الموضوع: تسعير نوبيرا2008

المشاركة الأصلية كتبت بواسطة morieno

السعر مش هاعرف اقلك عنه حاجه
بس فى لينك لموضوع ممتاز جدا جوا المنتدى ودا تقريبا احسن واحد هيسعرهالك http://www.nilemotors.net/nile/99835-a.html

أما بالنسبة للنوبيرا فبص يا عم
مبدئيا العربيه مبنيه على انقاض الاوبل فيكترا موديل 94 وشبيهاتها اللى هيا قبل الفيكترا السهم وفى ناس شايفه ان دا عيب وناس شايفاه ميزه وانا شخصيا شايف انه ميزه

1- موتور
قوى جدا وفى السفر هتلاحظ دا كويس جدا .. موتور بيجرى ويأدى بقوه محسوسه حتى مع التحميل والتكييف

2- السحب
ضعيف شويه على الاول والتانى نظرا لوزن العربيه ودا لو قارنتها بحاجه زى الفيرنا او الاكسنت لكن مع الاوكتافيا مثلا مش هتحس بفرق
ام السحب على التالت واللى بعده سحبها جميل جدا وجبار

3- الهيكل المعدنى
الشاسيه قوى جدا والدعامات المعدنيه ممتاذه ويشهد على كدا العربيات النوبيرا اللى خرجت من الحوادث "ربنا يحفظنا"
الصاج الخارجى ضعيف ودا لمعادلة وزن الشاسيه والموتور التقال جدا الضرر الوحيد هوا انها بتتعوج بسرعه لو حد ريح عليها او ركن عليها

4- الناحيه الاقتصاديه
قطع غيار قريبه جدا من اللانوس والاكسنت ويمكن تكون زى اللانوس بالظبط وفى منها مصري وصينى وكورى والمانى ويابانى والغاوى ينقط بطاقيته
اما النزين
200 - 220 كيلو للصفيحه عل السرعات ما بين 40 - 80 كيلومتر
170-200 كيلو للصفيحه عل السرعات أقل من 40 كيلومتر
تصل الى 320 كيلو للصفيحه عل سرعه حوالى 100 -120 كيلو فى طريق سفر بصوره مستمره بدون توقف

5- العفشه
نقطة ضعف النوبيرا وخصوصا لو انت من سكان القاهرة "قاهرة المطبات والحفر" ومع ذلك حلها سهل
لما تبقى تبوظ جلب المقصات عليك بخير فى المستقبل ماتغيرش الجلب بي ولكن شيل المقصات كلها وغيرهم بجوز اسبانى بـ 300 جنيه
الجزئ الاخر من العفشه هوا المساعدين وهما مش وحشين فى النوبيرا وبيستحملوا ولكن بينقلولك احساس الخبط فتحس انهم بايظين ودا عشان المساعدين طريه قوى ومعظم اللى اعرفهم اللى غيروا مساعدين النوبيرا غيروها عشان يحس بالمطبات اقل مش عشان باظوا

6- السعه
واسعه بحر تشيل خمس افراد تقال وسعات بقعد ابنى اللى عنده سنتين ونص على المخدع اللى فى النص كمان وشنطه بسم الله ماشاء الله تشيل بغبا

7- الاوبشن
كل اللى نفسك فيه هتلاقيه هاتلها انت طقم باركينج سينسور او كاميرا ووحدة رفع وكدا يبقى كله فى السليم

مش عارف ايه تانى اللى ممكن تقيم العربيه على اساسه بس اعتقد كدا كفايه واعتقد انى كنت محايد

