الموضوع: فيتس النيسان صني

لو حضرتك تقصد رعشة عصاية الفتيس المانوال يبقه ده طبيعى فى النيسان لأنى ليه واحد صاحبى معاه نيسان مانوال و لاحظتها عنده........ الرعشه ده رعشة الموتور الطبيعيه و فى أغلب العربيات العصاية بتبقه مرتبطه بالفتيس بجسم ثابت لنقل حركة العصايه و بتنتقل معه رعشة جسم الموتور و الفتيس و دايما ده موجوده فى عربيات الجر الخلفى بالذات حيث ان الموتور بيبقه راكب بشكل طولى و الفتيس بيبقه مكانه فى المنتصف تحت العصايه مباشرة فا بتبقه العصايه ماسكه فيه علطول و بتتهز معاه.........

فيه بقه عربيات تانيه بتبقه جر أمامى زى الصنى و لكن عصاية الفتيس متصله بالفتيس عن طريق ويرات صلب زى واير فرامل البسكلته كده بس على تخين شويه و ده اللى بينقل حركة العصايه للفتيس نفسه قدام و طبعا الويرات ده لينه و لا تنقل إهتزازات الموتور و الفتيس للعصايه و مثال ذلك فتيس الانسر المانوال.

طيب انا عاوز حلها لان الموضوع مضايقنى جدا حتى لو هاتكلف فلوس واعمله جوه التوكيل مش مهم بس الموضوع يخلص الرعشه هى صحيح مش جامده بس يحسسك انك مش راكب نبسان راكب 128 وده كلامى مش معناه العربيه وحشه العربيه جميله بس رعشه الفتيس تضايق اى واحد ركب قبل كده عربيات ومفهاش الرعشه دى

المشاركة الأصلية كتبت بواسطة ahmed_aly78

طيب انا عاوز حلها لان الموضوع مضايقنى جدا حتى لو هاتكلف فلوس واعمله جوه التوكيل مش مهم بس الموضوع يخلص الرعشه هى صحيح مش جامده بس يحسسك انك مش راكب نبسان راكب 128 وده كلامى مش معناه العربيه وحشه العربيه جميله بس رعشه الفتيس تضايق اى واحد ركب قبل كده عربيات ومفهاش الرعشه دى

للأسف مالهاش حل لأن بنية العربيه الأساسيه كده و ما تحطش فى دماغك انه عيب أو كنت تجيبها أتوماتك أحسن البلد بقت زحمه قوى و أنا عربيتى مانوال و أنا بفضل أصلا المانوال عن الأتوماتك و لكن فى الفترة الأخيرة الزحمه بقت زياده بطريقه تشل و كرهت الفتيس المانوال بصراحه و يوم ما أغير عربيتى هجيب أتوماتك و مش مهم أى حاجه تانيه.