العواكس اللى فى شارع الهرم لما اعدى عليها الاقى العربية زى ما تكون بترقص ده عيب عفشة

وانا ماشى فى شارع الهرم الاقى عواكس ارضية لما اعدى عليها الاقى العربية زى ما تكون بترقص يمين وشمال هل ده عيب عفشة ولا فى حاجة عايزة تتربط

أبعد عنها وجرب
لو العربيه تمام
يبقى أيه السبب ؟
العواكس

والعفشه تمام
وعملية أعادة التربيط على العفشه
مفيده وليست ضاره

ازيك ياباشا
انا بحس بالموضوع دة وانا بعدى على العواكس مش فى كل وقت
وحاسس ان الدريكسون به حدفة شمال

حاجة تزهق والله العواكس دي انا كرهت الشارع بسببها بمشي فوقيها براحتي خالص علشان الكاوتش بس انا عندي مبترقصش زي مبتقول بص علي العفشة وبسيطة ان شاء الله

ياريت حد يفهمني الخطوط الحديد اللي بالعرض ايه فائدتها

ولا ليها أى فايده

هى بترجرج العربيه وهى بتعدى عليها وخلاص

لأن فيه سواقين كتير
بتمشى عليه بسرعه برضه

المطب المعقول
هو اللى بيلزم أى واحد أنه يهدى فعلا

المفروض تاخدهم على الأول حفاظا على العربية والعفشة

هى اللى مكانها غلط والمفروض تبقا على جوانب الطريق مش بالعرض !! غير إن ارتفاعها مبالغ فيه والمفروض تكون مغروسة فى الأسفلت أكتر من كدة
انا طول عمرى عايش فى الهرم والعواكس دى قول بقالها 5 سنين كدة ، نصيحتى ليك تعديها بطريقيتين يا إما تكون بتجرى بسرعة قول 80-100 لو الطريق يسمح وانت مش هتحس بيها ، يا إما لو لقيت نفسك مهدى يبقا هدى جامد بقا وخده بالراحة خالص ، والحاجة الأخيرة ارفع رجلك من على الفرامل وانت فوق العواكس عشان تأثيرها يبقا أقل

والله انا بحس ان الحاجات اللي ملهاش لازمة دي عاملنها علشان يبوظوا العربيات وخلاص حقد طبقي بقي.
دانا بقيت واثق فعلا بكدا. ياعني اخر الهرم برضوا وانت طالع علي اسكندرية الشارع اقل سرعة عليه 90_100 تفاجأ مره واحدة ببلاعات علشان تأذي البشر وخلاص هنقول ايه بس

عواكس شارع الهرم بالتحديد رخمه اوى وعاليه علشان كدا بتحس ان العربيه فيها مليون مشكله ومره كنت راكب عربيه فولكس باسات وبرصوا لقيت فيها نفس العيب يعنى المشكله فى العواكس مش فى العربيه