عرض للطباعة
دى اول مشاركة ليا فى المنتدى ويارب اكون خفيف عليكم
وكان ليه كام استفسار بعد ازنكم
عندى سيارة فيات 128 موديل 78 ابارس
ولاحظت من يومين ان فى تنقيط زيت من ناحية وش التقسيمة جنب سير الكاتينة
فمش عارف ايه السبب ؟
وهل ممكن امشى بالعربية حد الميكانيكى ولا اسحبها بعربية تانية
ياريت حد يفيدنى فى المشكلة دى
وشكرا لكم جميعا
ده غالبا
يا أويل سيل كرنك بايظ
أو أويل سيل عمود الكامه
ولو التنقيط خفيف
ومش مأثر كتير على مقاس الزيت
فعادى ممكن تمشى بيها لحد الميكانيكى بهدف الأصلاح
وأهلا بيك فى وسط أخوتك بالمنتدى
ربنا يخليك يا باشمهندس وشكرا لسرعة ردك
ومعلش ليا استفسار تانى لو ممكن
هل دا فيه خطر انه ممكن سير الكاتينة شرب من الزييت اللى بينقط ويخليها تتقطع
وسعر الأويل سيهات دى حوالى كام
وشكرا ليك مرة اخرى
يفضل فعلا تغيير السير فى الأحوال دىاقتباس:
هل دا فيه خطر انه ممكن سير الكاتينة شرب من الزييت اللى بينقط ويخليها تتقطع
كنوع من الأحتياط
والسيلات رخيصه
الواحد فى حدود 15 ج للأنواع الأيطالى الكويسه
ويمكن يكون أاقل من كده كمان
هل السير لو جه عليه زيت بينقطع ؟
هو مش بينقطع
كتر الزيت على السيور غير محبب فنيا
لأن الزيت بيطريها ويجعلها مرنه زياده عن الازم
وده طبعا بيخللى الأجزاء الكاوتشوك
الداخله فى تكوين نسيج السير تضعف قوى الترابط بينها
ويتخللها بعض الزيت
وقد ....وخللى بال سعاتك من قد دى
وقد ينقطع السير
يبقى أخذا بمبدأ الوقايه خير من العلاج
نعمل أيه
نغيره أفضل
الف شكرا ليكم على اضافاتكم القوية
مهندس samirayad ألف شكر لحضرتك ,,
ده الصنايعية بيحطوا طبقة من الشحم على السير عشان يمنع صوت السرسعة بتاعته !!!
دى أختراعات ياباشااقتباس:
ده الصنايعية بيحطوا طبقة من الشحم على السير عشان يمنع صوت السرسعة بتاعته !!!
ملهاش أى أساس علمى
طيب أيه اللى حيحصل
لما الشحم يزول مع الأحتكاكات على الطنابير اللى ماشى عليها السير
السرسعه
حترجع تانى
الله ينور عليك يا سمير باشا
الله يخليك
يانجد باشا
تسلم الايادي يا هندسة