ده استطلاع اذا كنت بتغطي العربية لما بتروح و لا لا ..
و يارايت نوضح السبب
عرض للطباعة
ده استطلاع اذا كنت بتغطي العربية لما بتروح و لا لا ..
و يارايت نوضح السبب
أنا بغطيها
اولا مش بحب حد يشفهامش عارف ليه الحقيقه :) بس العين عندنا فى المنطقه ما يعلم بيها الا ربنا
وجبتلها غطا جامد اوى
بقوا يبصولها علشان الغطا :)) مش راحمين
ثانيا بيحافظ عليها من الشمس
وبالتجربه مع عربيات سابقه
الدهان بيعيش جدا مع الغطا عكس ما تسبها كدا للشمس تاكل فيها
ايوااا بغطيها اولا عشان احافظ عليها من الشمس
من الخدوش
من اي واحد بيركي عليها
الغطاء ليلا بالذات مهم جدا ولا أستطيع الطلوع للمنزل وانا مش مغطيها
طبعا الغطا مهم جدا عشان التراب كمان، مهما حاولت برضه التراب بيدخل جوه العربية و هي مقفولة لو باتت مكشوفة.
طبعا مهم
اذا كنت انا من يومين حاطط الغطا ونزلت لقيت عليه زى اسمنت مفتت واقع على الغطا بكشف لقيته عاملى نقطتين فى الكبوت ومجرح العربيه
احنا فى بلد جميله وفيه ناس قلوبها جميله و بتحب تحافظ على حاجة الغير هههه
الحمد لله
بغطيها للحفاظ عليها
مبغطيهاش لإني ببساطة ببقى راجع مش شايف قدامي وعندي حساسية من التراب والغطا طبعا غرقان تراب وكل ما أغسلة يلم تراب تاني من أول يوم
لحد دلوقتى الأغلبية بتغطيها انتوا خايفين عليها لتأخد برد في الشتاء p: ههههه بهزر للأسف مش بغطيها بس ناوى بإذن الله اجبلها غطاء المهم السادة يريت يقولولنا مع الأسباب نوعية الغطاء القماش أفضل ولا الوتربروف وشكراً
مش باغطيها
مفيش وقت الصبح اخلي البواب يشيل الغطاء وبعدين انا بانزل قبل ما يصحى اساسا
وانا راجع باكسل اغطيها
خليها في الهوا عشان عضمها ينشف
طبعا ً بغطيها لعدة أسباب :
1- الحفاظ على الدهان من الشمس والندى وغيره
2- للحماية من التراب علشان مش كل شوية تتمسح والدهان يتأثر
3- لأبعاد الحرامية قليل لما حرامى هايجيلو قلب انه يرفع الغطاء وبعد كدة يحاول يفتح العربية
4- لأبعاد العين عن العربية دة لو العربية غالية وعليها العين
مقدرش اسيب الامورة من غير غطاء
مش عارف لية ؟؟؟
بغطيها طبعا الدنيا سقعة ممكن تاخد برد
لا بجد بس فعلا الغطا بيحافظ على دهان العربية من الشمس والندى والتراب
بالذات لو عربيتك لونها غامق حيبقى الغطا دة شيئ اساسى
طب ياريت فعلا يا شباب تقولولنا على أفضل الأنواع ، والأسعار
ان شاء الله لما استلم سيارتي هغظيها
حفاظا عليها من التراب و الشمس
محدش قال ايه احسن نوع غطا نجيبه و منين
مش بغطيها
بركنها في جراج البيت و معنديش بواب
انا اللي بطلعها من الجراج و بنظفها دورياً ...
لو روحت في مكان غير البيت بسيبها من غير غطا..انا شايف ان الغطا حل غير عملي بالمرة (عن تجربة ناس صحابي كتيييير!)
باغطيها بس لو حسبها كذا يوم من غير منزل بيها.
بس في الأيام العادية بسبها من غير غطا عشان بأبقى راجع تعبان ومكسل وطبعا لازم كل يوم اكتشف بعد مغير هدومي إن الولاعة في العربية :majd(2): والبس تاني وانزل اجيبها فبحمد ربنا إني ماغطتهاش.
بغطيها اولا علشان التراب ثانيا علشان الشمس وثالثا علشان اي واحد حلو وهو بيركن ممكن يسيب بصمته عليها
طبعا لأ !!!
1) بهدلة للصبح ! الواحد يكون نازل مستحمى و هدومة نضيفة و مكوية و متكلين كل دة بيضيع مع اول شيلة للغطا و التراب و الذى منة اللى حيملاك ويا سلام بقى لو كان فية مطرة والغطا عمل طينة صباح البهدلة !
2) الغطا بيعرضها للسرقة ايوة بيعرضها للسرقة فى واحد عربيتة كورولا الجديدة الحرامى كسر الازاز و دخل و شد علية الغطا و قعد بروقان فك التابلوة كلة و نضفة
3) الغطا بيتسرق عشان الغطا النضيف بيعمل 70 او 80 جنية
4) الواحد بيروح باليل مش شايف قدامة لسة.....
