عندي مشكلة في شبكة إتصالات لاسلكية عن طريق الواي فاي أدابتر

أنا معايا مودم يو إس بي من إتصالات وجبتله wi fi adaptor بتاع إتصالات برضه عشان أعمل شبكة لاسلكية بين اللاب توب وبعضهم في البيت ... وكمان شبكة سلكية بين الديسك توب

عندي إتنين لابتوب وإتنين ديسك توب اللاب شغال على الواي فاي
الديسك توب شغال على الكابلات

في كابلات إيثرنت راكبة في الحيطة وكل الكابلات ماشية في ماسورة مستقلة بيها مع بعض بعيد عن كابلات الكهرباء وكلها واصلة في مكان واحد حوالي 12 كابل عشان يركب عنده سويتش

أنا بشغل الراوتر بتاع إتصالات وباخد منه من مخرج الإيثرنت وبدخله على السويتش وبعد كده من خلال السويتش بعمل توزيع على الكابلات اللى في الحيطة لكل جهاز كمبيوتر

الموضوع كده مش عايز يشتغل والأجهزة مش شايفة بعضها خالص

الموضوع بيشتغل بقى والأجهزة كلها بتشوف بعضها لما بعمل نفس التوصيلات دي بنفس الإسلوب .. لكن بكابلات خارجية غير اللى ماشية في الحيطة وكله بيدخل على النت وبسرعة زي الفل والدنيا آخر حلاوة

لكن أنا عايز أشغل الكابلات اللى في الحيطة ومش عايزة تشتغل ... وهية دي المشكلة

بعض الحلول اللى عملتها

1- عملت تست للكابلات اللى في الحيطة بالـ cable tester وكل الأطراف واصلة والكابلات كلها سليمة

2- روحت مركب الراوتر بسلك خارجي لوحده على السويتش وباقيت الأجهزة بالأسلاك الداخلية لاقيت إن في جهاز واحد بس شغال وشايف الشبكة والتاني مش شايف حاجة .. بمعنى إن فيه كابلات إشتغلت وكابلات تانية مش عايزة تشتغل

3- شكيت في جودة الأسلاك نفسها نزلت إشتريت كابل طويل 30 متر يكفي المسافة من عند الراوتر لغاية السويتش جوة الحيط ونوعه المفترض إنه كيس جدا جربته الأول من برة لاقيته شغال وكله تمام والشبكة شغالة ... قلت تمام الحمدلله ... روحت ساحبه جوة الحيطة جنب إخواته .. جاي أوصل الشبكة لاقيت برضه نفس المشكلة ومافيش حاجة شايفة الشبكة برغم إنه نفس الكابل اللى كان شغال بره

4- قلت يمكن الإشارة اللى طالعة من الراوتر ضعيفة (برغم إنه كان شغال أهه على كابل 30 متر) روحت جايب سويتش تاني حطيته جنب الراوتر على طول وبعد كده خدت من السويتش ده للسويتش الأولاني البعيد ... لكن برضه مافيش نتايج

مش عارف هل المشكلة كده في الحيطة ... أهد البيت وأبنيه تاني ولا إيه

وليه لما بوصل الراوتر بسلك خارجي وبعد كده من السويتش للأجهزة الأخرة من خلال الحيط .. ألاقي "بعض" الكابلات اللى في الحيطة شغالة وتمام زي الفل ليه البعض الآخر بيكون مش شغال .. ما هي ماشية في الحيطة برضه والأطوال قريبة من بعضها حتى كله نفس النوع

وفي النهاية وبعد كل التجارب دي لاقيت إن بعض الكابلات الأخرى اللى الحيط وكانت بتبقى شغالة لما بوصل الراوتر بسلك خارجي قطعت مية ونور في حين إن البعض الآخر شغال لسة .. لكن فقط بتوصيل الراوتر للسويتش من برة الحيطة

مع ملاحظة إن الكابلات كلها سليمة وشغالة على التستر

خلاص أنا قربت أتجن ياريت لو حد يقدر يفيدني في الموضوع ده أحسن ما بقتش عارف أعمل إيه فيه

بتجربه الموضوع ده عند زبون عدي يا باشا
اثبتت الكابلات اللي ماشيه في الحيطه دي فشلها
لانها في الاول والاخر مجرد توصيله واحده متفرع منها اسلاك
ومن رايي انها متنفعش تشغل غير جهاز واحد بس
لو حتشغل كذا جهاز يبقي لازم سويتش يتعمل منه التفريعه

ياباشا دا أنا عامل تأسيس كامل جوة الحيطة

كل جهاز نازل من عنده كابل مستقل بيه هوة فقط لحد السويتش

يعني عندي 12 كابل لعدد 12 جهاز وكل كابل راكب في مخرج خاص بيه في السويتش

الف شكر على إهتمامك ياشنوري باشا شرفت الموضوع والله

طيب يا باشا انا علي ما فهمت كده انك عندك 12 فيشه في الحيطه
و12 ار جيه ناحيه السويتش
طيب الاسلاك ال 12 دول جربت تجربهم كل واحد علي حده؟؟؟؟
بمعني انك تركب الراوتر في كل واحد منهم وتشوف حيوصل للجهاز ولا لاء؟؟؟؟؟؟

تصدق أنا فعلا مجربتش أحط الراوتر على كل سلك على حده لأن إهتمامي كان بتشغيل الأربع أجهزة مع بعض

هاجرب فعلا الموضوع ده وهارد عليك .. بس بكرة بقى لأن البيت كله نام دلوقتي

تجربه رقم واحد:-

- الراوتر يوصل بالكابل الخارجي على السويتش
- السويتش مش واصل فيه غير rj واحد بس من بتوع الاسلاك اللي جوه الحيطه "بالاضافه طبعا للراوتر" يعني السويتش طول ماحنا بنجرب حايكون دايما مش واصل فيه غير كابلين. الخارجي اللي جاي من الراوتر و كابل كمان من الكابلات اللي في الحيطه

- استعمل كومبيوتر واحد بس للتجربه كلها و ماتشغلش ولا توصل غيره

توصل كابل من اللي في الحيطه في السويتش و تروح عند الفيشه بتاعته و توصل عليها الكومبيوتر و تشوف شايف نت ولا لا

و بعدين تفصل من عند السويتش و توصل كابل تاني من اللي جوه الحيطه في السويتش و تروح عند الفيشه بتاعته و تجرب

جرب الكابلات كلها بنفس الطريقه دي واحد واحد و عرفني النتيجه

باشا فيه حل اسهل من كل ده
ممكن تجيب كارتات نت وورك وايرليس للاجهزه الديسك توب وتريح دماغك من الاسلاك
وعموما جرب موضوع الاسلاك ده واحنا معاك

هي الكابلات اللى فى الحيطة ماشى جنبها سلوك كهربا ؟

لو اسلاك النيتورك ماشية بموازاة كبلات كهرباء في حدود 50 سم

هتقطع السيجنال . لازم تمشي كروس على اسلاك الكهرباء عشان متقطعش السيجنال.

