيد بإنها تستلم مبلغ مساعدة عاجلة لأن احنا عارفين طبعاً ان التأمين بيقولك ادفع وبعدين ابقى أحاسبك (موت يا حمار)

3- هيغطي خطأك وخطأ الغير مش لازم تكدب علشان الصندوق يغطيك (طبعاً مع مراعاة الأمانة وعدم التهور يعني واحد مجنون خبط في الحيط او ماشي على 180 طبعاً ده بيستهبل)

- الصندوق ده في البداية مش لازم يغطي الأضرار بالكامل بس على الأقل هيبقى مساعدة تغطي جزئ من الأضرار وده هيبقى مؤقتاً لحد لما العدد يكبر وممكن يغطي نسبة أكبر

- في حالة وجود سيولة غير مستخدمة ممكن نستثمرة في حاجة شرعية (مش البنك طبعاً) ودي أمرها سهل أي حد مهنة حرة زي حالاتي هيفهم قصدي

انا بس بعرض تصوري للموضوع وأرحب بأي أفكار لأن الشكل النائي كلنا هنتفق عليه ده طبعاً لو الإخوة هنا في المنتدى عجبتهم الفكرة

طبعاُ محتاجين نشوف عدد الأعضاء اللي موافقين

ربنا يحفظنا جميعاً من شر الحوادث

والله هى الفكره حلوه جدا جدا..بس متعممها..إشمعنى يعنى بروتون؟؟؟:11:
بتوع النيسان ملهومش نفس؟؟
ربنا يكرمك على الفكره..ز كتر خير إنك بتفكر فى الناس

والله انا فكرت اعممها بس قلت تبقى تجربة مع عدد بسيط ونشوف ايه رد الفعل وبعدين نعممها لو الناس تحمست
وميمنعش اي حد مش معاه بروتون يشارك برأيه

لو بشكل مقنن انا مووافق وخصوصا اني مش مأمن وعربيتي كانت كاش كمان
ولكن كمان عاوزين نسأل كده فيه حرمانيه ام لا ؟

تحياتي

اقتباس:

---

المشاركة الأصلية كتبت بواسطة tweety26980

لو بشكل مقنن انا مووافق وخصوصا اني مش مأمن وعربيتي كانت كاش كمان
ولكن كمان عاوزين نسأل كده فيه حرمانيه ام لا ؟

تحياتي

---

بص يا غالي
الفكرة علشان نتفادى الحرمانية ان محدش يتكسب من الموضوع ده ( التأمين التعاوني)

وهو ما اتفق عليه كبار العلماء مثل الشيخ عبدالعزيز بن باز والشيخ محمد صالح المنجد

فحرموا التأمين التجاري الذي يتربح منه طرف (شركة التأمين) وأحلوا التأمين التعاوني

فتوى الشيخ عبدالعزيز بن باز الدقيقة ( 00:08:06 )

MEGAUPLOAD - The leading online storage and file delivery service

واقتبس كمان من كلام الشيخ محمد صالح المنجد حسب ما ما جاء في موقع طريق السلف
شبكة طريق السلف - الوسائط المتعددة

