ياريت حد يا جماعة يفيدنا باسعار الكريستالة الايام ده بقت بكام ولو حد عنده عربية بسعر معقول بكام؟ لو لانسر 98 بكام كمان
عرض للطباعة
ياريت حد يا جماعة يفيدنا باسعار الكريستالة الايام ده بقت بكام ولو حد عنده عربية بسعر معقول بكام؟ لو لانسر 98 بكام كمان
فى رينج الاربيعنات وحسب حالتها
انا بقالي شهر بدور ياباشا وطالع عيني والله
وبالنسبه للاسعار فكل واحد شغال بمزاجه حسب الحاله
يعني 98 في حالات منها ب43 الف
وفيه حالات منها ب50
وال99 وال2000 كذلك
سوق السيارات مليان بس اغلبه ياتجار ياعربيات متظبطه في المنصوره والغربيه واللذي منه وانتا فاهم بقي وجياه تتباع هنا
قليل اوي اما تلاقي ناس محترمه لوحدها بتبيع
والنت عليه حالات علي كلام صحابها كويسه بس رافعين في السعر اوي اوي معرفش ليه
انا لحد دلوقتي ملقتيش حاجه عدله مع اني عامل رينج 50 الف والله
بس انا عشان بدور علي لون معين فعشان كده تلاقيني تعبان شويه
وبنا معاك ومعايا ياباشا
والله وانا كمان بدور عليها بس مش عارف مش لاقى خالص كان قدامى واحدة عاملة 48 الف موديل 98 فبريكا جوة وبرة لونها كحلى وعدادها عمال 200 الف وزيادة انا مردتش اخدها علشان التمن جميع الكماليات مانيوال لو عاوز قولى وميكنش ان شاء الله بعها وربنا معاك ومعايا ونلاقى حاجة فى سعر حنين
98 واحد دخله و 2 بس الى رده على الموضوع يا ما شاء الله بصراحة
Dear all ,im selling lancer 99 in a good condition with grey color and manual transmission , if anyone interested u can come and watch the car. Price needed 48000 LE, and it's negotiable if anyone is a serious buyer
ربنا يوفقك ولو لقيت حاجه نضيفه هبلغك
انا لسه شارى لاخويا واحده 98 و اشتريناها ب 42000 و حالتها كويسه فابريكه دواخل بس كانت مخربشه من بره و رشها و غير كده زى الفل ما شاء الله
انا بعت عربيتى كانت جامبو خليجى فى شهر 10 اللى فات ب 47500 وكانت كامله اوتوماتيك وف سقف ولونها احمر مارلبورو
حسب الحالة
هيا بتبدا من 42 لغاية 50 ده بالنسبة لل1300
اما لو 1600 المواصفات الخليجي الفتحة سقف وجنوط 14 بتبدا من 48 لغاية 53
وفي بقى المواصفات الاوروبي اللي هيا 1500 2 كامة او 1600 مايفيك بتبدا من 52 لغاية 58 وطبعا الاوروبي دي قليلة ونادرة بس اللي ممكن تلاقيه وقليل برضو بس اكتر من الاوروبي العربيات الممتعدلة اوروبي يعني مثلا حد مسقط الموتور المايفيك او ال1500 ال2كامة وجايب عفشة الاوروبي وهتلاقيه في النفس الرنج تقريبا
ولو حضرتك حبيت حاجة زي كده ان شاء الله اقدر اساعدك سواء اذا كانت عربيتي او عربية حد اعرفو
وربنا يوفقك ان شاء الله وتلاقي اللي في دماغك
طب كويس ان في ناس ردت ومعاها الكريستالة عشان عندي سؤال بعد اذن صاحب الموضوع
بال 40 الف او ال45 تركب لانسر مرة تانية لو رجع الزمن للي معاه العربية ولا تجيب مثلا فيرنا او جولييت او كوري عموما موديل الفينات وشوية...يعني بالرغم من قدم الموديل هاتختارها برضه بالرغم من قربها للارض ؟
شكرا لكل الى رده
بس انا بدور على عربية فى رنج 41 او 42 فهل ده ممكن الاقيه؟
انا بدور علي لون فيراني بحاله نضيفه بقالي شهر مش لاقي
ده ايه الاسعار الحلوه دي
طب في الوسط كده متشوفولنا حاجه فيراني كده ياشباب
هيه واطية للارض للدرجادي ياجماعة ؟؟ اصلي مجربتهاش .