اقتباس:

---

المشاركة الأصلية كتبت بواسطة shnory

طيب يا باشا انا علي ما فهمت كده انك عندك 12 فيشه في الحيطه
و12 ار جيه ناحيه السويتش
طيب الاسلاك ال 12 دول جربت تجربهم كل واحد علي حده؟؟؟؟
بمعني انك تركب الراوتر في كل واحد منهم وتشوف حيوصل للجهاز ولا لاء؟؟؟؟؟؟

---

اقتباس:

---

المشاركة الأصلية كتبت بواسطة Casio2000

تجربه رقم واحد:-

- الراوتر يوصل بالكابل الخارجي على السويتش
- السويتش مش واصل فيه غير rj واحد بس من بتوع الاسلاك اللي جوه الحيطه "بالاضافه طبعا للراوتر" يعني السويتش طول ماحنا بنجرب حايكون دايما مش واصل فيه غير كابلين. الخارجي اللي جاي من الراوتر و كابل كمان من الكابلات اللي في الحيطه

- استعمل كومبيوتر واحد بس للتجربه كلها و ماتشغلش ولا توصل غيره

توصل كابل من اللي في الحيطه في السويتش و تروح عند الفيشه بتاعته و توصل عليها الكومبيوتر و تشوف شايف نت ولا لا

و بعدين تفصل من عند السويتش و توصل كابل تاني من اللي جوه الحيطه في السويتش و تروح عند الفيشه بتاعته و تجرب

جرب الكابلات كلها بنفس الطريقه دي واحد واحد و عرفني النتيجه

---

تمت تجربة الطرق دي كلها وبرضه نفس النتيجة
بعض الكابلات الإشارة فيها بتروح وتيجي مش عرف ده معناه إيه
الكابل اللى كان شغال إمبارح وداخل على النت لما بوصل الروتر بكابل خارجي على السويتش لاقيته إنهاردة مش داخل على النت برغم إن الويندوز شايفة INTERNET ACCESS ... بس لما حطيته على التستر لاقيت بعض الأطراف مش شغالة فغالبا حصل مشكلة جديدة في آر جي الكابل ده وكسلت أغيره لإني إتخنقت بصراحة

اقتباس:

---

المشاركة الأصلية كتبت بواسطة pro_samir

هي الكابلات اللى فى الحيطة ماشى جنبها سلوك كهربا ؟

---

اقتباس:

---

المشاركة الأصلية كتبت بواسطة semosoft

لو اسلاك النيتورك ماشية بموازاة كبلات كهرباء في حدود 50 سم

هتقطع السيجنال . لازم تمشي كروس على اسلاك الكهرباء عشان متقطعش السيجنال.

---

أسلاك النتورك ماشية في مواسير مستقلة بيها .. أنا معرفش المواسير ماشية جنب مواسير تانية في أسلاك كهرباء ولا لأ بس اللى أكيد إن العلبة اللى طالع منها كابل الشبكة في جنبها علبة بتاعة كهرباء دايما على بعد 20 أو 25 سم أفقى والمواسير طالعة من الأرض موازيين لبعض لغاية إرتفاع تقريبا 40 سم دا المكان الوحيد اللى المواسير بتكون فيه جنب بعض (مسافة 40 سم متوازيين على بعد 20 .. 25 سم )

بس أنا جه في دماغي حاجة دلوقتي س هاعملها في يوم تاني كده في وسط الأسبوع إن شاء الله لإني تعبت من الموضوع ده بصراحة وهية إني أفصل الكهرباء تماما عن البيت وأركب الرواتر والسويتش من مصدر تيار بعيد شوية وأجرب تاني من غير كهرباء ماشية في الحيط وأشوف

اقتباس:

---

المشاركة الأصلية كتبت بواسطة shnory

باشا فيه حل اسهل من كل ده
ممكن تجيب كارتات نت وورك وايرليس للاجهزه الديسك توب وتريح دماغك من الاسلاك
وعموما جرب موضوع الاسلاك ده واحنا معاك

---

والله ياباشا أنا فكرت في كده ... بس مش عارف لسة الموضوع هاينتهي لإيه ... لأن الكلام ده عايز أجهزة وكروت جديدة وإعتماد مالي إضافي :M_yes[1]: المشكلة إن أنا لغاية دلوقتي صارف كتير وحاسس إن كله في الأرض ... وأحلى حاجة كمان إن الكتير ده ماكانش مرة واحدة لأ .. ده حاجة صغيرة تجيب حاجة تاني وأقول طب أجيب دي وأجرب وهكذا ,,, بس في الآخر أنا عارف تقريبا إن هية هاترسي على شبكة لاسلكي

بالمناسبة بقى في جهاز NETGEAR بيوصل الداتا عن طريق أسلاك الكهرباء نفسها يعني بيركب على فيشة الكهرباء نفسها وبيخرج منه RJ45 للتوصيل بالكمبيوتر وعشان أوصل لنقطة تانية من البيت باجيب وحدة تانية من نفس الجهاز وأركبها على أي مخرج كهرباء تاني والإتنين بيوصلوا الداتا ما بينهم عن طريق أسلاك الكهرباء اللى في الحيطة والوحدة التانية دي فيها برضه مخرج RJ45 للتوصيل بالكمبيوتر التاني ... وهكذا



الجهاز ده أنا شفته وأنا بشتري السويتش وسالت عليه لاقيت سعره 600 جنيه للوحدة الواحدة (ده اللى الراجل قالهولي) للأسف ماعرفتش أتأكد من إمكانياته ومواصفاته قوي لأنه كان مقفول

