الموضوع ده مفتوح
الى عايز يدخل يقول حاجه
كلمه يقولها للذكرى ويحط تاريخها
عمل ايه النهارده
مواقف حصلت وعايز ياخد راينا فيها وما اكثرها طبعا
فكرة كذا موضوع جمعتهم فى موضوع واحد لانى بتقابلنى حاجات كتير وببقى عايز اخد رايكم فيها طول اليوم
عرض للطباعة
الموضوع ده مفتوح
الى عايز يدخل يقول حاجه
كلمه يقولها للذكرى ويحط تاريخها
عمل ايه النهارده
مواقف حصلت وعايز ياخد راينا فيها وما اكثرها طبعا
فكرة كذا موضوع جمعتهم فى موضوع واحد لانى بتقابلنى حاجات كتير وببقى عايز اخد رايكم فيها طول اليوم
بما ان النهارده اجازه انا هسافر الشرقيه اقرا الفاتحه لوالدى ولما ارجع اقعد ادردش معاكوا واشوفكوا بقا على خير ان شاء الله
ان شاء الله لما ام العيال تصحي هنروح نجيب اكل الاسبوع من خضار وفاكهه ولحوم وبقاله .. اه من الجواز وسنينه :majd(4):
ترجع بالسلامة والف رحمه ونور على والدك ووالدي واموات المسلمين جميعا
انا هاروح اظبط زوايا واطمن عل العفشة وانا ماش عربيه عطلت امامي قلت اعدي منها ويادوب بلف العجل وببص في المرايا الاقي موزة لبناني راكبه كرولا جيه زي الطلقة عجلتها خبطت في عجله عربيتي لوحت الدركسيون بتاعت عربيتي
انا رايح احلق ههههههههه
واغسل العربيه علشان البواب عندنا نضيف جدا
حتي من كتر نضافته بيحاول يحافظ علي العربيه
بأنه يجيب التراب من علي العربيات التانيه ويحطها علي العربيه
والزجاج الامامي دايما نضيف جدا ومش بشوف منه حاجه
ربنا يكرمه :)
............................
يجب الحفاظ على الاداب العامة بعدم التصريح او التلميح بما هو مخالف للاداب العامة
دعم فني2
.
النهارده ولأول مره العربيه تشرق مني الصبح
وامسك خرطوم البنزين .....وأشفط
شربت شويه بنزين ع الصبح زي الفل
.
صباح الفل
احنا هنودى العيال النادى شويه وبعدان نوزعهم عند ماما وهندخل السينمابالليل
وربنا يكتر فى الاجازات
انا النهارده هحاول افتح المواد الي عندي :B4_556:
وعربية عمي عمله حادثة وانا المسئال الاول والاخير عنها :stink[1]:وبجيبلها كل الحجات ونازل على العصر اجيب كبوووووووت:B4_444:
ربنا يستر وتطلع تمام يا رب
أما انا فاخترت اسوأ قرار وانه انا ما انزلش المستشفى النهارده وكسلت وما رحتش بحجة الاجازه مع انه عيب ناخد اجازه مش لينا
المهم من الصبح قاعد فى البيت و دماغى قربت تنفجر من الكلام واعمامى واخوالى قعدوا يتكلموا فى مواضيع ومشاكل واحنا مالناش دعوه بيها
كل واحد عنده مشكله جاى عندنا يتكلم فيها والله تقريبا اخوالى الاتنين و اولاد اعمامهم بيخلصوا حاجه فى الميراث جايين عندنا
اعمامى الاتنين واحد طول الصبح عندنا و التانى قاعد بتغدى بقول لوالدتى هو اخباره ايه ما شفتوش من زمان لقيت التليفون بيتصل مراته عايزه حاجه ههه مبروك انا
بكره ان شاء الله عايز اروح راس البر اغير جو بس يارب الجو يبقى حلو لانه لشبوره كانت صعبه النهارده لحد 12 الظهر
مش حاسس انه النهارده نهايه الاسبوع مش عارف ليه
دلوقتى قاعد اسمع اغنيه لفضل شاكر اسمها العين عليك وانت حبيبى
غالى وشاريك وانت نصيبى
انا شارى ومهرك غالى وعارف انك ساكن فوق
انا شارى و كل الغالى هيرخصلك وانا اد الشوق
دكتور احمد رشدى
انت لسه داخل 6 ولا مخلص 6 ؟
انا امتياز اخر شهرين ان شاء الله
والشرف ليا طبعا ربنا يخليك
للذكـــرى الخــــالدة : إيجى زيزووووووووووووو
7/1/2009
اوباااااااا 25-1 هيبقى فيه ذكرى انت فكرتنى ليه بس يا ايجى زيزو :(
ذكرى مش ظريفه
على العموم كل سنه وانت طيب و عقبال ال 100 يا زعيم
اليوم النهاردة زى اي يوم تانى الحمد لله االايام كلها بتئ زى بعضها اصحى من النوم لو فطرت وبعد كدة اروح اشغل الكمبيوتر وافتح الحاجة اليسا واذاكر وبعد كدة اريح شوية اتغدى او اقعد على النت وبعد كدة اكمل مزاكرة واتفرج على فلم وانام لما خلاص هافرقع من جنابى