وعندما يقول بعض الناس: نريد أن نُؤَمِّن؛ لأن التأمين قد صار حاجة، والحوادث قد كثرت، فنحن مضطرون للتأمين ولا يوجد له بديل. نقول: إن التأمين التعاوني هو البديل، وهو أن يدفع هؤلاء المشتركون مبالغ توضع في صندوق يستثمر أو لا يستثمر، ويتراضون بينهم على أن يعوض من أصيب من هذا الصندوق التعاوني، ولا يكون هذا المال في الصندوق ملكاً لشركة أو لطرف ثالثٍ يأخذه لنفسه ثم يعطيك إذا حصل لك، ويضيع مالك إذا لم يحصل لك كما هو التأمين المحرم، وهذا هو الميسر والقمار بعينه. فإذا وجد التأمين التعاوني بتعاون المسلمين فالحمد لله، وإذا لم يوجد البديل بسبب تقصير المسلمين فما هو الحل وما هو المخرج؟ الجواب: لا بد من الصبر حينئذٍ على هذا البلاء، ووفر نقودك واشتراكاتك في شركة التأمين حتى إذا حصل لك شيء تأخذ من الرصيد، وربما تكتشف أنك كنت على ربح عظيم، فإذا لم يوجد بديل من جراء تقصير المسلمين، فلا بد أن نصبر ولا نقول: نحن مضطرون لارتكاب الحرام. إن الاضطرار موضعه عندما يكره الشخص على الشيء، ولا بد له منه ولا مخرج له إلا به، ولا مندوحة عنه لديه، ولا يستطيع أن يترك القضية ولا أن يتلافاها، ويجبر عليها من الخارج، فهذه المسألة مسألة اضطرار، والله سبحانه وتعالى لا يؤاخذ عليها، كما لو كان في بلد يمنع من القيادة فيه إلا بالتأمين ويكره على ذلك، فهذه مسألة اضطرار، أما أن يختار التأمين اختياراً فليس باضطرار، ولابد أن يصبر ويؤمن بقضاء الله وقدره، ويتوكل على الله عز وجل، وإذا حصل شيء كان الرضا بالمكتوب هو المفروض أن يقع، أما أن يقال: نحتاط بالتأمين المحرم، فلا وألف لا أيها الإخوة، إن وجد الحلال أخذنا به والحمد لله، وإن لم يوجد صبرنا.

أعتقد كده الصورة وضحت بالنسبة للتأمين التعاوني وهوه ده اللي احنا عايزين نعمله

وأي استفسار أنا في الخدمة ومتنسوش الاستفتاء اللي فوق وياريت مشاركات وردود علشان نستفيد كلنا

صباح الخيرات
أنا عايز أتكلم فى نقطه الأول قبل كل ده وستؤدى فيما بعد للاقتراح
وهى إشهار لجمعية محبى بروتون أو نادي بروتون ويتخذ ليه صفه شرعية والتى من خلاله تسطيع عمل أي شئ ده اللى نفكرفى الأول وبعد كده نفكر فى التأمين يعنى تحط الحصان الأول وبعدين العربية وإلا ليس لك أي صفه فى تجميع أي أموال لأن ذلك يضع تحت طائلة القانون ياباشا وطبعا مش هنعمل جمعية مع بعض ولن تسطيع أن تسيطر على العدد الهائل ده من ملاك بروتون إلا عن طريق ضوابط قانونيه لأن صوابعك مش زي بعضها وهندخل فى حوارات من اللى بالك فيها ده ياباشا لما بنعمل مقابلة شوف المرمته اللى بيعانى منها أيمن فى تجميع اناس وأخذ الآراء وديه حاجه for fun ما بالك بأه لو دخل فيها فلوس ( اللى بتغير النفوس )
ألف شكر ليك ياباشا على الاقتراح
وتحياتى

[QUOTE=MuhammedSoliman;3872256294]صباح الخيرات
أنا عايز أتكلم فى نقطه الأول قبل كل ده وستؤدى فيما بعد للاقتراح
وهى إشهار لجمعية محبى بروتون أو نادي بروتون ويتخذ ليه صفه شرعية والتى من خلاله تسطيع عمل أي شئ ده اللى نفكرفى الأول وبعد كده نفكر فى التأمين يعنى تحط الحصان الأول وبعدين العربية وإلا ليس لك أي صفه فى تجميع أي أموال لأن ذلك يضع تحت طائلة القانون ياباشا وطبعا مش هنعمل جمعية مع بعض ولن تسطيع أن تسيطر على العدد الهائل ده من ملاك بروتون إلا عن طريق ضوابط قانونيه لأن صوابعك مش زي بعضها وهندخل فى حوارات من اللى بالك فيها ده ياباشا لما بنعمل مقابلة شوف المرمته اللى بيعانى منها أيمن فى تجميع اناس وأخذ الآراء وديه حاجه for fun ما بالك بأه لو دخل فيها فلوس ( اللى بتغير النفوس )
ألف شكر ليك ياباشا على الاقتراح
وتحياتى
+11111111111111111111

متفق مع الدكتور محمد سليمان 100%
اذا كنا عاوزين نعمل تأمين تكافلي والبدء في نشاطات وخدامات لازم يكون في ضوابط محددة وقانون يلتزم بيه الكل.
وكمان لازم يكون القيادات منتخبة من الكل ولفترة محدده حتى تتاح الفرصة للتجديد المستمر.

