من فضلك ....... مترميش سيجارتك فى الشارع مولعة

الموضوع وكل ما افيه انى بتغاظ جدا من اللى بيرمى سيجارته مولعة من شباك عربيته لان ممكن يعمل

كارثة مع اى عربية تنقط عليها بنزين او سولار نتيجة تسريب و طبعا النتيجة مش هترضى حد ابدا .


اللى بتكلم فيه احتمال ضعيف جدا بس ممكن يحصل نتيجة واحد مكسل يمد ايده لطفاية التابلوه , او على الاقل نظافة .

الكام يوم اللى فاتوا لاحظت 3 عملوا الحركة دى قدامى :

1- شاب بتاكسى شاهين

2- راجل فى سن ال 50 ب 132

3- بنت بماتيريا

يعنى تقريبا ناس بتعمل الحركة دى من كل فئات المجتمع

و ياريت اللى بيعمل الحركة دى يبطلها او اللى يعرف حد بيعمل كده ينصحه حفاظا على ممتلكات الغير

و شكرا

عندك حق انا بعمل كده

شكرا لمرورك

عايز اقولك حاجه يا باشا

انا كنت داخل بنزينه اموّن قبل كده ومعايا واحد بيتكلم فى التليفون. وبيقولى هو مش الموبايل غلط فى البنزينه؟؟
دخلت لقيت اللى شغال فى البنزينه واقف بسيجاره

سلوكيات الناس للاسف فيها حاجات كتير غلط

و الله انت راجل محترم

ياريت فعلا والله

دي علي الاقل نظافة ومظهر حضاري
وكمان ضرر الدخان الي طالع

واحتمال الكوارث زي ما انت ذكرت

حتي لو احتمال ضعيف

والله انا بتغاظ من الي يرمي اي حاجة من العربية حتي لو مش سيجارة
ورق منديل كانز كيس شيبسي

والمشكلة زي ما انت قولت فعلا بتبقي من كل فئات المجتمع
يعني مش مقتصرة علي فئة معينة بس

والله انا لو حاجة في العربية بسيبها لحد ما ارميها في صندوق زبالة كبير

انا مرة كنت ماشي مع واحد صيني فا رمي ورقة في الشارع فبقوله كده غلط
اتريق عليا

شكلنا بقي وحش فعلا

مش كدة وبس لا كمان البصق في الشارع ..
لأن أنا قرفت من الحكاية دي لدرجة أني ساعات بمشي زيج زاج من كتر القرف دة ..
لو حد تعبان في مناديل
و كمان بلاش علب الكانز
و إلخ ....

فعلا وغير السجاير اللى بيرمى الكانز وازايز الماية البلاستيك والعصير الزجاج

للاسف بتحصل منى ساعات بدون قصد .. بس بجد رأيك فى محلة ..
شكراا على التنبية يا باشاا

والله واحشنى يا باشمهندس
فعلا عندك حق والموضوع ده دايما ع بالى وواخد بالى منه وبترعب للما بلاقى حد بيعمل كده خصوصا انه نفس السيناريو الى قلته انا بخاف منه ومتوقع حدوثه
ربنا يبارك فيك
بس ياريت الناس تفهم
كل سنه وانت طيب

اقتباس:

---

المشاركة الأصلية كتبت بواسطة mohamed.mostafa

فعلا وغير السجاير اللى بيرمى الكانز وازايز الماية البلاستيك والعصير الزجاج

---

انت فكرتنى بنفسى بس بطريقه تانيه
انا اول ما جبت العربيه عملت كذا مشكله مع الى بيركبوا معايا بسبب الحركه دى كان اى حد ممكن بيرمى اى حاجه من العربيه
بعد كده ادب لاى حد بيركب معايا حتى اخوالى واعمامى يقولوا الى عايز يتادب يركب معاك
ممنوع منها باتا حد يرمى اى حاجه من العربيه او يفتح باب العربيه لاى سبب
فيه حزم فى العربيه ليها كبير يعنى :ma:
امبارح وانا جاى من راس البر لقيت واحد بس انا كنت ماشى وراه وشماله فاضى كان بيكب مايه شكله كان بيتوضى وهو سايق :ma:
لا عادى جداا تصرفات الشعب الجميل بتاعنا
ما يعرفش انه ازازه عصير او الكانز دى ممكن تطير وتيجى فى ازاز عربيه تانيه تكسره ولا تفلقه و بعدين ينزل يقولك انا اسف حقك عليا :satelite:

