ايه الفرق بينه و بين العادي؟ و بيفرق في ايه ؟ و هل ينفع تغيره ؟ ليه مشاكل و بيتكلف كام؟
عرض للطباعة
ايه الفرق بينه و بين العادي؟ و بيفرق في ايه ؟ و هل ينفع تغيره ؟ ليه مشاكل و بيتكلف كام؟
طيب هو مضايقك في ايه
يا جماعه بجد هل ينفع تركيب اسبراتير الكترونى ولا مينفعش ؟؟طبعا هتسالونى ليه هقلكم ان الاسبراتير الاستيراد بيعمل 1000 جنيه طيب ايه الى يخليك تغير باسبراتير عشان خاطر الموبينه الاصليه الداخليه قطعت فالاحتمالات كالاتى شراء اسبراتير استيراد و طبعا غالى جدا
او انك تشترى موبينه تايوانى بتعمل 210 جنيه و مش مضمونه
وسمعت اخيرا انك ممكن تركب اسبراتير الكترونى هل بقا ينفع ولا مينفعش؟؟
??????????????????? حدش يرد علينا
برضه ؟؟؟؟؟؟؟؟؟؟؟؟؟؟؟؟؟؟؟؟؟ عايز افهم
ما المقصود ب(إسبيراتير إلكترونى؟!) أصلا اسبيراتير الكريستاله كلها عبارة عن إسبيراتير إلكترونى (معنى إسبيراتير إلكترونى يعنى لا تتصل بيه موبينه خارجيه و الموبينه بتاعته منه فيه و كمان مافيهوش أبلاتين أو كوندنسر و لكن عملية توزيع الشرارة هى اللى بتكون ميكانيكيه بداخله)...
لو تقصد حضرتك ب (إلكترونى) إنها تبقه زى العربيات الإنجكشن فأحب أقول لحضرتك ان اللى فى العربيات الإنجكشن ده مش إسبيراتير أصلا و لكن مجرد موبينه فقط و توزيع شرارة البوجيهات بتبقه عن طريق أوامر من جهاز الكمبيوتر الخاص بالمحرك و ده مش هينفع عندك.
لو قصد حضرتك انك تغير اسبيراتير العربيه الأصلى بواحد مش بتاعها بس ممكن يركب عليها و يكون تكنولوجيته قديمه و يحتوى على أبلاتين و كوندنسر و تجيبله موبينه خارجيه و توصلها بيه فلا أنصح بذلك و هيبقه حرام و هيتكلف برده فلوس مش قليله....حرام.
الف شكر يباشا عالتوضيح انا مكنتش اعرف ان اسبراتير الكريستاله هوا الكترونى اصلا
كلام مظبوط بس علي ما اعتقد انه كان قاصد ان لو الاسبراتير باظ يجيبله موبينه وابراتير الكتروني زي اللي العربيات القديمه بتركبه دلوقتي وده بيغني عن الابلاتين والكوندنسر
علشان توفير الفلوس بس طبعا هيكون موضوع غلط بس انا محبتش اقول غلط او صح غير لما أتأكد لأني بحب اقول المعلومه صح ولحد دلوقتي انا مش متأكد بس علميا ينفع ولكن عقليا لازم ناخد بمقوله لا يصح إلا الصحيح واحنا كده بنعدل في حاجه ماينفعش اللعب فيها بس فعلا انا لسه هتأكد من الموضوع ده وهقولكم عليه
لا طبعا ياباشا الكتروني (منه فيه) يعني هو جزء الاسبراتير فقط وغير متصل بموبينه
يعني حتي لو فتحت الكبوت وبصيت علي سلوك البوجيهات هتلاقيها متصله بالاسبراتير فقط ولا يوجد اتصال بموبينه