لو حد يعرف عنه حاجة أو سعره بجد لأني حسيت إن الواد ده بيشتغلني ياريت يقولي

مش عاوزك تتكلف تاني - و لو انا ممكن انجز في موضوع الوايرلس بس مشكلته انه في نقل الملفات الكبيره شلل

عموما احنا في الشغل لما بنمد في الحيطه لازم بنجيب الكابلات Shielded اللي هيا زي العاديه بس مابين البلاستيك الخارجي و الضفاير اللي جوه بيبقى فيه زي ورق الالومنيوم الخفيف عشان يحميه من اي Interference

لو تحب تجرب ده ك تجربه اخيره

لا مش بيشتغلك هو موجود فعلا وبيعمل الموضوع ده وفى نفس رينج السعر اللى انت ذكرتة

مش فاكر عنه تفاصيل فنيه لكن ممكن اسألك عليه لو عايزة

بس اللى يخليك تجيبه مانت تجيب أكسيس بوينت وكروت وايرلس للأجهزه هيبقى الموضوع أرخص بكتير وعملى أكتر لأن تقريبا بتاع الكهربا ده بيشتغل مع جهاز واحد على ما أذكر مش متأكد

اقتباس:

---

المشاركة الأصلية كتبت بواسطة casio2000

مش عاوزك تتكلف تاني - و لو انا ممكن انجز في موضوع الوايرلس بس مشكلته انه في نقل الملفات الكبيره شلل

عموما احنا في الشغل لما بنمد في الحيطه لازم بنجيب الكابلات shielded اللي هيا زي العاديه بس مابين البلاستيك الخارجي و الضفاير اللي جوه بيبقى فيه زي ورق الالومنيوم الخفيف عشان يحميه من اي interference

لو تحب تجرب ده ك تجربه اخيره

---

طب الكابلات دي ممكن أجيبها منين وأسعارها هاتكون في حدود كام ... أنا ماشوفتهاش في المحلات العادية اللى في المولات برغم إني أعرف إنها ضرورية في حالات كتير فعلا

اقتباس:

---

المشاركة الأصلية كتبت بواسطة pro_samir

لا مش بيشتغلك هو موجود فعلا وبيعمل الموضوع ده وفى نفس رينج السعر اللى انت ذكرتة

مش فاكر عنه تفاصيل فنيه لكن ممكن اسألك عليه لو عايزة

بس اللى يخليك تجيبه مانت تجيب أكسيس بوينت وكروت وايرلس للأجهزه هيبقى الموضوع أرخص بكتير وعملى أكتر لأن تقريبا بتاع الكهربا ده بيشتغل مع جهاز واحد على ما أذكر مش متأكد

---

لا ياباشا مش في دماغي أجيبه خالص أنا بس نفسي أعرف هوة فكرة عمله إيه وإزاي بينقل الداتا عن طريق كابل الكهرباء


بس لو هوة بالسعر ده يبقى مش عملي فعلا لأن كده الواحد ممكن يأسس شبكة بكل مكوناتها سلكية ولاسلكية بالمبلغ اللى ممكن أجيب بيه جهاز واحد بس من ده

حضرتك جربت كدة السوكتات (جمع سوكت) اللي في الحيطة متأرجة كويس ولا لأه .. لأن لو فيه سلك واحد مهرب يديك أنه متوصل على التيستر .. بس في نفس الوقت ميديش داتا (بيكون ملمس بسيط جداً).

كمان راجع على إعدادات الشبكة في أجهزة الكمبيوتر اللي عندك .

الخلاصة .. راجع على تأريج السلوك من ناحية السويتش .. ومن ناحية السوكتات اللي في الحيطة .. وتأكد أنها متأرجة بالشكل الصحيح (ترتيب الألوان)

ابيض برتقالي - برتقالي - أبيض أخضر - ازرق - ابيض ازرق - أخضر - ابيض بني - بني

الموضوع دا غالبا سببه وجود مجال كهربي ماشي في الحيطة قريب من الاسلاك دي

للاسف مش حاعرف اسألك قبل يوم الاتنين بيجيبوها منين بس اظن من النخيلي

اقتباس:

---

المشاركة الأصلية كتبت بواسطة ziabassem

حضرتك جربت كدة السوكتات (جمع سوكت) اللي في الحيطة متأرجة كويس ولا لأه .. لأن لو فيه سلك واحد مهرب يديك أنه متوصل على التيستر .. بس في نفس الوقت ميديش داتا (بيكون ملمس بسيط جداً).

---

طب أنا أتأكد من الحيطة إزاي ... هية عبارة عن فيشة نت بتشينو والسلك بيتقشر ويركب فيها مش بيتأرج بالطريقة العادية وبيتربط عليه بالمسامير بتاعة الفيشة ... بيتهايئلى كده الموضوع أكيد بيبقى راكب كويس وصعب يبقى فيه حاجة ملمسة لأني بتأكد من إن كل مسمار رابط على السلك بتاعه كويس

من ناحية السويتش هاتأكد من الآرجيهات كلها ويمكن أنزل كمان أجيب آرجيهات غالية ليهم كلهم وأشوف كده

هية نوعية الأراجة ممكن تفرق في الـتأريج على السلك ... !؟

اقتباس:

---

المشاركة الأصلية كتبت بواسطة NYSMA

طب أنا أتأكد من الحيطة إزاي ... هية عبارة عن فيشة نت بتشينو والسلك بيتقشر ويركب فيها مش بيتأرج بالطريقة العادية وبيتربط عليه بالمسامير بتاعة الفيشة ... بيتهايئلى كده الموضوع أكيد بيبقى راكب كويس وصعب يبقى فيه حاجة ملمسة لأني بتأكد من إن كل مسمار رابط على السلك بتاعه كويس

من ناحية السويتش هاتأكد من الآرجيهات كلها ويمكن أنزل كمان أجيب آرجيهات غالية ليهم كلهم وأشوف كده

هية نوعية الأراجة ممكن تفرق في الـتأريج على السلك ... !؟

---

أنا على حد علمي وزي ما شفت (مجربتهاش قبل كدة) أن السوكت اللي في الحيطة بيكون ليه أراجة مخصوصة غير الأراجة العادية :ma(30):.. وكمان السكوت من جوة بيكون مرسوم عليه الألوان .. وطريقة كبس السلوك مختلفة علشان كدة الأراجة دي معمولة ليها (يعني على سبيل المثال أن اللون البني بيكون مرسوم لون بني على المكان اللي حيركب فيه ومعتقدتش أنها بتركب بمسامير .. إلا لو كانت نوع أنا مشفتوش قبل كدة) .

