الموضوع: ارجوكم انقذونى انا خلاص زهقت

السلام عليكم ورحمة اللة وبركاتة يا أستاذ/صلاح،،،،،،،،،

فى الاول لازم تتأكد انك كل ما هتسأل هتحتار اكتر،، وخصوصاً فى موضوع الصينى ،لان فية ناس كتير معترضة على الصينى - هى موش عارفة لية - بس معترضة على الصينى ومتهيألى ان اللت والعجن فى موضوع الصينى كتر ازيد من اللازم --- والمفروض البيقول راىْ يقولة عن تجربة شخصية وخلال فترة كافية - موش عن تجربة الراجل الساكن فى الشارع الجنبة والمرة شافة راكب عربية صينى،، وبشكل عام طبيعة الشعب المصرى انة نمطى وما بيحبش الحاجة الجديدة الموش عارفها.
وانا هكلمك عن الصينى لانى وعشان بطبعتى مغامر شوية وبحبِ اجرب الاول وبعد كدة احكم وماأخدش برأى حد ، كنت رقم 42 فى الحجزوا الاسبيرنزا فى اول ظهور ليها عام2006 وكانت 516 وبعدين اشتريت620 واخيراً التيجو2000 سى سى (واعتقد ان المؤمن لايلدع من حجر مرتين) وموش ممكن اكون ادبست فى عربية ب60 الف جم واروح ادبس نفسى فى وحدة زيها ب105 الف جم - موش كدة ولا اية؟؟؟؟؟؟؟؟؟
الخلاصة انا مقتنع جداً بالصينى وشايفة مناسب لظروفى وظروف البلد وموش باخد على خاطرى لو قبلتنى مشكلة فية - لانة عادى وبتحصل فى احسن العربيات--- ونصحتى انك تستفتى قلبك وتختار العربية البتكون مرتاح ليها نفسياً فى الاول وبغض النظر عن الجودة والنوع لان دة شيء مهم جداً فى اختيار السيارة.
وانا مجربتش الماتريكس او الكارينز لاكن بيتهيألى لو انتى بتتكلم عن التيجو1600 فيكون فرق السعر كبير جداً بالنسبة وخصوصا الكارينز ، ومعتقدش ان فرق الجودة والتصنيع والاسم التجارى يساوى كل الفرق فى السعر دة. وعلى كلاً لو عاوز رأى فى التيجو فانا نقلتلك نسخة من التقيم الكتبتة فى المنتدى (علماً بانة خاص بالتيجو 2000 اوتوماتيك) ، وارجو يكون فية الفايدة ، وربنا بكفيك شر الحيرة يابو صلاح،،،،،،،،،
================================================== ==========

تقييم للسيارةاسبيرنزا تيجو 2000 سى.سى اتوماتيك 4x 2عن فترة استخدام 12شهر

السلام عليكم ورحمة اللةبركاتة،،،،،،،
احب ان انقل للسادة الاعضاء تقييمى للسيارة التيجو2000 سى.سىاتوماتيك 2x4 عن فترة استخدام 12 شهر،مع ملاحظة الاتى:

• المشاكل التى ظهرت بالسيارة ، ليس شرط انها ظهرت بكل السيارات المسلمة.
• سيارتى تعتبر من الدفعة الاولى وبالتالى هناك احتمال معالجة اى مشاكل ظهرت فى الدفعات اللاحقة.

