الفن المصرى اصل الرسالة , و لكنه .!

**Terrible_DaRsH** · 07-01-2010 01:34 AM

صدق اللى قال الفن رسالة فعلاً ..

و دى سلسلة الافلام الاخيرة اللى انتشرت و بقت تجيب ايرادات عالية جدا و ملايين بنسمعها من الافلام دى ..

ده اولهم .

YouTube - ‫ط§ط¹ظ„ط§ظ† ظپظٹظ„ظ… ط¨ط§ظ„ط§ظ„ظˆط§ظ† ط§ظ„ط·ط¨ظٹط¹ظٹظ‡‬&lrm;

ثانيهم .

YouTube - ‫ط§ط¹ظ„ط§ظ† ظپظٹظ„ظ… ظƒظ„ظ…ظ†ظٹ ط´ظƒط±ط§‬&lrm;

ثالثهم و اقذرهم .

YouTube - ‫ط§ط¹ظ„ط§ظ† ظپظٹظ„ظ… ط§ط.ط§ط³ظٹط³ ظ„ظ„ظƒط¨ط§ط± ظپظ‚ط·‬&lrm;

للاسف الافلام دى بقت تحظى على شعبية كبيرة جدا من الشباب التافه و البنات اللى بقت بدون رقابة و ملايين بتتدفع فى افلام قذرة و ال ايه ( الفن رسالة ) !!

هو فى ايه يا جماعة ! البلد حصل لها ايه ؟؟

لما الجزائريين يقولوا علينا دولة ( ليلى علوى ) يبقي عندهم حق فعلا , بقينا احنا مصدر الفساد لكل العرب , اى واحدة لبنانية عايزة تتشهر بتيجى مصر تقلع و تتشهر و تاخد ملايين من تفاهتنا و سلبيتنا ..

و الله البلد دى بقت شبه مستحيلة تتعدل , و ال ايه عايزين البرادعى يحكم .

العيب مش فى الحكووومة و لا الظروف , العيب فينا احنا .

---------------
تم إتلاف الروابط ، لا نسمح بنشر إعلانات هذه الأفلام على صفحات المنتدى
إدارة المنتدى

**TeXo** · 07-01-2010 01:38 AM

للأسف المجال الوحيد اللي أتمنى يلغوا منه "الديموقراطيه" هو مجال الفن و نفسي أمثال خالد يوسف و إيناس الدغيدي يعتقلوا ....

**Usama Nagi** · 07-01-2010 02:06 AM

الثلاث افلام اسوأ من بعض

نجاح حين ميسرة دفع المخرجين للأفلام الهابطة علشان يكسبوا
بجد مين اللي يروح الأفلام دي سينما ؟؟؟؟

**Eng.Osama.Afifi** · 07-01-2010 02:12 AM

اللهم أرفع مقتك وغضبك عنا

مش لازم الفيديوهات ديه تتحط هنا ... ده رأيي يعني ... يعني على شان ماتخدش ذنوب

**pro_samir** · 07-01-2010 04:20 AM

المشاركة الأصلية كتبت بواسطة eng.osama.afifi

مش لازم الفيديوهات ديه تتحط هنا ... ده رأيي يعني ... يعني على شان ماتخدش ذنوب

كنت هقولك كدة يا درش

**Terrible_DaRsH** · 07-01-2010 07:28 AM

المشاركة الأصلية كتبت بواسطة momopersona

والله كلامك صح
لكن مهما كان الافلام موجوده وكل واحد رقيب على نفسه وكل مكان فيه الوحش والحلو
وعلى فكره احنا مانجيش حاجه جنب الجزائر ولازم تبئا عارف كده
فى الجزائر اعلانات فتيات دعاره فى الصحف والمجلات وفى القمر الاوروبى (hotbird) اللى هو منتشر زى النايل سات عندنا كده
والفن اللى من النوع ده مش موجود عندهم لانه بالنسبالهم مش حاجه
احنا الحاجات دى مازالت بتحرك مشاعرنا عندهم عادى
يعنى عندنا فى الدش (نايل سات وعرب سات )توجد قوانين رقابه مثل عدم ظهور مناطق فى الجسم
عندهم فى ال (هوت بيرد) مافيش الكلام ده ونفس النظام فى مجلات فرنسيه تنتج وتباع فى الجزائر