بس في الأول والأخر ممكن تكون مشكلة متخطرش على البال وحلها أبسط ما يكون .. وعلشان توصل لحل علمي سليم لازم تثبت معطيات معينة (زي جهاز كمبيوتر واحد تجرب بيه) وتغير في المعطيات التانية زي تأريج السلك من تاني أو تجربة مرة جوة الحيطة ومرة بره الحيطة وهكذا لحد ما توصل للحل . :unhappy: مع الوضع في الاعتبار أنه ممكن يكون مجال كهربي مأثر عليها .

بس أنا عاوز أعرف السوتش اللي عند حضرتك نوعه أيه .. علشان فيه سويتشات زي الدي لينك بتبقى غبية شوية في تعاملاتها .. وكمان بيبقى فيه سويتشات بيبقى ليها طريقة تأريج تانية وعلشان تتأكد من الموضوع ده دور عليهم في النت وشوف طريقة التعامل معهم ازاي .

اقتباس:

---

المشاركة الأصلية كتبت بواسطة ziabassem

بس أنا عاوز أعرف السوتش اللي عند حضرتك نوعه أيه .. علشان فيه سويتشات زي الدي لينك بتبقى غبية شوية في تعاملاتها .. وكمان بيبقى فيه سويتشات بيبقى ليها طريقة تأريج تانية وعلشان تتأكد من الموضوع ده دور عليهم في النت وشوف طريقة التعامل معهم ازاي .

---

netgear

هية الفيش اللى في الحيطة فعلا بتركب بمسامير بتربط عليها 8 أطراف صغيرين بـ 8 مسامير صغيرين كل مسمار بيربط على طرف وترتيب الألوان بتاعهم مرسوم على الفيشة وبربط على أساسه

بس أنا دايما برتب الألوان كالتالي

من اليمين للشمال
أزرق - أزرق أبيض - أخضر - أخضر أبيض - برتقالي - برتقالي أبيض - بني - بني أبيض
وبعمل كده في كل الأسلاك من الناحيتين ... بيتهايئلي ده لا يؤثر على حاجة طالما من الناحيتين بنفس الترتيب

لو الموضوع ده ليه تأثير قوللى قبل ما أغير الـ آرجيهات عشان أعملها بالترتيب الجديد كلها

اقتباس:

---

المشاركة الأصلية كتبت بواسطة nysma

netgear

هية الفيش اللى في الحيطة فعلا بتركب بمسامير بتربط عليها 8 أطراف صغيرين بـ 8 مسامير صغيرين كل مسمار بيربط على طرف وترتيب الألوان بتاعهم مرسوم على الفيشة وبربط على أساسه

بس أنا دايما برتب الألوان كالتالي

من اليمين للشمال
أزرق - أزرق أبيض - أخضر - أخضر أبيض - برتقالي - برتقالي أبيض - بني - بني أبيض
وبعمل كده في كل الأسلاك من الناحيتين ... بيتهايئلي ده لا يؤثر على حاجة طالما من الناحيتين بنفس الترتيب

لو الموضوع ده ليه تأثير قوللى قبل ما أغير الـ آرجيهات عشان أعملها بالترتيب الجديد كلها

---

سيدي الفاضل .. يا ريت تعملهم بالترتيب اللي سبق وقلته (ابيض برتقالي - برتقالي - ابيض أخضر - ازرق - ابيض ازرق - اخضر - ابيض بني - بني) .. ده في ناحية الأرجي اللي حيركب في السويتش .. وحضرتك لما تأرج تخلي الريشه بتاعة الأرجي للأسفل .. والترتيب ده من الشمال لليمين ، وتتأكد وأنت بتساوي السلوك أنهم على خط واحد (يعني مفيش سلك أطول من التاني .. وأنهم واصلين لأخر الأرجي) ، أما بالنسبة للسوكت اللي في الحيطة .. فخليه زي ما الألوان مرسومة .

أنا أول مرة أسمع عن سوتش أسمه نيت جير .. ممكن تكون حضرتك تقصد الراوتر (على ما أظن)

وأول مرة برضه أسمع عن سوكت بيتربط بمسامير (ممكن تكون حاجة جديدة) .. بس السؤال هنا لما يتربط بمسامير السلوك حتلمس ازاي .. إلا إذا كان المسمار بيعرى السلك .. أو انت بتعري السلك وتربطه في المسمار .. أرجو التوضيح للإفادة ليا على الأقل .

متنساش تقولنا عملت أيه بعد ما تأرج بالطريقة اللي وضحتهالك ناحية السويتش .. وإن شاء الله تنفع مع حضرتك .. وتحياتي

اقتباس:

---

المشاركة الأصلية كتبت بواسطة ziabassem

أنا أول مرة أسمع عن سوتش أسمه نيت جير .. ممكن تكون حضرتك تقصد الراوتر (على ما أظن)

وأول مرة برضه أسمع عن سوكت بيتربط بمسامير (ممكن تكون حاجة جديدة) .. بس السؤال هنا لما يتربط بمسامير السلوك حتلمس ازاي .. إلا إذا كان المسمار بيعرى السلك .. أو انت بتعري السلك وتربطه في المسمار .. أرجو التوضيح للإفادة ليا على الأقل .