بيانات عن السيارة:
- استلام السيارة وبدء الاستخدام : 1/1/2009
- فترة الاستحدام : 12 شهر
- الكيلومتر المستهلك :11000كم
- متوسط استهلاك البنزين : داخل المدينة 20لتر/150كم
طريق سفر 20لتر/200كم متوسطسرعة100كم/ساعة
- عدد المستخدمين للسيارة : 2
- عدد السفريات : 4 سفريات (اسكندرية/الساحل/العينالسخنة/الفيوم)
العيوب:
- تقفيل الابواب سيىء شوية ، حيث تسمعصوت شخشخة عند القفل والفتح والزجاج نازل – خصوصاً فى الابواب الامامية،وبابالشنطة( يمكن يكون عشان الاستبن راكب علية) وهناك تقل شوية فى التعامل مع الابوابالخلفية.
- عفشة السيارة بتحتاج تربيط كل فترة – ودى يكفيها صيانةال5000كم.
- ظهرت رنة فى الشكمان – نتيجة الساجة البتمنع سخونةالشكمان من التاثيرعلى جسم السيارة، وتم معالجتها فى مركزالخدمة.
- التعامل مع الفتيس الاتوماتيك قد يبدو سيىء فى الاول منحيث استجابة السيارة للسحب لو عاوز تزود السرعة (كويك دون) لتفادى سيارة او ما شبةذلك - ولاكن بعد السؤال والشرح اتضح ان الفتيس الاستبترونيك الراكب فى السيارةيعتبر من احدث النظم المستخدمة فى السيارات – لانة فتيس كهربائى وتغير السرعةالمفاجئة(كويك دون) فية يعتمد على حساسات كهربائية وليس بنظام الكبل المستخددم فىالفتيس الاوتوماتيك التقليدى – ويتم استعاضة هذا الامر بوجود الفتيس اليدوى ، فيمكنالنقل للفتيس اليدوى فى حالة عدم الاستجابة السريعة (هذا نقلاً عن مهندسين فى مركزالخدمة واللة اعلم)- وعلى كل حال الفتيس مريحنى جداً وجربتة اوتوماتيك ويدوى ومعملشمعايا اى مشاكل.
المزايا:
- حجم وابعاد السيارة ومقاس الكاوتش المستخدم وارتفاعها عن الارض فوق الممتاز – وفعلاًبيسهل سوقتها جداً والتحكم فيها عالى وهى سيارة ثابتة ووزنها تقيل والبدى بتاعهاقوى ، وفراملها ووسائل الامان فيها بشكل عام جيدة جداً.
- طبعاًحجم السيارة مع المحرك 2000 سى سى ، مخلى عزمها عالى.
- السيارةسريعة وثابتة فى السرعات العالية (جربتها لغاية 170كم ودة موش اخر سرعةليها).
- ادوات وادراج التخزين فى السيارة كتيرة ومفيدة، وحجمالشنطة بيشيل كتير، خصوصاً مع وجود امكانية تقديم الكراسى الخلفية وطى احداها اوكلاهما (فادتنى جداً فى السفر شالت خمس افراد وشنطهم، وشنط 2 فى عربية كانت مسافرةمعانا ودة بعد ماشلت الشماسة الخلفية) دة طبعاً غير امكانية استخدام عوارضالسقف.
- التكييف كافى جداً، ومفيش مشاكل سخونة علماً بانى سافرتبيها بدون توقف.
- كماليات العربية كاملة، والنظام الصوتىفيها عالى جداً وممكن تركب علية شاشات L.C.D – (انا ركبت مخدعين بالشاشات والريموتكنترول عند الوكيل بتاع الكاسيت بشارع احمد عرابى ودة كلفنى 975جم – واستغرقالتركيب حوالى30دقيقة وبضمان سنة).
تقديرى الشخصىالعام:
- سيارةبدرجة جيد مرتفع.
- عيوبها محددة وموش قاتلة – وممكن تلاقىعيوب زيها او اكتر فى عربيات تانية أسيوى او أوربى.
- سعرهاهايل بالنسبة لمثيلتها – واعتقد انها متقلش كتير عن التريوس او الفيترا – يمكن يكونالفرق فى الصالون الداخلى (التيجو فقيرة شوية من جوة)- لاكن شكلها الخارجى اعتقدانة اجمل من التريوس – وقريب جداً للفيترا. (((على فكرة التيجو هى النسخة الصينيةللتويوتا راف بما فى ذلك التابلوة – والمقدمة مستوحاة من الهوندا الSUV)) بسموديلات 2005نقريباً ،وعلى فكرة برضة التويوتا الراف الجديدة سعرها حوالى 500 الفجم ---- اى خدمة.
- مراكز الخدمة جيدة وبتتحسن جداً يومبعد يوم – والحقيقة اى حاجة كانت فى العربية عملوها بدون اى اعتراض اوكلام.

وفىالنهاية دة تجربتى ورأى الشخصى فى التيجو الممكن يتعارض مع حد تانى ممكن يكونماقبلتوش المشاكل القابلتها او يختلف معايا فى المزايا والعيوب – ارجو ان تقريرى دةيكون مفيد اكتر من ضررة وشكراً،،،،،،،،

وانا تحت امر احد واحد يحب يسأل عنحاجة – علماً بان التيجو هى السيارة الاسبيرنزا رقم 3 البشتريها بعد516و620 .

===================================

فاللى عاوز يشتريها يتوكل على اللة وميدقش فى الملاحظات البسيطة الممكن يلاقيها، وهى على فكرة ممكن تلاقيها العربيات الاخرى اسيوية او اوربية - بس احنا موش بنسامح على اساس انها صينى ولو فى عربية تانية بنقول عادى.

واى استفسار انا تحت الامر،،،،،،،،،،،،،،،،،،