عرض للطباعة
السلام عليكم ورحمة الله وبركاتة
الموضوع دة عبارة عن مقارنة بين الابيزا 2010
المصرى (الوكيل الشركة الهندسية للسيارات SMG)
والخليجى (ناشونال موتورز)
والمقارنة هنا بين الاختلافات فقط
يارب تعجبكم
واعذرونى لو كنت نسيت شئ فى المقارنة
اتفضلوا.........
http://gfvohw.bay.livefilestore.com/...iza%202010.jpg
جزاكم الله خيراً
الله ينور يا حاتو
هتستلم امتى ؟
اقتباس:
المشاركة الأصلية كتبت بواسطة tayer
جزاك الله خيراً
والله كلمت التوكيل انهاردة قالولى على يوم الثلاثاء القادم باذن المولى عز وجل
مبروك مقدما , وبصراحة اللى بضمان مصرى افضل من الخليجى واول مرة اشوف توكيل بصرحة مش شليل حاجة فى العربية
توكيل سيات توكيل محترم
اقتباس:
جزاك الله خيراً
والله كلمت التوكيل انهاردة قالولى على يوم الثلاثاء القادم باذن المولى عز وجل
انشاء الله يا حتووووووووووم
هوة طبعاااا المصرى يكسب من حيث الفتيس والعفشة عشان تستحمل شوارعنا اما الخليجى يتميز بالتكيف الثلاجة وتقريبااا خامة التابلو والدهان بتاع الصاج عشان يستحمل الحرارة
يا ريت يا جماعة محدش يعرف سعر الجنوطزى اللى عند ناشونال بكام
لأنهم شكلهم خيالى فعلاً
وكمان الزينون الاصلى بكاام
او ممكن يتجاب من مركز معتمد سكودا
لأن واحد صاحبى معاه اوكتافيا a5
ركب زينون فى مركز خدمه معتمد بـ 800 جنيه
مكتوب عليه المانى
بس نضيف بشكل ملفت
اداءه زى الاصلى بالظبط
وكمان الدلايات بتاعت الرفارف
وكمان العتب الداخلى اللى مكتوب عليه ibiza
وكمان بقى ياريت سعر العدسات
وهل من الممكن ادفع 120 الف واخد بتاعت الوكيل فيها سنسورات و زينون
وممكن ادفع اكتر واخدها بالجنوط الاصليه
اللى يعرف اى معلومه يا ريت يقولهالنا
ويعنى ايه فانوس به 2 عاكس
وفانوس به 1 عاكس
وايهما افضل
انا شايف ان فانوس الخليجى جميل جداً
خاصاً انه سموكد
لأن انا المفروض هحجز الموديل بتاع الوكيل لون اسود
فال الفانوس لو سموكد هتكون تحفه
اقتباس:
المشاركة الأصلية كتبت بواسطة masterzmind
السلام عليكم ورحمة الله وبركاتة
جزاك الله خيراً
انا بس عايز اوضح نقطة عن تجربة شخصية
انا كان معايا لانسر 2007 بومة خليجى وكنت فاكر ان تكيفها يختلف عن تكييف المصرى (زى ما ناس كتير اوى قالولى) لحد ما رحت مرة عند واحد بتاع تكييفات وورانى عربية لانسر بومة 2007 مصرى ولقيت ان مافيش اى فرق بين التكييفين من حيث حجم ومقاس السرابنتينة وثلاجة التكييف ودرجة الفريون المشحون به التكييف
والحمد لله تكييف العربية كان زى الزفت :stink[1]:
اما بالنسبة لموضوع الدهان فالوكيل هنا فى مصر بيدى 12 سنة ضمان على الدهان ضد الصدأ وتغير اللون الناتج عن اشعة الشمس
وانا كان معايا ابيزا 2001 من التوكيل ولحد ما بعتها فى يناير 2009 كانت فبريقة وكان لونها الفضى لسة محتفظ برونقة
اقتباس:
المشاركة الأصلية كتبت بواسطة Sout_Sout
السلام عليكم ورحمة الله وبركاتة
جزاك الله خيراً
انا سالت على الجنوط وعرفت ان ثمنها 700 جنية للجنط الواحد مقاس 15 بوصة
وممكن تركب بركينج سينسور بس انا مش فاكر سعرة كام
وزينون Hella المانى اصلى ب 3800 جنية
اقتباس:
المشاركة الأصلية كتبت بواسطة Sout_Sout
معلش انا نسيت ارد على استفسارك بخصوص الفوانيس
ممكن الصور الى جاية توضحلك معنى كلامى ان شاء الله
الاول صورة عاكس واحد (خليجى)
http://www.seat.com/com/generator/su...erty=Image.jpg
والصورة التانية لفانوس 2 عاكس (المصرى) وطبعاً دة افضل فى توزيع الضوء وشدة النور
http://www.seat.com/com/generator/su...erty=Image.jpg
لو ناوى تشترى العربية
تعالى فى معرض اكتوبر عند مسجد الحصرى
مدير المعرض حبيبى واخلية يظبطلك الى انت عايزة باذن الله
على فكرة انا نسيت اقولك على حاجة مهمة
التوكيل دلوقتى بيسمحلك تعمل اسبشيال اوردر (special order)
ومن غير ما تتحمل تكلفة اضافية بالنسبة للشحن
موضوع ال-special order دة رائع ، بس يا ترى في كل العربيات ولا الابيزا بس ؟؟
ومعلش سؤال تاني ، إيه الحاجات إلي ممكن نضيفها أصلاً على العربية ؟؟
يعني مفيش قائمة بالحاجات الاضافية ؟
معلش أسئلتي متعبة شوية أنا أسف ، وأنا بسأل مخصوص على الليون والفتيس ال-dsg إن كان ينفع special order ولا لأ ( إذا كان مش هينزل في الوكيل ) وتكلفته الإضافية على تمن العربية الأصلي ..