فكرة هايلة ولو امكن تنفيذها لازن يتخططلها كويس جداً حتى لا تفشل

تقبل تحياتي

الاستاذ A. Ibrahim حضرتك رفض الفكرة ممكن تقولينا ايه رأيك وليه رافض الفكرة

تقبل تحياتي

بصو يا شباب
انا اللي بقترحو طبعاً قابل للتعديل للكيفية اللي هترضي الجميع
وافتكر مفيش خلاف ان الموضوع ده فيه مصلحة للجميع
الأخ الكريم MuhammedSoliman
كلامك جميل أكيد مش هنقول تعالو هاتو فلوس على طول كده
وفي نفس الوقت مش هندخل في إجراءات تعقد الموضوع وتخليني زي التأمين يومي بسنة
احنا هناخد حل وسط يعني يشمل ضمان لباقي الأعضاء وفي نفس الوقت لازم يكون هناك ثقة متبادلة وده طبعاً لابد منه وإلا بلاش من الموضوع من الأساس
محدش قال ان واحد أو اتنين هيمسكو الموضوع ده
هيبقى في زي مجلس إدارة من عدد لا يقل عن 10 أفراد توزع عليهم السلطات بالإضافة الى ان هناك نشرة دورية في قسم بروتون توضح احنا جمعنا كام وصرفنا كام وليه ولمين
بالنسبة لكل من سيشرف على الموضوع هيبقى متبرعين يعني محدش من الناس اللي هتشارك بالاشراف والمجهود هياخد مقابل مادي علشان الغرض من الموضوع مش الكسب الخاص ولو حصل الكلام ده هيبقى لو وصلنا مرحلة استثمار جزئ من الفلوس دي يعني لو حد خد حاجة تبقى من فائض المكسب مش من الفلوس اللي الناس شاركت بيها والكلام ده هيخضع لقواعد لمنع التلاعب

نيجي للتأمين في حالة لا قدر الله الحوادث هضرب مثال على تصوري والكلام ده طبعاً قابل للتعديل حسب اللي هنوصل ليه مع بعض بعد منتفق على الموضوع من حيث المبدأ

فرضاً واحد عمل حادثة أو عربيته اتخبطت الخطوات اللي هتم كالأتي:

1- هتطلع لجنة من فردين مشتركين في إدارة الصندوق ده يكونوا مقيمين في نفس مدينة صاحب الحادثة (علشان كده قلت هنعوز متطوعين علشان منخدش وقت كبير من المتطوعين ويبقى الموضوع سريع) هيعاينوا اللي حصل

2- الشخص اللي حصلتله الحادثة ده فيه احتمالين * عامل تأمين مع شركة تأمين أو مش عامل مع شركة تأمين

هنفترض ان احنا صرفناله 5000 جنيه
هيمضي على ايصال بال 5000 جنيه , أذا كان مأمن يبقى مجرد ميقبض من التأمين هيرد المبلغ للصندوق
إذا مكانش مأمن أو التأمين مرضيش يردله الفلوس يستمر الإيصال مع القائمين على الصندوق حتى تمر فترة اشتراك مثلاً سنة وبعدين يسترد الإيصال بدون ميدفع حاجة علشان محدش يقبض ويفلسع

إذا التأمين إداله أقل من المبلغ اللي اداهوله الصندوق يرد نسبة تساوي ما استرده من التأمين

طبعاً الكلام ده علشان نمنع أي حد يكسب مكسب غير مشروع من الموضوع دع لإنه في الأساس خيري