---

نت جير سويتش وليس راوتر 5 بورت و 8 بورت

إنت فعلا اللى بتعري السلك وبعد كده بتربط عليه بالمسمار

بس نفسي أعرف إيه الفرق بين إني أرتب الألوان بالطريقة اللى حضرتك قلت عليها أو أي طريقة تانية ... طالما جهتين السلك معمولين زي بعض وخلاص

اقتباس:

---

المشاركة الأصلية كتبت بواسطة NYSMA

[font=courier
بس نفسي أعرف إيه الفرق بين إني أرتب الألوان بالطريقة اللى حضرتك قلت عليها أو أي طريقة تانية ... طالما جهتين السلك معمولين زي بعض وخلاص

---

تقريبا هنا المشكله يا رايس

بس قولي الاول ترتيب الالوان في الفيشه ايه؟؟

لان ده هيترتب عليه ترتيبك للاسلاك لما تيجي تارج

A.Yakout

اقتباس:

---

المشاركة الأصلية كتبت بواسطة nysma

نت جير سويتش وليس راوتر 5 بورت و 8 بورت

إنت فعلا اللى بتعري السلك وبعد كده بتربط عليه بالمسمار

بس نفسي أعرف إيه الفرق بين إني أرتب الألوان بالطريقة اللى حضرتك قلت عليها أو أي طريقة تانية ... طالما جهتين السلك معمولين زي بعض وخلاص

---

أنا بصراحة مشوفتش السوكت اللي بيتعرى فيه السلوك ده قبل كدة .. ممكن تكون حاجة قديمة .. أو جديدة لسه نازلة .. وطبعاً طريقة ترتيب الألوان بتفرق بس مش عارف افسرهالك بشكل علمي لأني مش أكسبرت في الشبكات .. بس هي بتأثر .
ومينفعش اللي حضرتك بتقول عليه أن طالما وحدت الألوان في الطرفين يبقى خلاص ... إنما لازم الترتيب ده .

على العموم أعمل طريقة ترتيب الألوان اللي قلتهالك من ناحية السويتش .. وناحية السوكت خليه زي ما الألوان مرسومة .. حتى لو خلفت مع الطرف التاني .

اقتباس:

---

المشاركة الأصلية كتبت بواسطة nabaster

تقريبا هنا المشكله يا رايس

بس قولي الاول ترتيب الالوان في الفيشه ايه؟؟

لان ده هيترتب عليه ترتيبك للاسلاك لما تيجي تارج

a.yakout

---

بنسبة 90% المشكلة في ترتيب الألوان .. بس مش شرط ترتيب الألوان في الفيشة يترتب عليه ترتيبها في التأريج .. إلا لو كان نظام السويتش اللي عنده مختلف وأن التأريج فيه يكون كروس مش عادي من سويتش لكمبيوتر .

وبعدين ممكن يكون نظام تركيب السلوك في الفيشة 4 في الأعلى و4في الأسفل (وده من داخل الفيشة .. إنما من الناحية الخارجية .. بيكون rj45 عادي) على حسب نظام الفيشة .. وأنا أول مرة اشوف فيشة بيتعرى فيها السلك وتربطه بمسمار . كل اللي شوفته فيش بيكون ليها أراجه معينة .

جرب حاجة تانية بس دي معتمدة ان الاجهزة كلها متوصلة و الNetwork icon مش مدية error

1-خلي كل الاجهزة تاخد static ip Address for example
ip:192.168.1.2
subnet:255.255.255.0
Default Gateway: 192.168.1.1 *check your router ip as it's your Gatway

2-خوش علي اية جهاز و اعمل WORKGROUP
سميها اي اسم و دخل كل الاجهزة في ال WORKGROUP
وبعد كدة Enable Network Discoery

و نصحية لو انتا ملكش في موضوع التوصيلات و وجع القلب دة شد وصلة من اللي انتا بتقول عليها داخل الحيطة و جيب زيها من Radio Shack
حاجة تكون جاهزة متقفلة من المصنع يعني السلك بالفيشة بكلة عشان تبقيء داما ان ال Error Factor for cables = 0

الحمد لله .... المشكلة إتحلت ... هيييييييييييييييييييييييي ييييييييييييييييييييييه

قعدت إنهاردة غيرت الألوان بتاعة أربع فيش من اللى في الحيطة وروحت رايح مغير الآرجيهات بتاعتهم اللى طالعين من ناحية السويتش بنفس الترتيب اللى إنتوا قلتوه هنا ......

وروحت موصل .....

لاقيت الشبكة كلها شغااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااالة

ومن جوة الحيطة .

أنا مش مصدق نفسي بصراحة

وبعدين كمان مش مصدق إن الألوان بتاعتهم بتفرق كده ... ما هيه هية أسلاك نحاس وكلهم بنفس الترتيب من الطرفين

والتستر بيقراهم من 1 - 8 في جميع الأحوال يعني مافيش أي طرف راكب مكان طرف آخر يعني السجنال عمرها ما هتفرق بالنسبة للأجهزة

نفسي أفهم إيه السر في كده وإيه تفسير الكلام ده

ياريت اللى يعرف يقولنا

الف شكر لكل الأخوة الأعضاء اللى تعبتهم معايا

جزاكم الله خيرا كثيرا

:36_1_8[1]::36_1_8[1]::36_1_8[1]::36_1_8[1]::36_1_8[1]::36_1_8[1]::36_1_8[1]::36_1_8[1]:

:Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]:

:satelite:

:verygood::verygood::verygood::verygood::verygood: :verygood::verygood::verygood:

اقتباس:

---

المشاركة الأصلية كتبت بواسطة NYSMA

الحمد لله .... المشكلة إتحلت ... هيييييييييييييييييييييييي ييييييييييييييييييييييه

قعدت إنهاردة غيرت الألوان بتاعة أربع فيش من اللى في الحيطة وروحت رايح مغير الآرجيهات بتاعتهم اللى طالعين من ناحية السويتش بنفس الترتيب اللى إنتوا قلتوه هنا ......

وروحت موصل .....

لاقيت الشبكة كلها شغااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااالة

ومن جوة الحيطة .

