سلام عليكم
كنت عايز استفسر عن فك عصاية الفتيس الاوتوماتيك بتاع الانسر بومة عشان كنت عايز افك الى عندى واركب واحدة جلد هل حد يعرف لو جبت ايد الفتيس الجلد دى استيراد تبقة بكام؟
عرض للطباعة
سلام عليكم
كنت عايز استفسر عن فك عصاية الفتيس الاوتوماتيك بتاع الانسر بومة عشان كنت عايز افك الى عندى واركب واحدة جلد هل حد يعرف لو جبت ايد الفتيس الجلد دى استيراد تبقة بكام؟
ها يا جماعة محددش جرب يفك عصايية الفتيس قبل كدةةةة
ماتقلقش الآن حد هيرد على استفسارك ان شاء الله , بس هى مش قلاووظ ؟
أنا أفضل اللى مش جلد رغم فخامة الجلد عنها بس انا بشوف الأشياء ببعد نظر شويه لما الجلد يتقطع و يقشر و يتبهدل خصوصا ان اللى مش جلد شكلها مش و حش خالص و مش فارقه قوى و محدش يقواى انه جلد خامته أصليه و فابريقه و بيعيش و الكلام ده.......أه هو مش هيتبهدل بسرعه لاكن مسيره يتبهدل و أسرع بكتير من العاديه خصوصا ان الفتيس و الدركسيون و فرامل اليد حاجات الأيد عليها علطول(و أنا شوفت على الطبيعه الكلام ده فى عربيات إستخدامها كتيير) إلا لو ناوى تحط عليهم جراب واقى........يبقه داريتهم و ما إستفدتش حاجه!!!!!
ده حتى المقابض الداخليه للأبواب لا أفضلها نيكل و مش هقولك يقشر و الكلام ده ولكن أبسط حاجه انه محتاج عنايه خاصه بتنضيفه كل شويه من بصمات الأيدى عليه و إلا يبقه شكله وحش جدا و هو ملحوس و مبصم!!!!!!!!.........وجع دماغ مش كده؟!!!!!
من الكماليات الأصلية مقبض دراع الفتيس الأوتوماتيك ودي طريقة تركيبه
http://www12.0zz0.com/2010/01/10/08/399717545.jpg
يا بشمهندس طارق والله الواحد مكسوف من حضرتك بجد ما شاء الله عليك موسوعة ميتسوبيشى ربنا يبارك فيك والف شكر على ردك
محمداوى باشا طبعا كلامك كلة صح بس اهو الواحد يدلع نفسة ولما بتبوظ نبقا نغيرهم بس متعرفش لو استيراد تبقة بكام؟
بالمناسبة ليه طلب عند البشمهندس طارق و أنا عارف انه مش هيبخل علينا بيه:
عاوزين الكتالوج كامل Pdf الخاص بالطريقة الصحيحه لفك و تركيب والوصول لجميع أجزاء الانسر بومه.:ask:
انا بصراحة نفسى فى الموضوع دا فعلا ::: الكتالوج كامل Pdf الخاص بالطريقة الصحيحه لفك و تركيب والوصول لجميع أجزاء الانسر بومه بس انا دلوقتى الحمد الله بفك كل حاجة جوا صالون الانسر مش فاضلى غير التابلوة لو حبيت موقتا تستفسر عن اى حاجة تتفك ازاى انا فى الخدمة عقبال ما كبيرنا المهندس طارق يشرفنا
أنا كمان بأعرف أفك كل حاجه فى العربيه و أى عربيه تانيه كمان الحمد لله و لكن هذا الكتالوج بيبقه مفيد جدا لو بتفك حاجه لأول مره عشان ما تتفاجئش بحاجه كنت لازم تفكها الأول (ترتيب الفك) و ساعات بتبقه فيه كلبسات فى أماكن غير متوقعه و حاجات راكبه كبس و حاجات تانيه بمسامير ولازم تفك حاجه تانيه عشان توصلها من الخلف و تفكها...... إلخ و بتضيع منك وقت لو انت مش عارف و ممكن تكون فاكر حاجه معينه انها راكبه كبس و بعد ما تبهدلها بالمفك و ما تعرفش تفكها تكتشف ان ليها مسامير غير ظاهره ليك و مش كبس بالمره.............