ليه الكورولا عيون 98-99-2000 سعرها قليل

عايز اعرف ليه الكورولا عيون 98-99-2000
سعرها ناز هل فعلا عربية تعبانه وقطع غيارها غالية
انا سمعت ان العربية اصلا مش ياباني.................؟

هى يابانى , بس ما اعرفش سوقها نايم ليه ؟ حتى عندنا فى عمان مش مرغوبه أبدا

العربية معانا 99
وما شاء الله زي الفل

بس موضوع السعر
انا اسمع انها بخمسين تقريبا

هو انت شوفتها بكام

وقطع الغيار عمري ما حسيت انها غالية وبتعيش مادام بتستخدمها صح

الموديل دا ما فيهوش أى عيوب و أسعار قطع غياره زى موديلات الكرولا

المشكلة الوحيدة اللى فيه شكله الغير مقبول و هو دا السبب الرئيسى فى ان سعر إعاده بيعه فى السوق قليل

والله العربيه دي مظلومه جدا كانت معايا من فتره وكانت ممتازة

شكرا على الردود يا جماعة
بس انا فعلا سمعت ان تويوتا مصنعاها في بلد تانية ايران باين
والسؤال التاني هيا قطع غيارها نفسها بتاعت الكورلا القديمه
يعني المساعد مثلا بتاعها هيا بس ولا يركب عليها اي كورولا
العربية سعرها 45 الى 50-حسب الحاله

على فكرة كورولا 99 بتاعتنا ياباني

(مش مية في المية طبعا بعد ما الازاز القدماني والوراني اتفرتك ميت مرة العيال عندنا في الزقازيق بيحبو يحدفو طوب على بعض جنب عربيتنا خخخخخخخ)

يا جماعة العربية يابانى هو عشان شكلها مش عاجب بعض الناس خلاص بقت مش يابانى ومش حلوة
العربية كويسة وبتستحمل جامد

اقتباس:

---

المشاركة الأصلية كتبت بواسطة sharky

الموديل دا ما فيهوش أى عيوب و أسعار قطع غياره زى موديلات الكرولا

المشكلة الوحيدة اللى فيه شكله الغير مقبول و هو دا السبب الرئيسى فى ان سعر إعاده بيعه فى السوق قليل

---

بالضبط كدة، هذة السيارة جائت بشكل خارجى غير مقبول مقارنة بالشكل السابق عليه الذى حقق نجاح غير مسوبق، ولذلك فانها لم تحقق نجاحا حتى فى وقت ظهورها ليس فى مصر فقط ولكن فى العالم كله، لكن فيما عدا الشكل هى سياةر ممتازة لا تقل جودة عن اى موديل آخر من موديلات كورولا، وهى صناعة يابانية وقطع غيارها موجودة وسهلة ورخيصة

اقتباس:

---

المشاركة الأصلية كتبت بواسطة sab3aawy

بالضبط كدة، هذة السيارة جائت بشكل خارجى غير مقبول مقارنة بالشكل السابق عليه الذى حقق نجاح غير مسوبق، ولذلك فانها لم تحقق نجاحا حتى فى وقت ظهورها ليس فى مصر فقط ولكن فى العالم كله، لكن فيما عدا الشكل هى سياةر ممتازة لا تقل جودة عن اى موديل آخر من موديلات كورولا، وهى صناعة يابانية وقطع غيارها موجودة وسهلة ورخيصة

---

هههههههههه


والله شكلها عاجبني وعاجب السيد الوالد

والدليل انها معانا بقالها 10 سنين اهو ووالله فلة
لدرجة ان امي قالت لو هتجيبه تاني مش تبيعوا دي

حد يبيع عيل من عياله

امي بتعتبرها بنتها زيي خخخخخخخخ

اقتباس:

---

المشاركة الأصلية كتبت بواسطة fighter_ss11v

هههههههههه


والله شكلها عاجبني وعاجب السيد الوالد

والدليل انها معانا بقالها 10 سنين اهو ووالله فلة
لدرجة ان امي قالت لو هتجيبه تاني مش تبيعوا دي

حد يبيع عيل من عياله

امي بتعتبرها بنتها زيي خخخخخخخخ

---

ربنا يبارك لكم فيها

يا شباب انا طالب الافادة
انا عايز اشتري العربية دى (تيوتا عيون ) من فضلكم وبدون تكليف عايز اعرف كل حاجة عنها
مميزاتها عيوبها قطع الغيار اشهر عيبوها ايه
افضل موديل فيها سنة كام وهل هي يابانى 100 % ولا
يعنى يا اصدقائي اشتريها ولا ايه ولا افكر فى البولو 1000cc

اعتمادية اكثر من البولو فى رأييى , أوسع واقوى ومواتير معمرة وتكييف قوى

مش لأي سبب غير ان فعلا شكلها وحش مقارنة بالشكل اللي قبلها و اللي كان مستوحي من أول موديل للكزس، انا عايز اقولك وقت ما نزل انا كنت في السعودية و عملت إنقلااااااااب و خاصة ان كان في منها في السعودية 1600 و1800 سي سي كمان

العيون شكلها فعلا وحش و إن كنت بحب العربية دية و بحسها ماسكة نفسها و عضم عن اللي قبلها كمان

هو الموديل اللي نادر جدا أعتقد 2001 اللي هو نفس ضهر العيون بس من قدام فانوس غريب كدة