أنا مش مصدق نفسي بصراحة

وبعدين كمان مش مصدق إن الألوان بتاعتهم بتفرق كده ... ما هيه هية أسلاك نحاس وكلهم بنفس الترتيب من الطرفين

والتستر بيقراهم من 1 - 8 في جميع الأحوال يعني مافيش أي طرف راكب مكان طرف آخر يعني السجنال عمرها ما هتفرق بالنسبة للأجهزة

نفسي أفهم إيه السر في كده وإيه تفسير الكلام ده

ياريت اللى يعرف يقولنا

الف شكر لكل الأخوة الأعضاء اللى تعبتهم معايا

جزاكم الله خيرا كثيرا

:36_1_8[1]::36_1_8[1]::36_1_8[1]::36_1_8[1]::36_1_8[1]::36_1_8[1]::36_1_8[1]::36_1_8[1]:

:Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]:

:satelite:

:verygood::verygood::verygood::verygood::verygood: :verygood::verygood::verygood:

---

بتفرق لان كل سلك ليه وظيفة من التمانية

1 TX Ring
2 TX Tip
3 Ground
4 RX Ring
5 RX Tip
6,7,8 Ground

يعني الارسال على 1 و 2 و الاستقبال على 4 و 5 أما 3 و 6 و 7 و 8 أرضي فلازم تباعد الاطراف عن بعض بهذا الترتيب عشان ما يحصلش تداخل داخل الكابل ذاته بين الارسال و الاستقبال

اقتباس:

---

المشاركة الأصلية كتبت بواسطة أحمد كمال

بتفرق لان كل سلك ليه وظيفة من التمانية

1 TX Ring
2 TX Tip
3 Ground
4 RX Ring
5 RX Tip
6,7,8 Ground

يعني الارسال على 1 و 2 و الاستقبال على 4 و 5 أما 3 و 6 و 7 و 8 أرضي فلازم تباعد الاطراف عن بعض بهذا الترتيب عشان ما يحصلش تداخل داخل الكابل ذاته بين الارسال و الاستقبال

---

ما هو اللى أنا عايز اوصله إن أنا لو جبت مثلا الطرف رقم 5 حطيته مكان الطرف رقم 1 ... وعملت كده في الناحيتين بتوع السلك وركبته الجهاز هايعرف منين إن أنا لعبت في الأطراف بتاعة الكابل

ما هو هايعامل الطرف نمرة 5 على إنه TX RING لإنه محطوط مكان الطرف نمرة 1 ... وهايعامل الطرف نمرة 1 على إنه RX TIP لإنه محطوط مكان الطرف نمرة 5 ..... والجهاز اللى الناحية التانية برضه من الكابل هايعمل كده لإنها نفس الترتيبة .. يبقى الطرف رقم 5 بقى فعليا نقدر نقول عليه إنه هوة رقم واحد لأنه خد مكانه ووظيفته .. ما هي كلها شوية أسلاك نحاس مع بعض

نقطة كمان : ما هي الأسلاك بتلف حوالين بعضها داخل الكابل كذا مرة والأطراف بتختلط حوالين بعض أكيد أكتر من مرة على طوا مسافة الكابل ... دا مابيعملش تداخل بين الإرسال والإستقبال داخل الكابل الواحد

أنا مش قصدي أجادل .. لأن الحقيقة قدامي واضحة وأكيدة ... وهي إن اللى بقوله ده غلط

بس أنا أطمع في شرح أبسط للموضوع .. لأني لسة مش فاهمه كويس

وجزاكم الله خيرا


والله أنا كنت مستني حضرتك ترد عليا من أول الموضوع لأن القصة دي بخصوص الأدابتر بتاع إتصالات وكنت متوقع مثلا إنك هاتقولي مثلا إنه إشارته ضعيفة ومايقدرش يشتغل على كابلات طويلة (تقريبا كنت بحلم من كتر التهييس اللى كنت فيه :ma:)

والف شكر على رد حضرتك

اقتباس:

---

المشاركة الأصلية كتبت بواسطة nysma

ما هو اللى أنا عايز اوصله إن أنا لو جبت مثلا الطرف رقم 5 حطيته مكان الطرف رقم 1 ... وعملت كده في الناحيتين بتوع السلك وركبته الجهاز هايعرف منين إن أنا لعبت في الأطراف بتاعة الكابل

ما هو هايعامل الطرف نمرة 5 على إنه tx ring لإنه محطوط مكان الطرف نمرة 1 ... وهايعامل الطرف نمرة 1 على إنه rx tip لإنه محطوط مكان الطرف نمرة 5 ..... والجهاز اللى الناحية التانية برضه من الكابل هايعمل كده لإنها نفس الترتيبة .. يبقى الطرف رقم 5 بقى فعليا نقدر نقول عليه إنه هوة رقم واحد لأنه خد مكانه ووظيفته .. ما هي كلها شوية أسلاك نحاس مع بعض

نقطة كمان : ما هي الأسلاك بتلف حوالين بعضها داخل الكابل كذا مرة والأطراف بتختلط حوالين بعض أكيد أكتر من مرة على طوا مسافة الكابل ... دا مابيعملش تداخل بين الإرسال والإستقبال داخل الكابل الواحد

أنا مش قصدي أجادل .. لأن الحقيقة قدامي واضحة وأكيدة ... وهي إن اللى بقوله ده غلط

بس أنا أطمع في شرح أبسط للموضوع .. لأني لسة مش فاهمه كويس

وجزاكم الله خيرا


والله أنا كنت مستني حضرتك ترد عليا من أول الموضوع لأن القصة دي بخصوص الأدابتر بتاع إتصالات وكنت متوقع مثلا إنك هاتقولي مثلا إنه إشارته ضعيفة ومايقدرش يشتغل على كابلات طويلة (تقريبا كنت بحلم من كتر التهييس اللى كنت فيه :ma:)

والف شكر على رد حضرتك

---

المشكلة ان 1 و 2 بتوع الارسال و 4و 5 استقبال و انت لو بدلت 1 و 5 زي ما بتقول هتبقى مشيت الارسال مع الاستقبال

و الاسلاك ملفوفة جوة في ازواج كل لون مع الابيض بتاعه (يعني ابيض برتقالي مع برتقالي) ...... و ملفوفين بطريقة معينة تمنع التداخل بس بشرط انك تكبس الجاك بالشكل ده ....

