ارجو المساعدة فى الطريق لمعرض الاهرام للسيارات وافتكر انه بيكون فى ارض المعارض فى مدينة نصر للعلم انا هكون جاى من اسكندرية الطريق الصحراوى ياريت اقصر وابسط الطرق وهكون عاجز عن الشكر
عرض للطباعة
ارجو المساعدة فى الطريق لمعرض الاهرام للسيارات وافتكر انه بيكون فى ارض المعارض فى مدينة نصر للعلم انا هكون جاى من اسكندرية الطريق الصحراوى ياريت اقصر وابسط الطرق وهكون عاجز عن الشكر
بعد حضرتك ما تعدي البوابات هتمشي علطول لحد ما توصل للرمايه وبعد كدا شارع الهرم بعده الجيزه بعد كدا الدقي وتطلع من الدقي كوبري اكتوبر وتنزل نزلة صلاح سالم بعد ما تنزل صلاح سالم ارض المعارض بتكون على اليمين
او
بعد ما توصل للجيزه تروح السيده عائشه وبعد كدا تاخد صلاح سالم لحد ما توصل ارض المعارض
او
بعد ما توصل الجيزه هتكمل للدقي وتاخد كوبري قصر النيل وبعد كدا تحرير ومن بعدها رمسيس ثم العباسيه واخيرا صلاح سالم
انا بفضل الطريق الاول التاني
رغم ان التاني اسهل بس مش عارف هترف تمشي فيه ولا لا
بس الاول هيكون معروف اكتر على ما اظن واسهل
وتوصل بالسلامه حضرتك
بس المفروض المعرض هيبقا في قاعة المؤتمرات زاي كل سنة .. ولا ايه ؟؟
فى طريق تانى بردو وانت خارج من البوابات تكمل وتطلع المحور فى اتجاة المهندسين تخلص المحور وتكمل هتطلع كوبرى الى فوق ميدان لبنان هتلاقى نزلة يمين بتاع شارع السودان سيبها وكمل حاجة بسيطة هتلاقى تفريعة واحدة يمين وعلى طول خاليك فى النزلة اليمين تنزل وتمشى شوية هتلاقى فى تفريعة من الطريق يمين ادخل فيها هيبقى نادى الزمالك يمينك تكمل وهتلاقى الطريق بياخد يمين ادخل معاة كدة انت فى جامعة الدول اول لفة شمال تدخل فيها وخد بالك الفتحة مش بعيدة تمشى شوية وتدخل مع الطريق يمين لاخر الطريق يمين هتلاقى النيل على يمينك تكمل على طول ولا يمين ولا شمال لحد ما تلاقى كوبرى اكتوبر قاطع الطريق بالعرض تعدى الكوبرى فوقك ويمين على طول عشان تطلع الكوبرى فى اتجاة مدينة نصر طلعت الكوبرى ولا يمين ولا شمال لاخر الكوبرى خالص لحد ما توصل مدينة نصر فى اخر الكوبرى خالص هتلاقى تفريعة يمين وعلى طول وشمال هتاخد شمال وتنزل تلاقى قاعة المؤتمرات شمالك اول لفة شمال تلف وترجعلها (وارجو اكون وصفتلك كويس على فكرة دة طريق شغلى يعنى كل يوم رايح جاى وتوصل بالسلامة)
شكرا للتوضيح والشرح