يا جماعة عايز اشتري موتور ميه يكون نوعه كويس ويوصل ل3 ادوار
فيه نوع معين حد جربه؟وكام حصان؟واخبار الاسعار ايه؟
شكرا مقدما
عرض للطباعة
يا جماعة عايز اشتري موتور ميه يكون نوعه كويس ويوصل ل3 ادوار
فيه نوع معين حد جربه؟وكام حصان؟واخبار الاسعار ايه؟
شكرا مقدما
احسن نوع هو كالبيدا الايطالي وعدد الاحصنه زي مانت عاوز .
الاشهر كالبيدا ايطالي ممكن تشتريه من شارع الجمهورية في رمسيس فيه هناك كذا محل متخصص في الموضوع ده وهناك هتلاقي انواع متنوعة واسعار مختلفة
فعلا شارع الجمهوريه مافيش غيره
جزاكم الله خيرا يا جماعة
طيب تقريبا متوسط الاسعار للواحد حصان اد ايه؟
التوكيل اسمه شركة الشرق .... بس مش فاكر باقى الاسم فى ش الجمهورية قرب مستشفى صيدناوى
خد بالك وانت بتشترى من برة التوكيل لانهم بيغالطوا فى الاتوماتيك وساعات بيدوا انواع صينى مش اصلى
كالبيدا الايطالي كويس جدا زى ما قالو عندنا فى العمارة ركب على 5 شقق يصل للدور السادس 1 حصان ملاحظه ( لو الحنفيات تعبانه لازم تتغير )
متشكر جدا يا جماعة بس ياريت تقولولي اعمل حسابي في حدود اد ايه كده عشان معنديش فكرة عن الاسعار
الكالبيدا طبعا جامد
بس واحنا بنشترى جبنا نوع اسمه لورا ايطالى واحد حصان وكان ب 900 وشويه مش فاكر كام بالظبط
-ابعد عن لورا نهائى (1 حصان ب 640 مش 900)بيجيب اويلسيل بسرعه
-الكالبيدا الايطالى الاصلى نظيف جدا و معمر . معرفش سعره كام
-لو عايز حاجه محترمه هات ال dap تحضير ذاتى (المانى )
ال 1 حصان ب 1800
عندنا فى البيت كالبيدا الايطالى نصف حصان شغال بقالة سبعتاشر سنة بيخدم شقة واحدة هات الواحد حصان لو حيخدم التلات شقق
اهمحاجه منصحكش تجيب بلونة عشان حتبوظ بسرعة
تانى حاجه تخلى كهربائى بيفهم يركبلك فى التلات شقق يلات مفاتيح للموتور و يشتغلوا سوا من غير ما يعملوا قفله