و الراوتر براءة ..... انت عايزني اقول الراوتر هو السبب و اترفد و لا إيه :44:

انا على فكرة كنت هاقول لك على حوار الالوان بس الزميل الاخر سبقني :)

اقتباس:

---

المشاركة الأصلية كتبت بواسطة أحمد كمال

و الراوتر براءة ..... انت عايزني اقول الراوتر هو السبب و اترفد و لا إيه :44:

---

ياباشا أنا أقدر الراوتر براءة طبعا :satelite: ... بس هوة كان حلم وحش أكيد مش بقوللك كنت مهيس :36_1_8[1]: ... دانا بقالي أكتر من إسبوع في القصة دي كل يوم أجرب حاجة شكل لما خلاص كنت هافرقع من التفكير :120146b ... بس الخبرة برضه بتفرق فعلا ... وبعدين كنت مصمم إني أعمله أنا .. والحمدلله على توفيق ربنا :ask:

ده كفاية إنه إتصالات ... والله أنا بحب الشركة دي من ساعة ما فتحت وحاسس فيها بإبتسامة أمل :B4_282: ... كفاية إنها عدلت السوق المصري في مجال الإتصالات لأول مرة في تاريخه

اقتباس:

---

المشاركة الأصلية كتبت بواسطة nysma

ياباشا أنا أقدر الراوتر براءة طبعا :satelite: ... بس هوة كان حلم وحش أكيد مش بقوللك كنت مهيس :36_1_8[1]: ... دانا بقالي أكتر من إسبوع في القصة دي كل يوم أجرب حاجة شكل لما خلاص كنت هافرقع من التفكير :120146b ... بس الخبرة برضه بتفرق فعلا ... وبعدين كنت مصمم إني أعمله أنا .. والحمدلله على توفيق ربنا :ask:

ده كفاية إنه إتصالات ... والله أنا بحب الشركة دي من ساعة ما فتحت وحاسس فيها بإبتسامة أمل :b4_282: ... كفاية إنها عدلت السوق المصري في مجال الإتصالات لأول مرة في تاريخه

---

و اتصالات .... زي ما بتحبها ..... بتحبك كمان .... و كمان ..... و كمان :36_3_18[1]:

تصحيح لمعلومة 1و2 للأرسال أو ال transmit و3و6 للإستقبال أو الreceive والباقي غير مستخدم

اقتباس:

---

المشاركة الأصلية كتبت بواسطة NYSMA

الحمد لله .... المشكلة إتحلت ... هيييييييييييييييييييييييي ييييييييييييييييييييييه

قعدت إنهاردة غيرت الألوان بتاعة أربع فيش من اللى في الحيطة وروحت رايح مغير الآرجيهات بتاعتهم اللى طالعين من ناحية السويتش بنفس الترتيب اللى إنتوا قلتوه هنا ......

وروحت موصل .....

لاقيت الشبكة كلها شغااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااالة

ومن جوة الحيطة .

أنا مش مصدق نفسي بصراحة

وبعدين كمان مش مصدق إن الألوان بتاعتهم بتفرق كده ... ما هيه هية أسلاك نحاس وكلهم بنفس الترتيب من الطرفين

والتستر بيقراهم من 1 - 8 في جميع الأحوال يعني مافيش أي طرف راكب مكان طرف آخر يعني السجنال عمرها ما هتفرق بالنسبة للأجهزة

نفسي أفهم إيه السر في كده وإيه تفسير الكلام ده

ياريت اللى يعرف يقولنا

الف شكر لكل الأخوة الأعضاء اللى تعبتهم معايا

جزاكم الله خيرا كثيرا

:36_1_8[1]::36_1_8[1]::36_1_8[1]::36_1_8[1]::36_1_8[1]::36_1_8[1]::36_1_8[1]::36_1_8[1]:

:Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]:

:satelite:

:verygood::verygood::verygood::verygood::verygood: :verygood::verygood::verygood:

---

ألف مبروك لحضرتك :satelite: أنا فرحت أنك عرفت تعملها كأنها كانت مشكلة عندي أنا مش عندك وعاوزك بقى تدعيلي .. متنساش :ask:

وبالنسبة للتيستر ده وظيفته أنه يشوف أن الأسلاك متوصلة من الطرفين ولا فيه قطع موجود فقط لا غير .. إنما مالوش دعوة بترتيب الألوان .

اقتباس:

---

المشاركة الأصلية كتبت بواسطة ziabassem

ألف مبروك لحضرتك :satelite: أنا فرحت أنك عرفت تعملها كأنها كانت مشكلة عندي أنا مش عندك وعاوزك بقى تدعيلي .. متنساش :ask:

وبالنسبة للتيستر ده وظيفته أنه يشوف أن الأسلاك متوصلة من الطرفين ولا فيه قطع موجود فقط لا غير .. إنما مالوش دعوة بترتيب الألوان .

---

ياباشا ربنا يكرمك ويسلمك من كل مكروه والله دعتلكوا جميعا من غير حاجة


المفروض بالنسبة للتستر حسب الكتيب اللى معاه بيحدد ترتيب الأسلاك حسب ألوانها وأرقامها في الجاك ولو فيه أسلاك ملمسة في بعض بيعمل إشارة معينة بأرقامهم ولو فيه أسلا معكوسة بيجيب أرقامهم والأماكن اللى معكوسة فيهم .... وكل ده موضح في الكتيب بتاعه

إنهاردة الحمدلله كملت الشبكة في باقيت البيت وكلها شغالة الحمدلله .... بصراحة قمة السهولة والموضوع ماشي تمام ... أعمل الآر جي وأوصل .. ألاقي كله شغال بس كده مش أكتر

لدرجة إني وأنا شغال حسيت قد إيه الواحد كان غبي

اللى أنا إفتكرته دلوقتي ومحيرني إن ترتيب الألوان اللى كنت بعمله ده كان شغال في كل الوصلات القصيرة اللى كنت بجرب بيها خارجيا

وأعتقد إن ده تفسيره إن السلك القصير ماكانش بيلحق يحصل فيه تداخل يبوظ السيجنال .. زي السلك الطويل ..

اقتباس:

---

المشاركة الأصلية كتبت بواسطة nysma

ياباشا ربنا يكرمك ويسلمك من كل مكروه والله دعتلكوا جميعا من غير حاجة


المفروض بالنسبة للتستر حسب الكتيب اللى معاه بيحدد ترتيب الأسلاك حسب ألوانها وأرقامها في الجاك ولو فيه أسلاك ملمسة في بعض بيعمل إشارة معينة بأرقامهم ولو فيه أسلا معكوسة بيجيب أرقامهم والأماكن اللى معكوسة فيهم .... وكل ده موضح في الكتيب بتاعه

إنهاردة الحمدلله كملت الشبكة في باقيت البيت وكلها شغالة الحمدلله .... بصراحة قمة السهولة والموضوع ماشي تمام ... أعمل الآر جي وأوصل .. ألاقي كله شغال بس كده مش أكتر

لدرجة إني وأنا شغال حسيت قد إيه الواحد كان غبي

اللى أنا إفتكرته دلوقتي ومحيرني إن ترتيب الألوان اللى كنت بعمله ده كان شغال في كل الوصلات القصيرة اللى كنت بجرب بيها خارجيا

وأعتقد إن ده تفسيره إن السلك القصير ماكانش بيلحق يحصل فيه تداخل يبوظ السيجنال .. زي السلك الطويل ..

