ليه موتور اللوجان صوته عالى ( سؤال فنى)
هل هناك تقنيات لخفض صوت المحرك مش مستخدمه فى المواتير بتاعت اللوجان و خصوصا ان الاخوه بيقولوا موتور ميجان 2000
عرض للطباعة
ليه موتور اللوجان صوته عالى ( سؤال فنى)
هل هناك تقنيات لخفض صوت المحرك مش مستخدمه فى المواتير بتاعت اللوجان و خصوصا ان الاخوه بيقولوا موتور ميجان 2000
اولا هو صوته مش عالى صوته عادى جدا بالنسبة انه ماتور شغال
ثانيا العربية لما بتكون باردة بيكون صوته ملحوظ لكن لما العربية بتبدأ تسخن صوته بيقل
ثالثا لازم عشان تعرف صوت الماتور عالى ولا لأ لازم تجرب لوجان متلينة
يعنى الماتور صوته بيكون ملحوظ اثناء فترة التلين بعد كدة انت بنفسك بتلاحظ انخفاض تدريجى فى صوت الماكينة
رابعا صوت الماتور مش بيعلى الا لو الار بى ام يبدأ يعدى 3000 ار بى ام يعنى لما تبدأ تشد او تحرق على الغيار
غير كدة صوته عاااادى جدا مفيش منه اى ازعاج
انا اقصد عالى بالنسبة للمواتير الفئة المماثله ( هيونداى _ لانوس _ افيو)
صوته بعد التليين اعلى منهم
انا سوقت لانوس وفيرنا وبالذات الفيرنا سوقتها كتيير ولما سوقت اللوجان محستش بفرق كبير بينهم
وبين صوت ماتور اللوجان بالذات داخل الصالون .. خارج العربية اللوجان صوتها اعلى لكن مش بالفرق الكبير
واى عربية فى الدنيا حتحرق على غيارتها صوت ماتورها حيعلى وحتسمعه
على العموم صوت ماتور اللوجان اعلى حاجة بسيطة عن السيارات فى نفس فئتها وبيعوضه عزل افضل داخل الكبينة
ولو دى من اهم الحاجات اللى بتدور عليها فى العربية ان الماتور ما يكنش صوته عالى والاجزاء الميكانيكية تبقى صوتها هاااااادى
يبقى ممكن تتفرج على العربية اسبيرانزا m11 تقريبا الماتور مش بينطق
طيب انا عاوز اتفق معاك على ان انا باتكلم عن الصوت من بره و ليس داخل الصالون لكن انا باحس بان الفيرنا داخل الصالون صوتها عالى يعنى انا سوقتها كتيير حتى لو العربيه واخده سرعنتها و الموتور على 1 rpm باحس بصوت الاجزاء الميكانيكيه و الكاوتش هل اللوجان وضعها احسن فى النقطه دى انا المهم بالنسبه ليا داخل الصالون لو انا على سرعة 100 كم و الموتور على rpm 3 مثلا يبقى اي السيارتين صوتها احسن من الداخل
ومتنساش انها 8 صباب بس يعنى مخنوقة جدا بس موفرة فى البنزين بس ده هقلل العزم
سببان لا ثالث لهم ... ممكن يكونوا وراء ارتفاع صوت الماتور _ النسبى_ الحلو الغير مزعج بالمرة ........
1- قوة الماتور 1600 سي سي على 8 صباب ، بالاضافة
انه هو single over head cam ( sohc (
أكيد بيكتم العربية شوية مع شدته ...
2- نوع زيت الماتور بياثر على صوت الماتور ... يعنى الزيت لو خفيف ..
هايعلى صوتها ...والعكس .... بس المهم ان الزيت يكون مطابق للمواصفات والتوصيات المقترحة من الشركة المصنعة......
وعلى كل صوت ماتور اللوجان بيقل بعد 3000 كم
المفروض انه ال 8 صمام الاجزاء المتحركه اقل فالصوت يبقى واطى ولا ايه
ايوة بس الضغط اللى متحملاه أكبر
الطاقة الحرارية الخارجة وبتحرك 8 صباب قوية
ودة كمان يمكن يكون السبب فى اهتزاز بعض الاجزاء المتصلة بالماتور فعلا
........... ولا ايه رايك
يا جماعة أنا معايا لوجان عامله 4500 كم يعني المفروض إنها متلينه ..
بصراحة صوت الماتور جوه البلد زي الفل لدرجة إني ساعات كتير باركب العربية و مش عارف هوه الماتور داير ولا لأ ؟
بس على الطرق السريعه اول ما بعدي الـــ120كم/س بلاقيها إتقلبت 128 .. صوت الماتور عالي جدا أكنها بتزعق .
و على العموم أنا كاتبها نقطة أقولهم عليها في صيانة الـ 5000.
ياريت لو حد عنده أي إقتراح في المسألة ديه يقوله و أنا مستعد أجربه و أرد عليه.
انا هتكلم علي عربيتي لوجان mcv اللي نازلة بموتور 1600, 16 صباب
الموتور صوته لو انت واقف برا انا بحس انه اعلي شوية من العربيات التانية بس حاجة بسيطة و مش مزعج بس انا كنت عاوز اعرف هو سير الكاتينة كاوتش و لا جنزير ؟؟؟
نيجي للصوت من جوا
هو هادي جدا لو انت واقف والموتور عالسلانسيه و طبعا لما العربية تكون سخنت بيبقي الصوت مش مسموع تماما داخل الصالون لدرجة انك ما تبقاش عارف ان كانت العربية دايرة و لا لأ
بالنسبة للصوت و العربية ماشية
ناعم و هادي حتي 3000 ار بي ام و لو اتكلمنا علي اننا ماشيين بالعربية عالنقلة الخامسة هتكون السرعة وصلت ل 100 كم/س
بعد كدا الصوت بيدأ يظهر و بيعلي و يبقي مسموع داخل الصالون و بيزيد و بيخشن شوية لغاية ما يتوصل ل 3500 ار بي ام و بتكون السرعة وصلت ل 120 كم/س بعد ال 3500 ار بي ام الصوت بيبتدي ينعم شوية و يقي هادي
يعني هي كل القصة في الفترة ما بين 3000 - 3500 ار بي ام بحس ان الموتور بيقلب من اسلوب اداء لأسلوب تاني اشد في المرحلة دي
طبعا الكلام دا بيحصل لما بتكون سايق العربية و مقفل الزجاج و مش مشغل اي حاجة في العربية لا كاسيت و لا راديو و مطرطق ودانك مع الموتور
لو انت مشغل اي حاجة او حتي فاتح الزجاج نص فتحة مش هتحس بالكلام دا بنفس الدرجة
عموما الصوت بيهدي مع الوقت يعني لو ركبت عربية عاملة 30000 كم هتلاقية انعم شوية من عربية لسه في اول 10000 كم
اما موضوع الزيت فمش عارف هل له علاقة بصوت المحرك
يعني هل زيت توتال خفيف مثلا و ممكن لو غيرنا لزيت تاني اتقل ممكن الصوت ينعم اكتر من كدا ؟؟؟؟