عرض للطباعة
Renault megane
رينو ميجان 2005 اوتوماتيك واضح من الصور انها مش تعبانة و بدون مثبت سرعة ولا فتحة سقف ولا مرايات ضم وبكااام
51 الف فقط , ست الحسن اللى كانت ب 150 الف من 4 سنوات تباع الآن ب 51 الف !!
لا حول ولا قوة الا بالله
طيب يابخت اللى هيشتريها
6 ايرباج , استبترونك , 4 زجاج كهربا اوتوماتيك طالع نازل لل 4 ابواب , امان فرامل مانعة للإنغلاق وتوزيع الكترونى للفرامل , مكيف راديو سي دى بتحكم من الطارة
كل ده ب 51 الف وصناعة اوروبى ,, ولا الصينى ياجدعان
العربيه دى فيها حاجه غريبه بجد يا دكتور
وكمان فيه صمت من ملاكها مش عارف ليه ؟
ممكن سوقها واقع جداا فى البيع
هو حضرتك يا دكتور اتصلت بالرقم الى محطوط ده
أنا حصل موقف لقيت واحد زميلى بيتصل بيه وبيقولى ده فصل تعمله فيا قلته ايه قالى تحط نمرتى على اعلان عربية والناس زهقتنى وكل دقيقة تليفون طبعا فهمته أنى لا يمكن اعمل كده واضيع وقت الناس وفلوسهم على الفاضى وعرفته أن الى يعمل كده يكون اثم
أتارى واحد حط نمرته على اعلان على النت عن عربية لانوس موديل 2006 وبسعر حاجة وتلاتين الف وعنها والتيلفون قعد ثلاث أيام متوصله ما يبطلش رن لدرجة أنه كان بيدنا التليفون فى الشغل كل واحد يرد شويه لانه تعب طبعا كتر المكالمات كانت بسبب السعر الخرافى الى مكتوب
وممكن العربية يكون فيها مشكلة جامدة فى الاساسيات واتعملت ومش باينه
لأ ما اتصلتش , انا فى عمان ولفت نظرى السعر الواقع ده
بس ده محطوط فى موقع مدفوع فيه الإعلان وصعب حد يغلط فيه ,
وايه فايدة المعلن لما يحط نمرة غلط ؟؟
انا اشتريتها سنة 2007 لمدة شهرين وخسرت 14 الف جنيه وانا ببيع وكمان ما بعتهاش فلوس لأ بعتها بدلاقتباس:
المشاركة الأصلية كتبت بواسطة ksa2011
محتاج أمعان فى الصور يا دكترة :)اقتباس:
المشاركة الأصلية كتبت بواسطة د.محمود صلاح
العربية دى فيها حاجة مش مظبوطة من غير ما يتكشف عليها
بص على صورة الصالون من الباب اليمين هتلاقى الكونسول الأوسط من قدام مفكوك.
كمان العربية دى فيها باكتات كروم من برة و مفيهاش نواكل على الأبواب !!!!!!!!!!!
يعنى المفروض تكون تانى فئة أوتو.....و مفيهاش جنوط ولا تكييف تاتش ؟؟؟؟ تانى فئة أوتو فيها تكييف تاتش و جنوط.
الكاسيت لونه مختلف عن الكونسول.....
بص حضرتك على الموضوع ده و تحديداً المشاركة رقم 8
رينو ميجان 2005 للبدل
شوفت لما نزل السوق أيه اللى حصل معاه ؟؟؟؟ و جابتله 67 ألف مع العلم أنها مانيوال و برضه 2005
بس برضه كل ده لا ينفى أن الميجان مظلومة جداً فى سعر أعادة البيع.
هى فعلا الفئة التانية ومافهاش اوكر نيكل والكاسيت المفروض يكون اسود مش عارف ليه لونه مختلف ومافهاش جنط ولا مثبت ,,
بس السعر نايم خالص ومحدش يتوقع كده ابدا ابدا
الكاسيت المفروض يكون بنفس لون الكونسول اللى حواليه يعنى ذهبى فى الحالة دى......بس اللى فى الصورة فضى.اقتباس:
المشاركة الأصلية كتبت بواسطة د.محمود صلاح
http://www.car100100.com/car_images/...11650/hood.jpg
شوف كده تحت التابلوه عند الرجل الشمال للراكب الأمامي في إيه ! :shyy:
مبدأيا العربية المعروضة شكلها يخوّف . :B4_444:
على فكرة ........
أ / أحمد عبد المقصود لسه حالا مكلمني (هو في مشوار دلوقت) ، حكالي مختصر مكالمة مع
صاحب رقم تليفون العربية المعروضة ........... العربية راشه بره كلها (إيه تاني ؟)
مغيره تلت خلفي
لحد هنا ده الموجز
التلت الخلفي للي إحتمال ما يعرفش ، بيتقال عليه (مجازا) نص ورا
إللي هو من أول بداية القوايم الخلفية لغاية الإكسدام
أستاذ / أحمد عبد المقصود مكلفني أبلغ تحياته للجميع
آآآآه كده أوكيه ,,,, وتحياتى للأستاذ أحمد لحين العودة وسرد تفاصيل المكالمة