حبيت بس اقول لك ماتتأثرش بكلام الجزائريين علينا رغم اقتناعى بالفساد الموجود فى مصر
وعلى فكره انا دخلت فيلم بالالوان الطبيعيه
واحداثه واقعيه جدا وموجوده فعلا فى كلية فنون جميله قسم تاريخ الفن (رسومات عاريه وغيره)
بس طبعا عندى اعتراض بردو على طريقة العرض المبالغ فيها
وربنا يسامحهم ويسامحنا

وعلى فكره الافلام دى لا تحظى على شعبيه كبيره ولا حاجه بالعكس مصر لسه بخير
كل مافيها ان تكلفة الفيلم قليله جدا فكسبان كسبان
يعنى لو متكلف مليون جنيه وجاب اتنين يبئى كسبو
فى فيلم تانى يتكلف 10 مليون ويجيب 10.5 مثلا يبئا الفيلم اللى بميليون كسب اكتر

متفق معاك , و بالنسبة لموضوع الجزائر فانا عارف انهم زى لبنان بالظبط و العن كمان .

و لكن انت بالنسبة لهم دولة محترمة , مصر بالنسبة لهم عايشة فى دور القدوة , لان احنا بلد الازهر الشريف و تاريخنا معروف ,فلما تعمل افلام عينى عينك كده بالمناظر دى و المشاهد الساخنة دى و بنات عريانة و الفاظ كلها سفالة يبقى انت مفيش فرق بينك و بينهم خلاص .

و كمان هل يصح ان الواحد يبقي قاعد مع اسرته ولا والدته و بيتفرجوا على التليفزيون على مسلسل مثلا , و فجاة يشوفوا اعلان بالقذارة دى !

سيبك من محتوى الفيلم دلوقتى انا بتكلم على الاعلان , هل الواحد يرضي على نفسه انه يشوف الكلام ده مع حد من افراد اسرته او بنته تشوف الكلام ده !!

و بعدين انا مش بتكلم على الافلام دى بتكسب ولا لا , الافلام دى بيتصرف عليها ملايين , شوف اجور الممثلين كام و شوف تكلفة التصوير و الاعدادات كام و استديوهات و ليلة كبيرة , لما الناس تدفع فلوس فى الافلام دى و تكسب المنتج ان شاء الله لو 10 جنيه فانت كده برده شجعتهم على اللى بيعملوه .

و فيلم بالالوان الطبيعية على فكرة طلاب فنون جميلة كانوا عاملين احتجاج عليه و صدقنى فكرة الفيلم مش مهمة اوى للدرجة انهم يستحلوا لنفسهم يجيبوا بنات عريانة و مشاهد بالمنظر ده , لو عايزين قضايا مهمة هيلاقوا كتير لكنهم بيعتمدوا على اللى بيجذب الشباب من قصص مثيرة فقط ..

ولو اخدت بالك من فيلم احاسيس اللى لسه نازل ده هتلاقيه + 20 سنة مش 18 زى الباقى , يعنى وصلوا لمرحلة من القذارة يحسدوا عليها بصراحة ..

الواحد خايف يلاقى ايناس الدغيدى عاملة دويتو مع خالد يوسف فى فيلم صريح و من الاخر و نتعود على كده بقي و اعتقد ان بعد سلسلة الافلام دى هيحصل الكلام ده , ربنا يستر .

**momopersona** · 07-01-2010 07:45 AM

ربنا يستر وليك حق طبعا بس انا كنت عايز اوضح ان احنا حتى الان لا نقارن بالجزائر الحمد لله ولكن ايضا لانقارن بدول عربيه محترمه كتيير
ومصر من زمان وهى فيها الحلو والوحش (الازهر والكباريهات)
وفيها شباب محترمين وشباب تافهه
وبردو كانت افلام تافهه كتير زمان زى افلام ناديه الجندى وغيرها وناجحه مش مشكلة جيل ولا شباب دلوائتى خالص