في حالة لو واحد اشترك لفترة بدون ميقبض ولا يعمل حادثة وبعدين باع العربية يسترد ما دفعه من أقساط أو معظمه أو ينقل التأمين على العربية الجديدة ويستمر معانا حسب ما يختار

في حالة لو الحمد الله محدش عمل حادثة لفترة طويلة (أمين يا رب) أو حصل زيادة في الرصيد غير مستغلة
يتم إعادة توزيع المبالغ الزائدة على الأعضاء بنسبة ما دفع كل عضو ويتم إيقاف دفع الاشتراكات ما عدا الأعضاء الجدد حتى يصلوا لنسبة مساوية لما دفع الأعضاء القدامى

لتوضيح مدى فايدة الموضوع

لو معانا 100 عضو كل عضو دفع 100 جنيه شهرياً = 10000 في الشهر * 12 = 120 ألف جنيه في السنة
لو لا قدر الله 10% من العدد ده حصله خسائر في حدود 5000 للشخص يبقى 50000 جنيه
معناه في سنة ممكن نوصل لفائض 70 ألف جنيه

طبعاً الكلام ده افتراضي بس حبيت أدي صورة عامة لفكرتي عن الموضوع وأي استفسار أنا في الخدمة سواء هنا أو ممكن الاتصال بي على موبيل 0101696033 والله الموفق

متابع
والفكرة جيدة

انا مع دكتور محمد سليمان بنسبة 100 % لازم يكون في ضوبط فانونية للموضوع دا والا الموضوع هيبقى فيه مشاكل كتير جدا جدا جدا

اقتباس:

---

المشاركة الأصلية كتبت بواسطة mohamed_3abdel3al

انا مع دكتور محمد سليمان بنسبة 100 % لازم يكون في ضوبط فانونية للموضوع دا والا الموضوع هيبقى فيه مشاكل كتير جدا جدا جدا

---

المهم نتفق من حيث المبدأ وبعدين نتجمع ونرتب ونتفق على الصيغة والتفاصيل وأرجو ان الجميع ياخد الموضوع بجدية لأني بجد هدفي في الاقتراح المصلحة العامة

طبعاً عارفين ان في مجموعة هنا معانا بيمتحنوا اليومين دول (ربنا يوفقهم وينجحهم) عموماً في وقت كويس للتفكير والمشاركة بالرأي وبإذن الله نتوصل لكيفية تحقق المطلوب

أوافق و انا مع دكتور محمد سليمان بنسبة 100 % لازم يكون في ضوبط فانونية للموضوع دا والا الموضوع هيبقى فيه مشاكل كتير جدا جدا جدا

بالأضافه الى شى مهم لازم الكل يستفيد من الموضوع بمعنى انا دفعت لازم استفيد من المبلغ ده مش لازم اعمل حدثه لا قدر الله علشان استفيد يعنى مش تأمين بمعنى التامين العادى

ثانيا احنا مش هنقدر نعمل شركه تامين لان قوانين الدوله لاتسمح بذلك لا من شركه رسميه ولها رأس مال

انا عندى اقتراح بسيط دلوقتى معظم عربيتان فى الضمان وبنحتاج للصيانه الدوريه ممكن يتعمل مركز صيانه صغير وهيكون تحت اسم شركه مساهمه مكونه من جميع الاعضاء يعنى هيكون لكل واحد اسهم مقابل المبلغ المدفوع وهيتعمل لهم الصيانه الدوريه مجانا وغير المساهمين هيكون مقابل مبلغ مادى بيضاف فى حساب الشركه المساهمه فى هذه هكون استثمارنا فلوسنا وعملنى الصيانه مجانا وهيكون فى عضاء مسؤلين عن اداره الشركه دى طبعا بتقارير رسميه

وشكرا

موضوع جميل بجد

اقتباس:

---

المشاركة الأصلية كتبت بواسطة r2tarek

أوافق و انا مع دكتور محمد سليمان بنسبة 100 % لازم يكون في ضوبط فانونية للموضوع دا والا الموضوع هيبقى فيه مشاكل كتير جدا جدا جدا

