المشاركة الأصلية كتبت بواسطة m000dy
موضوع قطع الغيار ده مابقاش مشكله خصوصا لو انتى من القاهره
ثانيا بما انك بنت فالافضل انك تدورى على عربيه حاله مش موديل
ياما عربيات موديلات حديثه لكن متخبطه ومش مظبوطه ومحتاجه مصاريف وعربيات اصحابها ماكانوش بيهينوها وصيانتها بتتم فى التوكيل بالرغم من قدم الموديل
انا اما دورت على عربيه كنت بدور عل عربيه حاااااااااااله ولما كان حد بيسالنى عن اللى بدور عليه كنت بقوله اربع خمس انواع مش مشكله اى واحده فيهم بس اللى حالتها انضف
وربنا وفقنى لحته بونتو 95 صيانة توكيل ومش عامله حوادث ومش محتاجه اكتر من 500 جنيه مصاريف عبيطه ده غير انى اما ركبتها حسيت فعلا انها جديده من كتر ماكان صاحبها محافظ عليها
وبما ان موديلها قديم شويه (15 سنه ) فقطع غيارها موجوده ومش غاليه وهاتحسى انها مش غاليه لما تقارنيها بادائها وبعدين فيها تكييف وازاز كهربا وقعدتها نضيفه ومريحه واستهلاك بنزين رائع فى الانجيكشن طبعا و1300 سى سى يعنى موفره وموتورها مش ضعيف كمان وخصوصا لو صناعته اى حاجه غير الكورى ( اللى عندى لانشيا جبار وحمار شغل )
نصيحه ماتدوريش على موديل على اد ماتدورى على حاله وثقى بالله انك هاتشوفى العربيه هاتحسى انها نصيبك وعلى راى المثل ( محدش هايتجوز غير مراته ) هههههههههه