حد لاحظ ان حاجات الجندي غالية
يا جماعة زي ما انتوا عارفين انا كان معايا كيا برايد 97
والان معايا ريو 2001
اول ما بدأت أشتري قطع غيار رحت للجندي وبقيت اجيب من عنده لغاية لما غيرت الميكانيكي اللي كنت بتعامل معاه
وقالي بدل ما تجيب من الجندي هات من محل اسمه عصام فراج اما نادي 6 أكتوبر بحلمية الزيتون من ناحية جسر السويس
كنت بدات الاول أشك في الموضوع قلت يمكن ليه نسبة أو عمولة قلت أجرب في الحاجات الهايفة والرفايع وفعلا لقيت فرق اسعار تكاد تصل ل 40% عن الجندي
المهم بدات أروح عند الجندي وأشوف الحاجة وممكن اصورها وسال عن سعرها لان معروف عن الجندي زي ما بيقولوا انه بيبيع الاصلي
واروح عند عصام فراج واشوف الحاجة الاقيها نفسها هي هي
وسالت الميكانيكي قلي دي حاجات اصلية ومضمونة وبأمانة والله لقيت تعامل وتخفيض احسن من الجندي
انا مش بعمل دعاية لحد بس انا لاحظت الموضوع ده أكتر من مرة مع الجندي آخرها كنت جايب شوية حاجات للريو عاملة 250 ج لما سالت عليها بره لقيتها 190 ج معقولة الكلام ده ؟
آخر حاجة سألت عن طقم الدبرياج لقيته عند الجندي بس 450 ج وبيقول الكيا الاصلي وبره سعر 290 الفاليوم الكوري
حد يفسرلي