أنا برضو بتضايق جدا من المناظر دى يعنى انت مثلا مش قادر ترميها فى الطفاية و لا خايف توسخ الطفاية ؟!! شىء غريب
يا جماعة ماينفعش خالص الكلام ده عايزين نبقى شعب متحضر و الحمدلله انى مابشربش البتاعة المقرفة اللى اسمها سيجارة وياريت اللى بيشرب سجاير يبطلها عشان يحافظ على صحته

انا مره واحد كان ماشى قدامى و بصق وجت على كبوت عربيتى ، انسان فعلاً قذر ، بس هيه بتبقى حسب التربية والسلوكيات دى عشان تتغير لازم يبقى فيه عقاب رادع جداً - فى الخارج اللى بيحاول يتبول فى الشارع بيتحبس ويروح النيابة بس عندنا كل اعمده الكبارى والاسوار تشهد انها ياما فكت زنقة ناس ....

اقتباس:

---

المشاركة الأصلية كتبت بواسطة Maged_Samy

انا مره واحد كان ماشى قدامى و بصق وجت على كبوت عربيتى ، انسان فعلاً قذر ، بس هيه بتبقى حسب التربية والسلوكيات دى عشان تتغير لازم يبقى فيه عقاب رادع جداً - فى الخارج اللى بيحاول يتبول فى الشارع بيتحبس ويروح النيابة بس عندنا كل اعمده الكبارى والاسوار تشهد انها ياما فكت زنقة ناس ....

---

ههههههههههههههههههههه

مش فاكر زماان اوى سئلو نابليون بونابرت امتى مصر حتتقدم و تكون من اقوى دول العالم جاوب و قال لما يتعلم شعبها يبصق فى منديل

اقتباس:

---

المشاركة الأصلية كتبت بواسطة amo0o0ora

عايز اقولك حاجه يا باشا

انا كنت داخل بنزينه اموّن قبل كده ومعايا واحد بيتكلم فى التليفون. وبيقولى هو مش الموبايل غلط فى البنزينه؟؟
دخلت لقيت اللى شغال فى البنزينه واقف بسيجاره

---

يا باشا ده لو شوية بنزين وقعوا على الارض و سيادته نسى ورمى السيجارة هيعمل كارثة + ان مديره لو شافه مش هيرحموا

و شكرا

اقتباس:

---

المشاركة الأصلية كتبت بواسطة amr5500

سلوكيات الناس للاسف فيها حاجات كتير غلط

---

شكرا لمرورك

اقتباس:

---

المشاركة الأصلية كتبت بواسطة m.osman

و الله انت راجل محترم

---

الله يخليك يا باشا

ميرسى على ذوقك

اقتباس:

---

المشاركة الأصلية كتبت بواسطة abdo_general

ياريت فعلا والله

دي علي الاقل نظافة ومظهر حضاري
وكمان ضرر الدخان الي طالع

واحتمال الكوارث زي ما انت ذكرت

حتي لو احتمال ضعيف

والله انا بتغاظ من الي يرمي اي حاجة من العربية حتي لو مش سيجارة
ورق منديل كانز كيس شيبسي

والمشكلة زي ما انت قولت فعلا بتبقي من كل فئات المجتمع
يعني مش مقتصرة علي فئة معينة بس

والله انا لو حاجة في العربية بسيبها لحد ما ارميها في صندوق زبالة كبير

انا مرة كنت ماشي مع واحد صيني فا رمي ورقة في الشارع فبقوله كده غلط
اتريق عليا

شكلنا بقي وحش فعلا

---

و الله انت راجل نظيف

و فعلا الناس فاكرة الشارع سلة قمامة كبيرة ملهاش نهاية

و الصينى هيعمل ايه ما هو شايف ولاد البلد بيوسخوا بلادهم هيقول جت عليا انا

اقتباس:

---

المشاركة الأصلية كتبت بواسطة camaro

مش كدة وبس لا كمان البصق في الشارع ..
لأن أنا قرفت من الحكاية دي لدرجة أني ساعات بمشي زيج زاج من كتر القرف دة ..
لو حد تعبان في مناديل
و كمان بلاش علب الكانز
و إلخ ....