انا رجعت بالسلامه رجععععععععععععععععععععععع عععععععععت اخيرا
من ساعه ماسيبت المشاركه بتاعتى الصبح دى اول مشاركه ليا وكل ده كنت فى المشوار بتاعى الحمد لله بفضل الله اليوم كان هادى ومافيش مشاكل عملت زياره لوالدى ودعيت له ولكل المسلمين اجمعين وزياره لاهلى فى الشرقيه طبعا ورجعت على مدينه نصر اخدت جدتى ووصلت عند بيت والدتى وهابات هنا بقا
جو عائلى بحت يارب بس تتحسب لينا مش علينا
كان يوم مع الاهل والاقارب غير كدة مفيش جديد عمال اراقب الايام علشان الامتحانات لما خلاص اتخنقت قربت ربنا يستر
انا لسه راجع من راس البر
يا بختكم يا دمايطه
دمياط الجديده ولا دمياط ولا راس البر البلد كلها تجنن
نظافه و ناس كويسه و اكل كويس و مناظر جميله
حاجه تبهر بجد والطريق الدولى كان جميل جداا والصبح منظر طبيعى روعه وبالليل وقت الغروب حاجه سبحان الله
انا ما قضيتش هناك وقت كتير عشان طلعت متاخر الصبح عشان الشبورة انا طالع من المنصوره الساعه 11 مثلا وصلت الساعه 12 وما حسيتش بالطريق
الهيونداى اكسنت الجديده منتشره جداا مش عارف ليه
العربيات كلها نضيفه اوى والناس جميله
وصلت الحمد لله صليت فى الجامع الكبير و دورت على شقه بس للاسف قالوا مفيش ولازم تكلمنا قبلها بيومين عشان نعمل حسابنا تتعوض المره الجايه
رحت بعد الصلاه على اللسان الجو كان حر اوى والشمس صعبه قعدنا شويه وبعدين رحنا اتغدينا فى مطعم بزوم انا كلت جمبرى و باقى الاهل اكلوا كباب
ورحنا السوق اشترينا حاجات واشترينا اسماك وجمبرى الاسعار كمان ممتازه يعنى الراجل اول ما دخلت قالى الجمبرى ب 75 قلتله ب 35 قالى ماشى هههه
وبعدين الساعه كانت وصلت 4 اهلى قالولى نرجع بقى عشان الطريق بالليل
كان يوم جميل بس كان قصير تتعوض مرات جايه ان شاء الله
وشكرا لاهل دمياط
انا ادايقت فى الرجوع بالحق هيونداى النترا بيضا جديده على الدولى فى التقاطع الى مدخل على دمياط الجديده وشها الامامى مدمر وباقى العربيه سليمه وشكلها مولع من ادام ربنا يستر و يكون صاحبها بخير
بلاش تهور يا جماعه و بلاش جرى والنبى
يعنى وانا راجع كان وقت الغروب ومش شايف حاجه من الشمس
وانا شباب و ماشى براحتى وقلقان برضه و يعدى جمبى واحد عجوز او راجل كبير و فاتح على البحرى وانا ببقى ماشى يعنى 80 او 100 يعنى مش حاجه بسيطه برضه
مش عارف بيجروا وخلاص ولا انا الى مش بعرف اسوق وعلى ادى فى السواقه !!
يادكتور الواحد شبع خلاص من الجرى انا بعد ماربنا رزقنى بمولود وانما لم اتخطى 120كم /س
مش لازم علشان الواحد بيجرى يبقا سويق
يومين اجازه وضاعوا عليا الاول كان ليله راس السنه و بما انى متزوج فبحن جدا لايام زمان و الخروج مع الصحاب و السهر لوش الصبح و فعلا بعد ما اخدت الكارت بلانش من الحكومه لتقضيه ليله راس السنه وكانت هتبقى خروجه فى ستيى ستارز او وسط البلد وشويه فى المهندسن و الدقى و الزمالك يعنى لفه حلوه كده و جهزت نفسى انا و اصحابى من بليل هنخرج من المنصوره وتيجى المفاجئه الى دمرت كل شىء ظرف اسرى خاص جدا اضطريت معاه انى اقعد و اكنسل الليله و طبعا ياشماته الحكومه فيا قلت هتتعوض ان شاء الله فى الكريسماس وهخرج وبرضه ام الظروف الى مبتجيش غير فى الخروجات و الله شكلى بقا وحش جدا على جميع المستويات انتوا عارفين انا قررت انى منويش السفر او الخروج الى فجئه من غير ترتيب يعنى هوبا انا خارج
ومفيش احلى من قعده البيت فى الاجازه و مشاهده التى فى و تصفح الانترنت وقضاء اليوم فى ملل رهيب بس الى خفف عليا الملل شويه واحد صاحبى ربنا يكرمه جابلى 4 ديفديهات عليهم مسلسل how i met ur mother مسلسل كوميدى يجنن بيفكرنى بفريندس بتاع زمان بتاع النيل تى فى ايام بقا
انا النهارده عملت حاجه جامده اول مره اعملها فى حياتى
الفيش والتشبيه وبصمت بالهبل
هو الموضوع ده لازمته ايه !! حاجه تخلف كده وغباء