5) بياخد حيز من الشنطة و انا واحد من الناس اللى بيحب الشنطة فاضية تماما و نضيفة بتبرق
مين بقى يكسب الغطا ولا بدون !!
انا جيبت الغطا القماش مكملش سنه اتقطع واشتريت الوتربروف شغال زي الفل بس عيبه لو حد رمى عليه عقب سجاره هيتخرم وده اللى حصل معايا بس شغال تمام
انا مش بطلع بيها كل يوم علشان كدهبأغطيها ليه بقى:
1- لو مغاطتهاش ركنتها يومين تلاتة بتلاقي كمية تراب وهمي عليع وأنا ماعنديش بواب.
2- في الصيف الشمس بتبهدل التابلوه والإجزاء البلاستيكية في الصالون والفرش.... بلإضافة لأنك لو جيت تطلع الظهر بتلاقي الصالون عامل زي الفرن والتكييف مابيعملش أي حاجة.
3- في كمية ندى وهمية بتطلع الصبح من الزرعات جنبينا (حسب المنطقة)لو مش متغطية مع أقل تراب بطين العربية.
4- يتبقي معرضا أقل لسرقة الأجزاء الخارجية (هوية & علامة & مسمار عجل&...)
5- بشعر براحة نفسبة لما بأسبها متغطية.:shine[1]:
حلوه دي هههههههههه لا غطيها عشان متبردش:shyy:اقتباس:
المشاركة الأصلية كتبت بواسطة م.احمد زكريا
بغطيها علشان التراب والندى وكمان العيال هنا ولاد شياطين بيحبوا الرسم على العربيات بالمسامير طبعا لما بيلاقى الغطا بتاع العربية بيكتفى انة يقطعة بس
كنت بغطيها لحد ما في مرة نازل في امان الله الصبح برفع الغطا لاقيت تك تك تك تك تك والاكصدام بيتفرفت ادامي وطبعا واحد ابن .........دخل فيه وانا ماخدتش بالي ولو بالصدفة جيت ابص عليها اهي متغطية وتمام ومش باين اي حاجة من يوميها وانا اتعقدت من الغطا بقيت بحس اني لو جيت اشيل الغطا هلاقي خبطة جديدة(حالة نفسية بعيد عنكوا):shyy::8954[1]::8954[1]:
عندنا عاملين الدور الارضى جراج للعربيات بس وبسيبهم مش متغطيين بس بيتبهدلوا تراب بسرعه اوى
أسوأ حاجة فى الغطا أنك تبقى نازل لابس و حاطط برفان و زى الفل و بعدين تلاقى الغطا معفوق تراب و تقعد تشيل فيه و تلفه و تحطه فى الشنطة و بعدين تكتشف أنك اتبهدلت تراب و عايز تطلع البيت تانى تغسل أيدك ووشك من التراب. أنا بطلت أغطى العربية.
بغطيها علشان التراب والندى والشمس
احسن حاجة ياجماعة
الجرااااااااااااااااااااا اااااااااااااااج
ويسلام لو الشخصى بتاعك
حاجة تانية عن تجربة
تلاقى الولاد يطنططو على العربية تلاقى واحد غشيم خبطهالك وهى واقفة
تلاقى لاقدر الله ممكن بلكونة نزلت عليها
وحاجات تانية كتير مش هاقولوكو بقى عليها
بغطيها علشان التراب والخرابيش البسيطه لانى بركن فى جراج والعربيات جنب بعضها بالطول والامر ميسلمش من زرار فى بنطلون واحد راكن جنبى او يفتح باب عربيته على البحرى يخبط فى , ولو خارج وانا لابس رسمى ومتبرفن بخلى السايس هو اللى يتعامل معاها
الأوبترا بغطيها لما بركنها فترات طويلة و لما ايام بخرج بيها بإنتظام مش بغطيها
و الباسات ملهاش غطا اصلا فا مش بنغطيها
بس الغطا مهم للحماية من الشمس
الحمد لله
بركنها جوه البيت ..في الجنينه
عشان كده مش بغطيها
+111111111111اقتباس:
المشاركة الأصلية كتبت بواسطة memoo305
انت قولت اللي انا عايز اقوله بالظبط
ماشي يا سيدي عشان خاطرك انت بس ..........مقبولة منك:colsmil:اقتباس:
المشاركة الأصلية كتبت بواسطة astradti
انا بغطيها علشان تبقي الصبح سهله لما اشل منها التراب
لكن لو سبتها من غير غطا مش بعرف امسحها الصبح بيبقي التراب كتير قوي تحس اني كنت راكن في صحرا
لاني بروح هلكان
ومعنديش استعداد اسحب الغطا من شنطة العربيه واركبه فيها