---

اهى دى اقذر حاجة الناس بتعملها و هما مش عارفيين ان الحركة دى مصيبة سوداءنتيجة الامراض اللى ممكن تتنقل

اقتباس:

---

المشاركة الأصلية كتبت بواسطة mohamed.mostafa

فعلا وغير السجاير اللى بيرمى الكانز وازايز الماية البلاستيك والعصير الزجاج

---

شوارعنا سلة كبيرة , بس فيه نسبة غلط على المحليات لان الواحد بيتعب على ما يلاقى سلة يرمى فيها

اقتباس:

---

المشاركة الأصلية كتبت بواسطة sa3dawy

للاسف بتحصل منى ساعات بدون قصد .. بس بجد رأيك فى محلة ..
شكراا على التنبية يا باشاا

---

عفوا , و حاول ترميها فى الطفاية تجنابا لاحداث اضرار لدى الاخرين

و باذن الله هتيجى بالتعود

اقتباس:

---

المشاركة الأصلية كتبت بواسطة sherif_84

أنا برضو بتضايق جدا من المناظر دى يعنى انت مثلا مش قادر ترميها فى الطفاية و لا خايف توسخ الطفاية ؟!! شىء غريب
يا جماعة ماينفعش خالص الكلام ده عايزين نبقى شعب متحضر و الحمدلله انى مابشربش البتاعة المقرفة اللى اسمها سيجارة وياريت اللى بيشرب سجاير يبطلها عشان يحافظ على صحته

---

عندك حق يا باشا , المشكلة ان فيه ناس بترمى متعمدة و لما تنصح تلاقى عنده حالة من اللامبالاة كانه معملش حاجة

اقتباس:

---

المشاركة الأصلية كتبت بواسطة maged_samy

انا مره واحد كان ماشى قدامى و بصق وجت على كبوت عربيتى ، انسان فعلاً قذر ، بس هيه بتبقى حسب التربية والسلوكيات دى عشان تتغير لازم يبقى فيه عقاب رادع جداً - فى الخارج اللى بيحاول يتبول فى الشارع بيتحبس ويروح النيابة بس عندنا كل اعمده الكبارى والاسوار تشهد انها ياما فكت زنقة ناس ....

---

هههههههههه

انا لو منك كنت حصلته و هزقته

اقتباس:

---

المشاركة الأصلية كتبت بواسطة ashouhdy

مش فاكر زماان اوى سئلو نابليون بونابرت امتى مصر حتتقدم و تكون من اقوى دول العالم جاوب و قال لما يتعلم شعبها يبصق فى منديل

---

واضح انها عادة فرعونية قديمة

بس دلوقتى شعب مصر مش هيتقدم الا بحاجات كتيير

اقتباس:

---

المشاركة الأصلية كتبت بواسطة ksa2011

والله واحشنى يا باشمهندس

---

يا باشا الله يخليك و انا مقصر معاك و المفروض كنت اجى ازورك بس متزاول فى حوارات بحاول اخلصها و ربنا يوفق

بس انا مش نسيك و الله

اقتباس:

---

فعلا عندك حق والموضوع ده دايما ع بالى وواخد بالى منه وبترعب للما بلاقى حد بيعمل كده خصوصا انه نفس السيناريو الى قلته انا بخاف منه ومتوقع حدوثه
ربنا يبارك فيك
بس ياريت الناس تفهم

---

انا لما بشوف سيجارة بتترمى قدامى بترعب , مرة واحد رمها قدامى فوق كوبرى اكتوبر و كنا بنجرى اتخضيت و حاولت الحقه علشان افهمه غلطه لكن ملحقتوش

اقتباس:

---

كل سنه وانت طيب

---

و انت بالصحة والسلامة يا دكتور