ممكن حد يقولي علي عيوبها بالمرة عشان انا ناوي عليها الايام دي وياريت كمان نصايح مع العيوب
صدقني ماحدش بيقول عليها عيب غير موضوع انها واطيه
بس انا شايف ان الموضوع ده عادي جدا والحمد لله مش بتحك خالص معايا غير في مطبات صناعيه نادره جدا
وكمان يعني لو بتحك كتير كده مكنتش نجحت كل الفتره دي
انا اخويا معاك سيفيك 2008 وبس الله ما شاء مابتسيبش مطب غير لما تحك فيه علشان القطر بين العجل الخلفي والامامي كبير :majd(4):
أولا الموضوع ده كبير شويه بس هقولك بأختار
انا الاول كان معايا 128 وبجد كنت بجري بيها 140 و كانت زي الفل
بعدها جبت النوبيرا بصراحه كان اخري بيها 120 وتحس بعد كده انها بتترقص من ورا
وماعداش كام اسبوع وجابت مقص بالرغم من اني كنت بحسس عليها جدا جدا جدا
وبعدها بكام اسبوع تانيين الفتيس ابتدي يعلق (اوتوماتيك) بجد بقي وقتها كرهت العربيه جدا جدا
مع انها تعتبر كسر زيرو بقيت اقول لنفسي دا ال 128 مكنتش بتعمل كده وكنت مستريح عن دي
وقررت ابيعها ولما بعتها كان والدي اخد الفلوس علشان محتاجها وبعدها بشهرين قالي دورلك علي عربيه في حدود 50
المهم قعد الف كنت ناوي اجيب فيرنا بقيت كل ما اركب عربيه مع حد اتفرج علي الخامات او الثبات علي الطريق اتجنن احس اني راكب 128 معدل
المهم بعد لف طويل قولت هجيب البطه ولقيت واحده تحفه بس كان لونها اسود :majd(4):
وانا مبكرهش في حياتي قده
لحد ما شوفت الكريستاله كانت مع دكتوره ساكنه جمبي وكان عايزه تبيعها
ركب العربيه منها شويه
لقيت نعومه محستش بيها قبل كده
السحب جامد جدا علي انها موتور 1300 (منوال)
خامات العربيه سواء طابلوه او جناب جلد مش فيبر زي الفيرنا كده
جوده التقفيل مافيش كلمه
حسيت فعلا اني راكب عربيه بجد
والحمد لله من 4 سنين مغيرتش فيها غير
طقم فلاتر وسيور و كذا مره تيل فرامل
وكفايه اني بمون 80 وزي الفل وطبعا ده بيفرق معايا جدا :w6266d
قريب بس اللي هغير مساعدين وعلي فكره اللي فيها دول الاصلي ومن ساعه ما اخدتها كان المساعد جايب زيت يعني بقالو 4 سنين عايز يتغير وباردو شغال عليه بس دلوقتي بقي يدب قوي
قولي بقي علي عربيه في نفس الرينج ده بالجمال ده :satelite:
جبت من الاخر يا هيما وربنا يباركلكم في عربيتك
كنت بفكر برضو لان نفس الفكرة 128 ولو عايز تنقل اكيد عايز حاجة احسن..فافكرت قلت مثلا لو هاتغير العربية طب ما الكريستالة حلوة واللي بيعجبني ان النظيف منها تحس انه زيرو شياكة يعني غير عربية تانية موديل 2008 وتحسها 2000.....وقلت برضو طب ما الفرنا واللانوس ممكن نفس الرنج مع انه الفينات بس انت وضحت الفرقربنا يباركلك وابقي خلينا نشوفك في شبرا او الخلفاوي بعد ما اتظبط عشان اشد معاك:beatdeadhorse5::satelite:
والف شكر يا هيما علي ردك مرة تانية
الكرستالة احسن موديل نزلتو لانسر في مصر
ياباشا لو رجع بيا الزمن 10 مرات هاجيب كريستالة
ركوبة الكريستالة ياباشا ليها متعتها وبالذات لو راكب حالة صح عمرك ماهتفكر تنزل منها ولا لاي عربية في بالك الا مثلا لو كاتيجوري عالي في الالماني يادوبك ينزلك منها
ليه بقى تفتكر؟
مواتير ممتازة اقتصاديا وجبارة في القوة (1500 2 كامة او 1600 او 1800 او 2000) ومتوفرة ورخيصة وزيرو اعطال وحتى ال1300 مش ضعهيف خالص وبيسحب حلو اوي
قطع غيار ببلاش
شكل في رايي تحفة فنية
ثبات على الطريق ممتاز طبعا
اعادة بيع تحفة
ترخيص وكده ببلاش لان موديل قديم
باور وتكطييف ووممكن حاجات تانية بس الحاجتين الاساسيتين للراحة موجودين
ايه يا هيما نتا روحت فين
انا معاكم وبسال بردو
حلمى الاول والاخيررررررررررررررررررر رررر
أنا عايز لانسر 97 أو 98 مش مهم الحالة، مجرد فبريكة دواخل و أنا مستعد أصرف عليها بس بسعر مهاود، و جاد في الشراء. ابعتلى أو كلمني 0123717996