لكن لما تيجى لنقطة ليه سعرها كدا نرجع نقول حسن السوق ولا حسن البضاعه وانا كان ليا موضوع كامل عن قد ايه النوبيرا مظلومه فى السوق
فى نقطه تانيه بعض الناس بتقول دى تكنولوجيا قديمه ما اتحدثتش من 2002 لكن انا شخصيا شايف انها ميزه من نحية التواجد فى السوق لفتره طويله بنفس الشكل والمكونات ودا اللى مخلى سعر قطع الغيار فى الارض
اما موضوع التكنولوجيا فانا بوجهة نظرى البسيطه شايف انه مش ناقصها غير فتحة اليو اس بى عشان تبقى تكنولوجيا حديثه والله اعلم

وفى الاخر سوق واستخير ربنا واللى ترتحله اعمله
اسف للاطاله بس دى حبيبتى وبحب اتكلم عنها كتير

ودمتم زى الف

-------------------------------------------------------
أنا مشعرف أقول ايه لحضرتك
ألف شكر على رد حضرتك المستفيض
شىء مزعلنى كل اللى كلمتهم على العربية حتى اللى يمتلكوها وبعض الصنيعية كان ردهم واحد : ( متجيب لانسر أحسن تعرف تبيعها فى أى وقت ومتخسرشى كتير ) وكلهم 0(حتى اللى يمتلكوها) أعطوها سعر غريب أوى من 55000 ألى 57000
انا آسف انى بقول كده لكن ده شىء محير
على فكره أنا من المنصوره

المشاركة الأصلية كتبت بواسطة masam55

-------------------------------------------------------
أنا مشعرف أقول ايه لحضرتك
ألف شكر على رد حضرتك المستفيض
شىء مزعلنى كل اللى كلمتهم على العربية حتى اللى يمتلكوها وبعض الصنيعية كان ردهم واحد : ( متجيب لانسر أحسن تعرف تبيعها فى أى وقت ومتخسرشى كتير ) وكلهم 0(حتى اللى يمتلكوها) أعطوها سعر غريب أوى من 55000 ألى 57000
انا آسف انى بقول كده لكن ده شىء محير
على فكره أنا من المنصوره

هو فين الكلام ده - طب اطلب منهم عربيه موديل 2008 زى ما بتقول ولو ب 55 انا جاهز- الصنايعيه بتوع كلام- وبس- ممكن يكون عند واحد منهم لانسر عايز يلزقها وخلاص

المشاركة الأصلية كتبت بواسطة samcar

هو فين الكلام ده - طب اطلب منهم عربيه موديل 2008 زى ما بتقول ولو ب 55 انا جاهز- الصنايعيه بتوع كلام- وبس- ممكن يكون عند واحد منهم لانسر عايز يلزقها وخلاص

-------------------------------------------------------طبعا اللى بيقول هات لانسر مش اصده 2008 هو يقصد بنفس المبلغ اللى هيدفع في النوبيرا مثلا 62ألف يجيبو لانسر موديل مثلا 2003 مش موديل 2008 ولا حاجة تكون أسهل فى البيع بعدين
أيه بأه !!!!!!!!!!!!!!!!!!!!!!!!!!!!
مش عارف

المشاركة الأصلية كتبت بواسطة masam55

-------------------------------------------------------طبعا اللى بيقول هات لانسر مش اصده 2008 هو يقصد بنفس المبلغ اللى هيدفع في النوبيرا مثلا 62ألف يجيبو لانسر موديل مثلا 2003 مش موديل 2008 ولا حاجة تكون أسهل فى البيع بعدين
أيه بأه !!!!!!!!!!!!!!!!!!!!!!!!!!!!
مش عارف

لا اعتقد انه يقصد النوبيرا المعروضه عليه اللى هى موديل 2008
ولو نوبيرا 2008 ب 62 اكيد احسن من لانسر 2003 حتى لو حالة الاتنين جيده- لان الانسر دى كده تكون قعدت 7 سنين فى الشارع المصرى الجميل يعنى صاحبها اخد خيرها وبيرمى قرفها على اللى بعده

متشكر على رد حضرتك
هل فيه طريقة للكشف على السيارة عند مركز معتمد مثلا زى عيسى عندنا فى المنصوره؟
طيب لو فيه التكلفة كام؟