بالأضافه الى شى مهم لازم الكل يستفيد من الموضوع بمعنى انا دفعت لازم استفيد من المبلغ ده مش لازم اعمل حدثه لا قدر الله علشان استفيد يعنى مش تأمين بمعنى التامين العادى

ثانيا احنا مش هنقدر نعمل شركه تامين لان قوانين الدوله لاتسمح بذلك لا من شركه رسميه ولها رأس مال

انا عندى اقتراح بسيط دلوقتى معظم عربيتان فى الضمان وبنحتاج للصيانه الدوريه ممكن يتعمل مركز صيانه صغير وهيكون تحت اسم شركه مساهمه مكونه من جميع الاعضاء يعنى هيكون لكل واحد اسهم مقابل المبلغ المدفوع وهيتعمل لهم الصيانه الدوريه مجانا وغير المساهمين هيكون مقابل مبلغ مادى بيضاف فى حساب الشركه المساهمه فى هذه هكون استثمارنا فلوسنا وعملنى الصيانه مجانا وهيكون فى عضاء مسؤلين عن اداره الشركه دى طبعا بتقارير رسميه

وشكرا

---

الحكاية دي مكلفة جدا جدا جدا من كل الجوانب سواء كانت تكلفة الانشاء او العمالة او الادارة

هتتكلم في مليون او مليون و نص

جميع الإختارات متاحة
ووجود اقتراحات في حد ذاته شيء إيجابي ومشجع
احنا مش ممكن هنعمل كل حاجة مرة واحدة لكن لو مشينا خطوة واحدة هنفتح الطريق لباقي الخطوات ومين عارف ممكن يبقى ده بداية حقيقية لمشروع اجتماعي كامل أو جمعية لحماية المستهلك أو مجموعة ضغط لصالح الغلابة اللي زينا

وفي انتظار المزيد من المشاركات البناءة , يالا يا شباب

في انتظار اقتراحات

انا مع الرأي بتاع أشهاؤ نادي لبروتون نستفيد بيه كلنا وبعدين نبدأ ننفذ الأقتراحات

السلام عليكم
انا متابع الموضوع من اوله ومن ساعتها بافكر مع والدى فى الفكره
وهى اكيد فكره ممتازه بس ممكن يبئا فيها مشاكل كتييييييير يعنى لو
فى وسط 20 واحد فى واحد مابيعرفش يسوق او متهور يبئا باظت خلاص
او مفيش ضمير عند واحد او حاجات كتيير ممكن تبوظ الموضوع وتؤدى الا الافلاس
وساعتها الحل نفض الموضوع وساعتها اللى لسه ماستفدش هايقول انا
ذنبى ايه انا دافع لحد دلوائتى كذه وفى الاخر تنفض طب يبئا ااخد فلوسى (اللى اتصرفت على واحد غيره خلاص)
واللى هايخبط 10 مرات هايقول يبئا تأمين ازاى ماليش دعوه لازم تتصلح
يعنى هايبئا فيه عدم تكافؤ فرص

