انا بكل فخر.....والحمدلله مصرى.....مصرى ,,مصرى....ولو كنوز الدنيا او مصائب الدهر اجتمعت فانا مصرى.......
عرض للطباعة
انا بكل فخر.....والحمدلله مصرى.....مصرى ,,مصرى....ولو كنوز الدنيا او مصائب الدهر اجتمعت فانا مصرى.......
واذا كنت أنت لست مصريا فعلى الأقل احترم المصريين ولا تقول ألفاظ مثل "اشبع بيها"
الكثير من المشاركات اخذت مسار الشخصنة والعداء لصاحب الموضوع وتفتقر الى الف باء اداب الحوار والنقاش والبعض عاهد نفسه على العداء لكل من خالفه الرأي في قضية عامة لذلك سننظل دوما في المؤخرة
انا مش عارف ليه دائما فى اشخاص يرو ان حب الوطن يختلف مع حب الله!!طب وطالما ان حضرتك ظروفك كويسه وحالتك المادية كويسة (مع العلم ان اغلب اعضاء المنتدى معاهم سيارت يعنى اكيد كلهم مستورين والحمدلله ونحن هنا ليس بمكان للتعريض بالامكانيات المادية المهم )فى البلد الى انت قرفان منها ابقى احمد ربنا على النعمة الى انت فيها والمفروض تبوس ترابها على الى انت وصلتله واذا كنت لسه مصمم على الموضعده ممكن تروح تعيش مع طالبان وترفع هناك راية الاسلام وتتنازل عن الجنسية المصرية الى مزعلاك وممكن حاجة احسن تروح تقعد مع حماس وتدافع عن تراب غزة وتقتل اليهود وتحدف طوب على المصريين والف رحمه على الشهيد الى مات عشان يدافع على حدود بلده الى فيها ناس مش حاسه بقيمتها
انا ملاحظ ان الاخ نوبى مبقاش يرد هو رجع فى كلامة ولا اية؟
لا الاخ نوبى سايبنا نشبع بمصريتنا بس احب اقول لحضرتك ان انا هفضل اشبع لحد ما ازوار واموت واكيد بيكتب مواضيع عن العشق والهوى ....................بس على فكرة فى منتديات عربية واسلامية كتير بتمنع مشاركات المصريين فقط!! ممكن حضرتك تشارك فيها وساعتها
هترتاح مننا خالص .
انا مصرى وفخور طبعا انى مصرى مصر ام العروبه مصر الى حررت كل الدول العربيه (و أن الله عز وجل ذكرها في كتابه العزيز في أربعة وعشرين موضعا خمسة منها بصريح اللفظ وتسعة عشر ما دلت عليه القرآن) يعنى مش هنعرف نستحمل شويه
يؤسفنى انى اقول ..
لو (رُبع) شعب مصر .. بالمستوى ده فى التفكير يبأه استعدوا لحصاد اكبر كمية من الخراب والدمار والتطرف ..
حضرتك بتقول انى مش مصرى عشان شوية حاجات ممكن تحصل فى اى حته فى الدنيا ..
معنى كده انك بتبيع مصر فى اول مطب وفى اول خبطة تتنازل فجأة عن وطنيتك .. (عارف ده اسمه ايه؟)
حضرتك بتقول انك مستريح مادياً ومعاك فيسا والعملية مبشبشة معاك على الاخر على حد قولك ..
يعنى مصر اللى ادتك الحياة الكريمة اللى حضرتك بتقول عليها ..
وفى نفس الوقت بتغلط فيها وعندك استعداد تبيعها فى اقرب فرصة ..
(عارف ده اسمه ايه؟)
وفى نفس الوقت بردو ناس كتير اقل كتير منك فى المستوى والامكانيات ولا اظن فى يوم من الايام ان حد يتنازل عن وطنيته ويقول انا مش مصر مع انه معندوش ربع اللى عندك (عارف ده اسمه ايه؟)
حضرتك جاى على المصريين وبتدافع عن الفلسطينيين ..
فى الوقت اللى مصر بتدافع عن حقها فى حماية نفسها وحماية حضرتك
عشان متتكررش عمليات ارهابية زى اللى حصلت فى شرم واللى حاولوا يعملوها فى الحسين .. واللى المنبع بتاعها من المنطقة اللى حضرتك بتدافع عنها .. المنطقة اللى بيتهرب منها السلاح والمخدرات (آه بالمناسبة انت بتقول ان المخدرات بتتزرع فى مصر) ومش معترض عن انها تتهرب من بره (اصل المشرحة ناقصة ميتين) ..
يعنى نمشى ورا كلامك ونقول مهى المخدرات كده كده موجودة .. خلاص نسيبها على البحرى بأه والمخدرات تدخل من كل صنف ولون ..
ممكن يكون تفكير عملى ومنطقى إلا إذا انا كنت مش فاهم وارجوك فهمنى ...
طب منتا عندك ولاد بلدك واخواتك بيموتوا عشان يهاجروا هجرة غير شرعية ... او مش لاقيين شغل .. والطفل اللى عنده 13 سنة ده ..
منتا عندك اخوك الصغير هنا عنده بردو 13 سنة ومرمى فى الشارع .. وملوش اب ولا ام ..
ومش لاقى حتى بطانية يتغطى بيها وهو نايم فى البرد ..
بيموت فى اليوم 100 مرة ..
مخدتش الموقف ده معاه ليه ؟؟ (عارف ده اسمه ايه؟)
حضرتك ممكن تنضم لتنظيم القاعدة .. او حزب الله او حماس ..
والكلام ده وتريح ضميرك ..مهم ولائهم الاول والاخير للدين .. من منظورهم ..
وعندهم استعداد يغسلوا دماغك انت ومليون زيك وكله بطريقة شرعية .. مهُما شايفين الاسلام كده ..
ويقولولك روح نفذ عملية انتحارية عشان تموت شهيد وتنعم بحور العين والجنه وبتاع ..
وتيجى انت تقتل اخوك المصرى المسلم واخوك المصرى المسيحى بردو !!
يا سبحان الله ونعم الولاء ..
انت كلامك راح بعيد خالص
مفيش حاجه اسمها مصر بتديك ..مصر ما بتديش
الواحد هوا بتعبه بيعمل لنفسه..ولو كانت مصر بتدي الناس
فهيا بتديهم في سنانهم
وياريت ياشباب
الموضوع مش بالكلام وبس ..بتحب مصر؟؟؟
بتحبها ليه ...وعشان إيه ..مصر عملت ليك إيه؟؟
وأي مصر فيهم ..مصر الحكومه ..ولا مصر الشعب ..ولا مصر الأرض؟؟
أكيد طبعا النوبي مش يقصد مصر الشعب ولا مصر الأرض
محدش فينا يقدر يكره بلده أو يكره اخواته
لا
الموضوع كله سخط وغضب على الي بيحصل
سرقة عيني عينك
وامتهان لكرامتنا في بلدنا وبره بلدنا
يعني تصدقوا....
لو أنا رئيس الجمهوريه
وفي موضوع الاطباء المصريين الي اتحبسوا وإتجلدوا في السعوديه
والله العظيم ..كنت قومت الدنيا وما قعدتهاش تاني
كرامة المواطن العادي ..من كرامة رئيسه
ولما رئيسه وحكومته ..تسيبه يتجلد في بلد غريبه
وودن من طيب ...وودن من عجين
تبقا خلاص كده خربت
وله حق اي مصري يكره البلد بالي فيها.
بسببهم هما
ربنا يزيحهم عننا....كفايا بقا ..الناس جابت جاز