الموضوع: خلاص حجزت الصني و عندي استفسارات

المشاركة الأصلية كتبت بواسطة ikiller

الف شكر على ردك و المعلومات القيمه اللي فيه ... بجد افدتني بحاجات كتير ... انا و الله كنت عامل حسابي ان الاسعار حتبقا في السقف لان واحد قاللي الرخصه بيجي 1800 جنيه بتاعت ال 3 سنين ... فاتصدمت بصراحه .... بس انت كده طمنتني الى حد كبير ... يعني كده الرخصه بتاعتي ممكن ما تعديش ال 1000 .

بالنسبه للتامين انا لو عليا مش عايز اعمله بس البنك فارضه بالعافيه ... فانا عايز اعرف ايه هو ارخص شركه تأمين بحيث يبقا كأني مش عامل اصلا بس موفي شروط العقد و خلاص.

انا على فكره من اسكندريه لو عايز لفه على البحر من عيوني

ياباشا احنا تحت امرك فى اى حاجة احنا هنا كلنا اخوات ولازم نتعاون مع بعض عشان ماحدش يقع لاقدر الله فى حاجة وحشة ومرة تانية بقولك الف مبروك على العربية
بس هيا التراخيص غليت كدا!!!!!!!!!!!!!!!!!!
انتا مرور ايه؟؟

انا مرور محرم بك ... و الف شكر لكل واحد نصحني بحاجه و ان شاء الله حاخد باعتباري بكل النصايح .

انا عملت حسابي على 5000 للرخصه و التامين و الجراج ... تفتكروا كفايه كده لان العمليه كده نطت ل 50 و انا مش عايز ازود كمان اي حاجه .

المشاركة الأصلية كتبت بواسطة د.محمود صلاح

مبروك مقدما وربنا يقدرك على تسديد الأقساط ولو انى مش مؤيد لحكاية القسط وكان بالمقدم اللى معاك اشتريت حاجة محندقة او مستعملة على قد مشاويرك

المشكله ان انا عندي عقده من المستعمل ... لدرجه اني بفضل مركبش عربيه دلوقتي عن اني اجيب عربيه مستعمله ... خصوصا اني مليش خبره في معاينه العربيه و هي جديده ما بالك و هي مستعمله 10 سنين ولا حاجه

المشاركة الأصلية كتبت بواسطة mohamedhamam

ألف مبروك و ربنا يديك خيرها و يكفيك شرها و على فكرة أنا أيضاً مرور محرم بك و لسه مرخص يوم 2 يناير 2010 و رخصت 3 سنوات و تكلفت 1350 جنيه شامله ثمن الطفاية (2 كيلو) و الإكراميات و بالطبع ستأخذ نمرجديدة إن شاء الله و على فكرة ايضاً أنا عربيتى صنى 2010 مانيول إيه بى إس و يجب أن تكون عند إستلامك حريص أن تستلم التالى
1-ضمان السيارة و ستجده كتيب صيانة وضمان و هو مطبوع فى اليابان و به جداول الصيانة التى يجب أن تتبعها زى ما بيقول من صيانة 1000 كم حتى 160000 كم
2-كتالوج السيارة و هو مطبوع باليابان أيضاً
3-ضمان البطارية
4-ضمان الكاسيت
5-كتالوج الكاسيت

- العربية جميلة و بما أنك قصير فلن تحتاج أن ترجع كرسيك إلى الأخر و عليه فلن تشعر بمشكلة ضيق الصالون نهائياً

تمام يا باشا كده انت طمنتي و انا عمل حسابي على 5000 زياده علشان الرخصه و التامين ... ان شاء الله يكفوا و ما احتاجش اكتر لان كده حيبقا فوق طاقتي في شهر واحد