ههههههههههههههههههههههههه هههههههههههههههههههههه
عرض للطباعة
100%
الله على الحكومة وافكارها
العيب مش عليهم
العيب علينا اننا واقفين بنتفرج عليهم
لما بيعموا حاجة غلط كل اللى بنعمله اننا بنتضايق
لازم نضرب عليهم بايد من حديد و نحاول نصحح الوضع قدر الامكان
حسبي الله و نعم الوكيل في كل واحد ظالم سرق البلد ديه و ساعد اعداءنا
شوفو يا جماعة
انا فكرت شوية في الموضوع لقيته مش راكب
فتوقعت ان الممكن يحصل انه يتم استيراده من العراق وبعدين يتم تسييله في محطات اسالة الغاز الموجودة في مصر ويصدر غاز مسال lng بسعر فيه مكسب
زي بالضبط فكرm اننا ناخد البترول الخام من ليبيا والخليج عن طرق انابيب ويتم تكريرة في معامل التكرير الموجودة في مصر ويتم تصدير المنتجات
نفسي يكون توقعي صح
بجد انتو مديين الموضوع اكبر من حجمه
احنا مش أول مره نتسرق
الله ينور عليك يا استاذ احمد انت اصبت كبد الحقيقة
بكل اسف انا لسه شايف الموضوع دلوقتي - و الناس طبعا معذورة لعدم ثقتها في اي تصرف حكومي
لكن فعلا هي صفقة كويسة و احنا كسابنين منها كمان و من ناحية اخري ان احنا بنحافظ علي الاحتياطي الاستراتيجي المصري اللي يعتبر من اعلي 5 احتياطات في الغاز علي مستوي العالم و مصر ضمن نادي العشر الاوائل في انتاج الغاز الطبيعي و النهاردة الغاز المصري له شهرة عالمية بمواصفاته و جودته العالية و مطلوب علي مستوي العالم
اما بالنسبة لاسرائيل فالموضوع برضه متعلق بالامن القومي المصري لان احنا عشان كنا ننشيء خط غاز عربي كان لازم يمر باسرائيل او امام اسرائيل و لما نمتنع عن اعطائها االغاز ممكن الخط ده يحصله اضرار و تخريب و بالاضافة لاتفاقية كامب ديفيد اللي لازم نلتزم بيها لان اسرائيل بكل اسف ملتزمة بيها تجاهنا . و بالنسبة لموضوع التسعير لسعر الغاز فده تم في وقت كان الغاز فيه مالوش سعر لذلك اتفاقيات الغاز بتكون طويلة الاجل و اللي ممكن يتم دلوقتي و توجد مفاوضات لذلك ان يتم عمل تعديل في الاتفاقية مثلما فعلنا مع اسبانيا لكن طبعا عشان اسبانيا دولة محترمة وافقت بالتعديل انما اسرائيل المنحطة مصرة علي استخدام حقها في الاتفاقية
اطمئنوا غاز مصر بخير ان شاء الله
ووزارة البترول مش بالفساد اللي في بقية الوزارات
محمد فهمي
اولا يا شقيقي مصدر الثقة اني انا تخصصي و خبرتي و عملي و اكل عيشي و حياتي كلها في حقول الغاز و الزيت و الحمد لله محاضر في كورسات متخصصة في قياسات الغاز و مكوناته و درجة جودته
الحاجة التانية عشان نكون متفقين مع بعض مافيش اي جهة حكومية في مصر مافيهاش فساد و انا اللي ذكرته ان وزارة البترول فيها فساد انما مش نفس درجة الفساد اللي في الوزارات الاخري
في البترول الفساد مستخبي مش ظاهر اوي و فج جدا زي ما موجود مثلا في الداخلية او الكهرباء و شركات المياه
يا ريت نطالع النهاردة جريدة اخبار اليوم فيها تحقيق كامل علي كميات احتياطي الغاز المصري و الطاقة الانتاجية_ زيادة في تأكيد كلامي اللي ذكرته بالامس فموضوع استيراد الغاز ده حاجة ايجابية و تفكير ممتاز عشان نحافظ علي الاحتياطي لينا و للاجيال القادمة ان شاء الله
محمد فهمي