قصد حضرتك رموش

السبب ان شكل العربية كوميدي جدا (انا كل لما اشوفها أضحك) الظاهر ان اللي صممها كان محشش

وحد يعرف تويوتا عيون فيها abs ولا لأ ؟

اقتباس:

---

المشاركة الأصلية كتبت بواسطة ahmed_wagdy87

وحد يعرف تويوتا عيون فيها abs ولا لأ ؟

---

اللى اعرفه ان اللى كانت بتنزل مصر مافيهاش abs

فيه حد تاني يعرف بتنزل ب abs ولا لأ؟

سؤال : - في منها أوتوماتيك ؟

أحب أقول لحضرتك إن العربية ديه معايا بقالها سنتين وهى أتوماتيك وماشاء الله عليها غاية فى الاعتمادية والحمدلله نادرة الأعطال وكمان شكلها بحبه جدا ومش شايف إنه وحش نهائى وبالرغم من إنها ١٣٠٠ سي سي وأتوماتيك أنا شديت بيها مره مع لانوس وأفيو وجيبت بيها ١٧٠ بدن ما أحس بتعويم ولا حاجة
كمان سعرها مش نازل للدرجة قوى ومتوسط اللي معايا تقريبا من ٥٥٠٠٠ وانت طالع
وقطع غيارها متوافرة وأسعارها كويسة جدا رأيى توكل على الله وهاتها بس اختبر حالتها كويس :S_thum1[1]:

طيب بلاش تجربتي

واحد صاحبي والده عامل بيها 300 الف كيلو

ومش مغير فيها حاجة

واخدها سكة اربع رايح جاي من القاهرة للزقازيق كل يوم علشان شغله



هاتها ومش تخاف

بصراجة جميلة جدا
أنا نفسى ركبت اللنوس والأبترا
بصراجة كانت العيون احسن منهم

اقتباس:

---

المشاركة الأصلية كتبت بواسطة ahmed_wagdy87

فيه حد تاني يعرف بتنزل ب abs ولا لأ؟

---

انا امبارح فتحت الكبوت ولقيت علبة سودء كده على اليمين ورا الفانوس والبطارية
وكان عليه كلام متوزع على سطحها وفي منه كلمة صريحة كده abs


مش عارف بقة
هبقى اصورهالك على العموم

انا كنت بتسائل فعلا ليه العربيه دي رخيصه ومستغرب ازاي الموديلات الي قبلها كورولا 94 93 92 مثلا كلهم اغلي منها
بس شكلها مش وحش يمكن انا حابه اكتر من القديم بكتير

اقتباس:

---

المشاركة الأصلية كتبت بواسطة fighter_ss11v

انا امبارح فتحت الكبوت ولقيت علبة سودء كده على اليمين ورا الفانوس والبطارية
وكان عليه كلام متوزع على سطحها وفي منه كلمة صريحة كده abs


مش عارف بقة
هبقى اصورهالك على العموم

---

انا الي اعرفه انها بتنزل بره فيها ABS و انجكشن مش كابربيرتير الكلام ده في المانيوال

حد يعرف بنزل ب ABS ولا لأ

والصراحه انا محتار بينها و بين اوبل استرا موديل 2001 الماني و انجكشن و ب ABS بس في ناس قالي قطع غيارها غاليه و مش معمرة زي التويوتا

ايه أراء الناس ؟ :majd(4):

باشا

هاتلى عشر عربيات تويوتا 99 اشتريهم منك

ال 99 اليابانى بالذات من احسن موديلات الكورولا

بالعكس بالنسبة لي... انا بحب شكلها جداً .. خصوصاً دي :
http://cruisewolf.no/images/fin00Corolla14.jpg

انا الحمد الله معايا العربيه من 2006 وهى الرموش الموديل الوحيد منها لسنه 2000
بالمناسبه 2001 هو الشكل التالى لها
وكان ليا الفخر ان سبعاوى شخصيا اختبرها
فى كلام كتير كنت كتبته عنها مميزات وعيوب
انظر الكتاب صفحة

http://www.nilemotors.net/Nile/102473-2000.html

http://www.nilemotors.net/Nile/100204-1997-2000-a.html


http://www.nilemotors.net/Nile/96583-98.html

الله ينور عليك يا a_taamer

اقتباس:

---

المشاركة الأصلية كتبت بواسطة ahmed_wagdy87

انا الي اعرفه انها بتنزل بره فيها abs و انجكشن مش كابربيرتير الكلام ده في المانيوال

حد يعرف بنزل ب abs ولا لأ

والصراحه انا محتار بينها و بين اوبل استرا موديل 2001 الماني و انجكشن و ب abs بس في ناس قالي قطع غيارها غاليه و مش معمرة زي التويوتا

ايه أراء الناس ؟ :majd(4):

---

ماهي هنا انجكشن برضه وabs

اقتباس:

---

المشاركة الأصلية كتبت بواسطة fighter_ss11v

ماهي هنا انجكشن برضه وabs

---

بس ناس كتير قالولي التويوتا عيون 99 كاربيرتير مش انجكشن و من غير abs

هو حضرتك متأكد من المعلومه ديه ؟

بصراحه يا جماعه اللى انا اعرفه إن ال1300 منها كاربيراتير و ال 1600 انجكشن
و بالمناسبه انا بدور على واحده اليومين دول لو حد عنده واحده و عايز يبيع بس يكون صاحبها مش سمسار ولا تاجر