فكان عندى اقتراح يحل كل المشاكل اللى ممكن تحصل
وهى جمعية بروتون التعاونيه
وهى ان تبئا مبنيه على نفس فكرة الجمعيه بس غير محددة مواعيد الاعضاء
فلنفترض ان احنا 20 عضو والشهر ب100 جنيه
يبئا المجموع 2000 جنيه كل شهر بيروحو لواحد (اللى عمل حادثه)
من غير تحديد ان الشهر ده فلان لا اللى يحتاج ال 2000 جنيه فقط
ياخدها الشهر ده ولو خادهم فى اول شهر يبئا مالهوش حق فى الجمعيه باقى ال 19 شهر خلاص
عشان ماياخودش حق غيره مثلا وبالطريقه دى هايبئا الموضوع مفنن ومافيهوش مشاكل
وهايبئا فيه تكافؤ فرص للكل وماحدش عمره هايحس بالظلم
وال 2000 جنيه دول يفرقو كتير مع الواحد جدا
نفترض بئا ان فى عضو ماعملش حادثه خالص يبئا ياخد بردو ال 2000 جنيه بس ااخر واحد
خالص وساعتها هايبئا سعيد بيهم جدا وممكن يشيلهم مع المنظم لحين احتياجه ليهم
وساعتها هاياخودهم بدل 2000 لا مثلا4000
وهاتبئا زى مكافئه ليه على قيادته المحترمه ومش هايروحو عليه زى فكرة التأمين
نفترض ان فى اتنين عملو حادثه فى نفس الشهر يبئا هانجمع الشهر الجديد بدرى ونديهوله
او يصلحها بسلفه مثلا ونديهاله الشهر اللى بعده
يارب تكون فكرتى واضحه
وانا لحد دلوائتى مش عايز اصوت عشان خايف من المشاكل المتوقعه
وكمان شايف الـتأمين بالاسبه لى مش مجزى وبالنسبه لغيرى صفقه رابحه جدا

اقتباس:

---

المشاركة الأصلية كتبت بواسطة momopersona

وهاتبئا زى مكافئه ليه على قيادته المحترمه ومش هايروحو عليه زى فكرة التأمين
نفترض ان فى اتنين عملو حادثه فى نفس الشهر يبئا هانجمع الشهر الجديد بدرى ونديهوله
او يصلحها بسلفه مثلا ونديهاله الشهر اللى بعده

---

فكرة كويسة تؤخذ في الإعتبار برده يعني الأولوية للحوادث وبعد كده ممكن اللي يقبض يبقى يظبط عربيته
بس دلوقتي لو واحد قبض وصرفهم وبعدين عمل حادثة؟

ممكن الحوار ده يتنظم برده ميقبضش المبلغ كله ممكن نصه في حالة عدم وجود حادثة

بس فكرة جميلة والله

في انتظار المزيد من الأراء والاقتراحات

موافق بس بشرط ايمن الي يتولي الموضوع ده

اقتباس:

---

المشاركة الأصلية كتبت بواسطة allo

فكرة كويسة تؤخذ في الإعتبار برده يعني الأولوية للحوادث وبعد كده ممكن اللي يقبض يبقى يظبط عربيته
بس دلوقتي لو واحد قبض وصرفهم وبعدين عمل حادثة؟

ممكن الحوار ده يتنظم برده ميقبضش المبلغ كله ممكن نصه في حالة عدم وجود حادثة

بس فكرة جميلة والله

في انتظار المزيد من الأراء والاقتراحات

---

ماهو لو قبض من غير مايعمل حادثه هايبئا ااخر شهر وبعديها نبدأ الدوره من اول وجديد وساعتها ياخد اول شهر مثلا عادى اكنه ماخادش حاجه لاننا هانبئا بنبدأ من الصفر تانى
اكنها جمعيه عاديه كلنا دفعنا وكلنا قبضنا بس الفرق ان احنا هانحدد مين اللى هايقبض على حسب الحوادث

والموضوع ده ممكن يتنفذ على الاقل اول دوره كامله للتعارف على بعض واكتساب الثقه فى بعض من غير مانخاف من اى عدم ضمير او تهور فى القياده من احد الاعضاء لان الموضوع كده كده كل واحد هاياخد فلوسه تانى وساعتها الناس هاتخوش وهى مش خايفه
ونيجى على تانى دوره مثلا نبدأ ننفذ التأمين التعاونى واللى ماعاجبوش الفكره ينسحب واهى تبئا شبه تجربه من غير خسائر

ياريت يا جماعه اللى يدخل ويوافق
يقولنا عاجبه ايه التأمين التعاونى ولا الجمعيه التعاونيه
ولو عاجبه التأمين التعاونى يحدد قوانينه فى رأيه
واللى عاجبه الجمعيه التعاونيه يقول لو ليه اى تعديل على قوانينها

اقتباس:

