السلام عليكم
انا لسه في ال 480 كم صني اوتوماتيك ex
صوت الموتور لما بكون واقف في اشارة طويلة وبخليه على الفتيس على الـ N بيختلف ويعلى شوية وتحس اني فيه زنة واضحة شوية .... هل دا عادي؟
عرض للطباعة
السلام عليكم
انا لسه في ال 480 كم صني اوتوماتيك ex
صوت الموتور لما بكون واقف في اشارة طويلة وبخليه على الفتيس على الـ N بيختلف ويعلى شوية وتحس اني فيه زنة واضحة شوية .... هل دا عادي؟
هو فين الناس ... محدش معاه صني اوتو يقولي
والله هو انا مالاحظتش
بس ممكن يكون صوت فى المروحه لان المروحه هى اللى بتشتغل شويه وتفصل شويه
وابئا قولهم فى صيانة الالف
انا لاحظت الحكايه دي في الرينوميجان العربيه بتزن والفتيس على r وصوتها برضه بيختلف وهي على n وصوتها بيعلى سنه وهي على p
الصوت عادى لان الموتور فاصل عن الفتيس فى وضع الn اللى هو neutralاو الnormal
لما تعشق عااd اللار بى ام بينزل شوية" عشان الموتول بيحمل عالفتيس وانت دايس فرامل":049:
زى ماقال الدكتور بالظبط الصوت بيتغير وتحس انو فى زى كتمة كدا
لللصوت دا عشان خاطر التعشيق سواء للبى او الار او الدى
والموتور بيرتاح على الان لنك فصلت العربية عن التعشيق
سورى انا فهمت السؤال غلط فى الاول
كنت فاهم ان والعربيه على n الصوت بيعد يعلو ويوطى
لكن لا ده طبيعى
لو بتسوق مانوال هاتفهمها لكن لو اوتوماتيك بس صعب نشرحهالك
نعم عند النحول الى n تحس ان صوت الموتور به صوت ونهاقتباس:
المشاركة الأصلية كتبت بواسطة madda7
وهذا الصوت يختلف عندما تحرك الفتيس الى الى غيار اخر مثل d مثلا
شكرا يا جماعة على الردود
وواضح اني صوت الزنة او الونة دا كدا طبيعي على ال n
وبما اننا لسه في صوت الموتور فانا كمان بلاحظ اني صوته بيعلى بوضوح فعلا بعد ما ال rpm يزيد عن 3 او 3.5 فهل دا كمان طبيعي ولا عشان انا لسه بلين ؟
لا ده طبيعى جدا
غالبيه العربيات ال dohc كده
الصوت طبيعى جدا لأنه انعكاس لصوت دوران غلاف التورك كونفيرتر فى حالة n، انت لما بتكون حاطط الفتيس على d بيكون الموتور متحمل بمقاومة الزيت فى التورك كونفيرتر حتى لو انت واقف، يعنى فى هذة الحالة بتكون مروحة التورك كونفيرتر بتلف من غير الغلاف الخارجى بتاعها لانه بيكون محكوم بثبات مجموعة التروس الللى بدورها محكومة بالعجلات اللى بدورها محكومة بالفرامل اللى انت دايسها ،لكن لما بتحط الفتيس على n فانت هنا بتفصل التروس عن العجلات وبتخليها حرة فهنا تسمح لغلاف التورك كونفيرتر انه يلف مع المروحة والزيت ، وهو الى بيعمل الصوت ده
من الآخر الكلام المجعلص الغير مفهوم اللى فات ده معناه ايه؟ معناه ان الصوت طبيعى ويمثل جزء من اداء السيارة ولا قلق منه من اى نوع وكان عندى فى سيارتى وفى كل الصنى اللى جربتها قبل كدة
okkkkkkkkkkkkkkkk
شكرا جدا يا جماعة ربنا يكرمكوا
انا كنت بسأل عشان ان شاء المولى هعمل صيانة الالف خلاص فالحاجات العادية في كل الصني مش هيعملولها حاجة وهيبقى تضييع وقت ومجادلات وخلاص
- كدا بقى موضوع الصوت المختلف اللي فيه زنة مكتومة لما يكون الفتيس الاوتو على ال N دا صوت عااااادي جدا
- اما موضوع الصوت العالي بعد ال rpm ما يعدي 3 بشوية محتاج ناس اكتر معاها الصني تشارك بردو لانو صوت طنة كدا مزعج خصوصا لما تكون سايق فما فوق ال 90 كدا لفترة طويلة نسبيا ومفيش معاك حد تتكلم معاه
اخى العزيز، الموتور مش بيعدى 3000 rpm غير فوق ال 120، هو انت بتمشى ولمبة o/d منورة؟ دوس على الزرار بتاع o/d اللى فى العصاية علشان اللمبة اللى فى التابلوه تطفى وسوق وهى مطفية، هتلاقى ان الموتور صوته طبيعى جدا ، فى الظروف العادية متسوقش ابدا واللمبة دى منورة، أما امتى تستعملها فدور على المواضيع القديمة فى ساحة نيسان هتلاقى 20-30 موضوع على الأقل بيتكلموا على امتى تستعمل لمبة o/dاقتباس:
المشاركة الأصلية كتبت بواسطة madda7
سبعاوي باشا
متشكر على ردودك ربنا يكرمك
عموما هتأكد واشوف لاني كنت بكون على 90 وال rpm معدي ال 3
وهشوف موضوع ال o d دا بس حسبما اتذكر يعني هو بينور في التابلوة على اساس انه off
شكرا جزيلا
انا معايا 2010 ونفس الصوت لاحظتة والواضح ان ده شىء عادى
سبعاوي باشا والاخوة الاعزاء
صحيح انا كنت بسوق ولمبة ال o/d منورة ودا كان هو اللي بيعلى صوت الموتور بعد 3
بس بصراحة مش فاهم موضوع ال o/d بس لو حد يدينا نبذه سريعة عنه عشان نفهم
خصوصا اني بعد مطفيت ال o/d حسيت ان الاداء على السرعات المنخفضة والسحب قل شوية ولا دا مجرد احساس نفسي
اهم سؤال وياريت حد يفيدني لانو مهم جدا
انا من ساعة مجبت العربية والاوفر درايف لمبته منورة في التابلوه وانا اثناء فترة التليين مكملتش 750 كم
هل كون اني مشيت الفترة دي دا يأثر في العربية بانهي شكل وايه ممكن اعملوا عشان اتلافي التأثير دا قدر الامكان
شكرا ليكو جدا
لو لمبة الأوفر درايف منوره بيكون صوت الموتور عالى لأن فى الأوتوماتيك بيكون فيه اربع سرعات ولو لمبة الأوفر درايف منوره فهذا معناه ان اكبر نقله هاتكون التالت ومش هاينقل الرابع خالص وده بيزود عزم العربيه ولكن على حساب ال ر بى ام واستهلاك الوقود وده بنحتاجه لما تكون عاوز تعدى عربيه تانيه او تزود السرعه بس بعزم اكبر.
اما فى حالة العيار الرابع ودوست جامد على البنزين فهى اتوماتيك بترجع للتالت ولكن بعد فتره بترجع للرابع تانى وهذا يحدث فى كل نقله