المشاركة الأصلية كتبت بواسطة justs
ممكن حد يقولي ايه الفايده من كل اللي بتقولوه ؟
-هل اللي جاي يقلع جنسيته المصرية قدامنا ويرميها ويتبرأ منها هيلاقي دولة تانية تديله جنسيتها ، ولو لقي هل هيكون كده مرتاح وبالنسباله تولع البلد على كده باللي فيها ، لو ده صح يبقى فعلا هو مش مصري ، ومش مصري بالمعنى الشامل مش حكومة بقه والكلام ده ، لأنه كده هانت عليه البلد بكل اللي فيها.
- واللي جاي يقول الحكومه عملت وسوت وعمال يعدد في أخطائها والفساد الذي يجري مجرى النهر في كل ما حولنا ، هل فاكر انه كده يعني عمل اللي عليه وكده هو بطل وشجاع ، ولا ليه لازمة ! ، وكلها جعجعة وهوهوة لا يلتفت لها من بيده الأمر ، ولا تعبر غير عن سلبية وجهل سياسي وسطحية وطبيعة شعب لا ينعم الا بالعبودية ولا يجرؤ على رفض الذل والفساد حتى اذا وصل للحلقوم وكاد ان يخنق كل شيء من حوله ، ولو فاكريين ان ذكر الفساد وشجبه والكلام اللي انتوا عماليين تقولوه ده يعتبر اعتراض ، فأحب ان اكرر ان كل ذلك لن يجدي ولا يلتفت اليه احد ولا يعتبره مالكي الأمر الا نباح لا يعقبه إلا سكينة العبد العاجز عن كل شيئ الا طاعة اوامر من يملكه.
- وأخيراً ان كان كل ما في وسعنا ونحن تقريبا طبقة المثقفين هو أن نقول حسبي الله ونعم الوكيل ، أو نشتم البلد والحكومه ، أو نتبرأ من مصريتنا ، فكيف الحال بغالبية الشعب وهم أقل معرفة وثقافة وثَقٌلَ على كاهلهم الهم والبحث عن الرزق فلم يتبقى لديهم الا الأستسلام والأمل على استحياء في ان ياتي من يغير الأحوال ممن لديهم العلم والمعرفة والقدرة على تغيير مجرى الأمور ، ولكن للاسف الذي يملك المعرفة والعلم والثقافة لا يفعل شيء الا اللعن او الاستسلام والرضا بما يملك لنفسه او الرحيل عن هذا البلد ولينجوا بنفسه ويغرق الجميع ،
- للأسف كل واحد فينا منتظر أن ياتي من يغير ، فأبقوا منتظرين جميعكم لجميعكم ، فبهذا الحال لن يأتي أحدا !!:120146b