وألف مبروك مقدماً على العربية يا باشا وشكراً ..
السلام عليكم
حاتم باشا...انا ليه سؤال بخصوص الspecial order....يعني لو عايز اخلي العربيه تبقى ب
6 وسائد هوائيه
تكييف اتومتيك
فتحة سقف
ESP
ممكن يجيبوا العربيه بالمواصفات دي؟؟
اقتباس:
المشاركة الأصلية كتبت بواسطة ahmedmohamednabil
السلام عليكم ورحمة الله وبركاتة
ياباشا انت تسال برحتك على الاخر احنا هنا كلنا عشان نخدم بعض
ان شاء الله الليون هينزل منها dsg وانا هستفسر تانى واتكدلك من الموضوع دة بس على يوم الاثنين عشان الشركة اجازة ليوم الاحد القادم
بس والله احمد صديقى مدير فرع 6 اكتوبر اكدلى الموضوع dsg بس المشكلة انه لسة مايعرفش السعر ولا موعد النزول عشان موديلات 2009 الموجودة فى الشركة
اقتباس:
المشاركة الأصلية كتبت بواسطة zico900
ايوة ممكن تطلب الاضافات دة كلها بس بالنسبة للسعر مش عارف هيكون كام
هيه العربيه نزله من غير esp ولا أيه ؟
و سؤال للأخ حاتم لو ممكن يعنى الجنط ال 16 و ال 17 هيكونو بكام
لأنهم لو ركبو فى العربيه دى هيكونو حكايه ؟
ألف شكر ليك يا أستاذ حاتم ، والله حضرتك شخصية محترمة جداً و من أكتر اشخاص إلي بتحب تساعد الناس في المنتدى ..
وجزاك الله خيراً ، ومدام المعلومة إلي عند حضرتك إن ال-dsg نازل يبقى أنا هخدها على انها معلومة اكيدة إن شاء الله ..
اقتباس:
المشاركة الأصلية كتبت بواسطة tayer
السلام عليكم روحمة الله وبركاتة
والله حتى الان مقدرش اقولك اذا كانت نازلة فيها esp ولا مافيهاش لما استلم العربية ان شاء الله هقولكم
طبعاً فى جنوط 16 و 17 فى التوكيل بس مش عارف السعر كام اسال واقولك يوم الاثنين ان شاء الله
وطبعاً كل ما الجنط يكبر اكيد شكل العربية والثبات على الطريق هيكون احسناقتباس:
المشاركة الأصلية كتبت بواسطة ahmedmohamednabil
انت والله الى محترم وكل اعضاء المنتدى امثالك قمة فى الاحترام والذوق
اتمنى لك ليون dsg عن قريب ان شاء الله
واول ما اعرف اى اخبار هبلغك على طووووووووول
هيا مش بتنزل بجنوط
ولا ايه
وكله مفيهوش فوجات وكروز كنترول
تحياتى
اقتباس:
المشاركة الأصلية كتبت بواسطة omar91119
السلام عليكم ورحمة الله وبركاتة
انت بتتكلم على الخليجى ولا المصرى
الخليجى بتنزل بجنوط وفوجات
والمصرى بتزل بفوجات وكروز كنترول
الف شكر للمعلومات والمجهود , واول مرة أعرف حكاية ال special order
ana m3aya Ibiza 2010 5aleegy mn Motor 1 w feha options aktr mn el tawkeel
Dual lamps headlights
Touch AC
Jnoot 16 w kawetch 215/45
arm rest
cruise control
Cornering light
Coming home light
7 speed DSG
b 123 000 L.E
اقتباس:
المشاركة الأصلية كتبت بواسطة kareemsafwatmohamed
السلام عليكم ورحمة الله وبركاتة
صباح الفل يا كريم باشا
على فكرة انا كنت بقارن بين الابيزا 2010
(التوكيل والخليجى عند ناشونال موتورز)
وعلى فكرة الفرق بين الابيزا الى معاك (خليجى - موتور وان ) والتوكيل
التكييف الديجيتال - مسند اليد - -الجنوط - تقريباً حساسات المطر
ابيزا التوكيل فيها بردو
Dual lamps headlights-cruise control-Cornering light-Coming home light-7 speed DSG
ياباشا ربنا يباركلك فيها
ويكفيك شرها
وجزاك الله كل خير
اقتباس:
المشاركة الأصلية كتبت بواسطة hatemahmed75
ba7 el fol ya Hatem, sa7 howa da el far2, dna asln nseet el rain sensor wnta eftakrt :)
by the way ana hawelt arakeb el usb port fel tawkeel bs 2alooly maynfa3sh 3shan han3'ya 7agat kteer awy w mokalefa w Seat Head Quarters msh btnsa7 b kda :(
اقتباس:
المشاركة الأصلية كتبت بواسطة kareemsafwatmohamed
التوكيل هنا فى مصر بيكبر دماغة على الاخر اسهل حاجة عنده يقولك مينفعش او مفيش
انا سالت عندهم على حساسات الركن وجهاز الانذار قالولى ملهاش حساسات ركن ولا جهاز انذار
بلاش تركبهم عشان بيعملوا مشاكل فى الكهرباء وكلام كتير فارغ من دة
بس احنا ولا بيهمنا ان شاء الله كل حاجة لها حل عندنا