---

المشاركة الأصلية كتبت بواسطة ramyar

موافق بس بشرط ايمن الي يتولي الموضوع ده

---

طبعاً منقدرش نعمل حاجة من غير أيمن

اقتباس:

---

المشاركة الأصلية كتبت بواسطة momopersona

ماهو لو قبض من غير مايعمل حادثه هايبئا ااخر شهر وبعديها نبدأ الدوره من اول وجديد وساعتها ياخد اول شهر مثلا عادى اكنه ماخادش حاجه لاننا هانبئا بنبدأ من الصفر تانى
اكنها جمعيه عاديه كلنا دفعنا وكلنا قبضنا بس الفرق ان احنا هانحدد مين اللى هايقبض على حسب الحوادث

والموضوع ده ممكن يتنفذ على الاقل اول دوره كامله للتعارف على بعض واكتساب الثقه فى بعض من غير مانخاف من اى عدم ضمير او تهور فى القياده من احد الاعضاء لان الموضوع كده كده كل واحد هاياخد فلوسه تانى وساعتها الناس هاتخوش وهى مش خايفه
ونيجى على تانى دوره مثلا نبدأ ننفذ التأمين التعاونى واللى ماعاجبوش الفكره ينسحب واهى تبئا شبه تجربه من غير خسائر

ياريت يا جماعه اللى يدخل ويوافق
يقولنا عاجبه ايه التأمين التعاونى ولا الجمعيه التعاونيه
ولو عاجبه التأمين التعاونى يحدد قوانينه فى رأيه
واللى عاجبه الجمعيه التعاونيه يقول لو ليه اى تعديل على قوانينها

---

احنا هنستقبل كل الاقتراحات وفي أول مقابلة تتناقش بإذن الله ونحدد هنفذ إيه

اقتباس:

---

المشاركة الأصلية كتبت بواسطة momopersona

نفترض ان فى اتنين عملو حادثه فى نفس الشهر يبئا هانجمع الشهر الجديد بدرى ونديهوله
او يصلحها بسلفه مثلا ونديهاله الشهر اللى بعده

---

انا متفق تماما مع كلام حضرتك انما بالنسبة للنقطة دي انا ليا رأي تاني فيها:
افترضنا مثلا ان 3 عملو حادثة في نفس الشهر والمفروض ان واحد بس هو اللي هيقبضها الشهر ده بناءا علي قوانين الجمعية المعترف عليها والصندوق يوجد به كتوتال 6000 جنيه وده نصيب عضو واحد انما في الحالة دي هنقسم المبلغ علي 3 والشهر اللي بعدو منلمهوش بدري نلمو عادي في معاده و نقسمو بردو علي 3 والثالث بردو علي 3 كده النتيجة ان كل واحد قبض 6000 وهكذا نظام ترحيل يعني.

اقتباس:

---

المشاركة الأصلية كتبت بواسطة allo

احنا هنستقبل كل الاقتراحات وفي أول مقابلة تتناقش بإذن الله ونحدد هنفذ إيه

---

اوك ياباشا
وشكرا على الفكره الجميله والموضوع الجميل

اقتباس:

---

المشاركة الأصلية كتبت بواسطة ahmedromance

انا متفق تماما مع كلام حضرتك انما بالنسبة للنقطة دي انا ليا رأي تاني فيها:
افترضنا مثلا ان 3 عملو حادثة في نفس الشهر والمفروض ان واحد بس هو اللي هيقبضها الشهر ده بناءا علي قوانين الجمعية المعترف عليها والصندوق يوجد به كتوتال 6000 جنيه وده نصيب عضو واحد انما في الحالة دي هنقسم المبلغ علي 3 والشهر اللي بعدو منلمهوش بدري نلمو عادي في معاده و نقسمو بردو علي 3 والثالث بردو علي 3 كده النتيجة ان كل واحد قبض 6000 وهكذا نظام ترحيل يعني.

---

تمام ياباشا فكره احلى من السلف او التجميع بدرى فعلا
ايوا كده عايزين اقتراحات واراء