خلاص حجزت الصني و عندي استفسارات
انا حجزت الصني الحمد لله الاوتوماتيك ب 89 الف .
حجيبها قسط حدفع 50 % و الباقي علي 3 سنين .
حتقل عليكوا بقا بشويه اسئله خصوصا ان دي اول عربيه اجيبها و تقريبا نفسيتي في التمام :ask: :
1 - ايه هي العيوب بصفه عامه المنتشره في العربيه ؟
2 - اخد بالي من ايه و انا بستلم العربيه ؟
3 - الرخصه بكام ؟ " مهم جدا حد يقوللي بكام علشان اعمل حسابي لحسن الميزانيه حتبقى في الضياع "
4 - التأمين بكام " برده مهم زي اللي فوق "
5 - ايه اخبار مراكز الصيانه و المفروض اعملها كل اد ايه ؟
6 - استهلاك البنزين ايه اخباره ؟ و بملاها 92 ولا 90 ؟
في النهايه انا لسه محجزتش لون محدد و مستني موافقه البنك ادعولي ربنا يتمملي بخير .
ايه رايكوا في الالوان الموجوده ؟
و هل لون الفرش بيختلف ولا كلوا بيج ؟