---

ربنا يخليك يا ريس .. ويديم الأخوة اللي بينا في المنتدى هنا .. والحمد لله أن كل السوكتات اللي عندك في الحيطة اشتغلت وبكفاءة .

لا سمح الله متقولش على نفسك الوصف ده .. فيه فرق بين الصفة دي وبين أنك تكون على غير علم بيه .. وشتان بين الاتنين .. والإنسان طول ما هو عايش حيفضل يتعلم .

وعلى ما اعتقد أنك لو وحدت الألوان في الطرفين (بغض النظر عن الترتيب .. زي ما كنت بتعمل في الأول) في سلك طوله لا يتعدى 2 أو 3 متر حتشتغل معاك .

وممكن بالحكاية دي نستنتج أن بعض السلوك (الحاملة للداتا) بعد طول معين بتكون عاجزة عن أداء وظيفتها (في حالة توحيد الألوان.. وليس بالترتيب) .. احتمال تكون خصائص في السلك نفسه (السماكة .. النوعية ..إلخ) .. لو حد عنده فكره عن الموضوع ده يا ريت يوضحها .

عاوز أضيف حاجة برضة .. وهي أن طريقة الترتيب دي بتختلف في حالة لو وصلت جهاز كمبيوتر بجهاز أخر .

أنا حالا لسة مكتشف حاجة من ملاحظتي لوظيفة كل طرف من أطراف الأسلاك بداخل الكابل (وبالنظر لإسم الكابل اللى أنا كنت فاهمه لكن مش مدرك لمعناه) .. واللى كان حاططها أخي أحمد كمال

واللى ملخصها الصحيح اللى إتأكدت منه كالتالي ..

1- tx ring +
2- tx tip -
3- rx ring +
6- rx tip -

4 , 5 , 7 , 8 ... Ground كل جوز منهم بيخدم إتجاه من إتجاهات البيانات سواء إرسال أو إستقبال لكنه غير ضروري إلا في تقوية الإشارة



بتفرق في إيه بقى جوة الكابل ...

الكابل عبارة عن كل زوجين من الأسلاك ملفوفين جواه حوالين بعض واللفة دي مقصودة جدا .. لأن اللفة دي بتخلى الإشارة اللى ماشية جوة السلكين دول بالذات تفضل بينهم هما بالذات ماتخرجش بره تعمل شوشرة على غيرهم من الأسلاك وفي نفس الوقت ما فيش أي شوشرة ممكن تحصل عليهم من أسلاك تانية شايلة إشارة تانية

وعشان كده أنا فهمت دلوقتي ليه الكابل ده إسمه twisted paires

ترتيب الألوان اللى انا كنت عامله وهو كالتالي

1- أبيض بني
2- بني

3- أبيض برتقالي
4- برتقالي

5- أبيض أخضر
6- أخضر

7- أبيض أزرق
8- أزرق

بيخلي إشارة الإرشال تمشي في الأسلاك نمرة واحد وإتنبن تمام لإنهم جوز أسلاك ملفوفين حوالين بعض .. وبكده الإشارة تمام لا هاتعمل شوشرة على حاجة ولا حاجة هاتعمل شوشرة عليها

لكن المشكلة بقى في أطراف الإستقبال ... لأن كارت الشبكة أو السويتش بيستقبل عن طريق الأطراف أرقام 3 و 6

ولو لاحظنا من الترتيب بتاعي القديم إنه هايخلي الطرف نمرة 3 من الجوز البرتقالي والطرف نمرة 6 من الجوز الأخضر يبقى البيانات المرسلة هنا هاتمشي مع أطراف أخرى من أزواج أخرى وهى الأرضي رقم 4 ورقم 5


ولو رجعنا لأصل البيانات المرسلة والمستقبلة هانلاقيها إنها أصلها كهرباء مكونة من موجب وسالب ومشفرة بنظام التشفير الثنائي صفر وواحد الخاص بأنظمة الحاسب الآلي

ولو حصل أي تداخل ولو بسيط للشفرة دى سواء من مجال كهرومغناطيسي أو كهربي مهما كانت ضآلته ممكن التداخل ده يؤدي لأن الصفر يبقى شبه الواحد بالنسبة للكمبيوتر بداخل الشفرة الثنائية المتأثرة بالمجال ده وبيكون التأثير ده أكبر كل ما الكابل يبقى أطول


وهو ده اللى بيخلق الشوشرة داخل الكابل على المسافات الطويلة فقط ..

لأن المسافات القصيرة مش هاتلحق معاها المجالات الكهربية أو الكهرومغناطيسية الضئيلة جدا في التأثير على الشفرة الثنائية قوي .. لكن ممكن يسبب بطئ نقل البيانات لأن أكيد في باكتات هاتتبعت أكتر من مرة بسبب التداخل البسيط

ولأن الكمبيوتر غبي ومابيفهمش .. هاياخد الشفرة كده وهية غلط ومش هايعرف يحلها فالبيان اللى حصل عليه تداخل هايقع منه وباكتات بحالها مش هايقدر يستقبلها أصلا وتكون النتيجة إن الشبكة تقع


..................................


لكن الترتيب الصحيح بيخلي البيانات المرسلة تمشي في الجوز البرتقالي مع بعض بدون أي شوشرة عليها أو تداخل

والبيانات المستقبلة تمشي في الجوز الأخضر بدون أي شوشرة أو تداخل يحصل عليها

والجوز الأزرق والبني بيشكلو أرضي كل جوز لكل إتجاه من البيانات بدون مايعملوا تداخل مع أي أطراف أخرى


ده تحليلي الخاص ...

وهاحاول أكده بالبحث في النقطة دي شوية عشان ارتاح من التفكير في الموضوع ده بقى



وشكرا لحسن إستماعكم
وتصبحوا على خيرا ... نوما هنيئاً