ياجماعة لما اجى اقف فى اشارة مرور وانا على التالت مثلا
هل ادوس فرامل وانا على التالت ولما اجى اطلع اطلع على التالت برضه
ولا لازم امور العربية خالص وبعدين اطلع على الاول
شكرا
عرض للطباعة
ياجماعة لما اجى اقف فى اشارة مرور وانا على التالت مثلا
هل ادوس فرامل وانا على التالت ولما اجى اطلع اطلع على التالت برضه
ولا لازم امور العربية خالص وبعدين اطلع على الاول
شكرا
مادام العربيه وقفت خالص يبقي لازم تدي الاول علشان تطلع
ممكن تطلع علي التاني لو العربيه موتورها كبير انا ساعات كتير بعمل كده(الموتور عندي 2300)
لكن الطلعه علي التالت دي العربيه هتبقي تقيله اوي اوي وفي العربيه الموتورها صغير العربيه لازم هتقف منك
ح تدوس فرمله صغيره وتغير غيار عكسي
وح تطلع ع الاول لو ماطور عربيتك صغير
لازم تمور العربيه الاول يا باشا علشان لو طلعت و انت علي التاني او التالت العربيه هتبطل منك ومش هتطلع وهتلاقي الشارع كلو وراك بيزمر وهتسمع كلام ملوش لازمه من الناس جيب الاول وبعدين اطلع
http://img8.imageshack.us/img8/7843/...a511720711.jpg
طيب ينفع انزل من التالت للاول على طول
وكمان فى ناس قالتلى عادى انك تطلع بالتانى
اكيد ينفع تجيب من التالت للاول علي طول عادي بس نصيحه متسمعش كلام حد بيقولك اطلع علي التاني علي طول نصيحه بلاش علشان العربيه متبطلش و الحوارات دي وهتلاقي العربيه اترجت منك كده و قامت مبطله و مفيش حد بيحافظ علي العربيه يطلع بيها علي التاني هي مش عربيه نقل النقل هو الي بيطلع علي التاني
http://img8.imageshack.us/img8/7843/...a511720711.jpg
فيه راى بيقول ما تجبش الاول الا وانت واقف حفاظا على الفتيس الا لو كنت على التانى والعربية سقفت منك مثلا
كمان ما تجبش من التالت للاول او من الرابع للتانى الا لو سرعتك فى مدى الغيار اللى هتجيبه علشان لفات الموتور ما تعلاش اوى منك
متااابع معااا
طيب لو ماشى فى طريق زحمة ببطء هل معقولة كل شوية ابدء من الاول
لو واقف مور العربية وما تفضلش دايس على الدبرياج والا هيبوظ ,, وابدا السير عادى بالاول
تماااااااام
عشان تسيطر عالعربيه اكتر استعمل فرمله وغيار عكسي
عايز تحافظ علي الجيربوكس و تطول عمر اجزاءه يبقى تطلع على الأول. لو طلعت على التانى مرة في التانية في العاشرة حتلاقي رولمان بلي الإسطوانة انضغط وبقى رفيع القطر و بعد كده العربية مش حتجيب اول ولا تاني ولا مارش أريير"التحرك للخلف" و حتلاقي اللي بيعشق بس التالت و الرابع و الخامس و حتضطر تغير مع الرولمان بلي اسطوانة و ديسك لأنك حتلاقي رياش الديسك تآكلت و الأسطوانة حتبقى نص عمر و عمرة صيانة الفتيس بتبقى كل اجزاءه من نفس العمر.
و كل قطع الغيار اللى موجودة في جمهورية مصر العربية مغشوشة بالتلاتة حتى اللي عند الوكيل في اي ماركة عربية و ده عن تجارب ملهاش اخر و خناقات و سفالة لأبعد حد مع الوكلاء اللي بيسموا نفسهم وكلاء