عايز عربيه 4×4 قويه

**M!NA** · 27-02-2010 10:11 AM

المشاركة الأصلية كتبت بواسطة abou_ruqi

دور على اللاندر روفر , موديلات أوائل التسعينات بتتباع بأقل من 100 ألف

هي دي الـ suv اللي بجد طالما حتطلع صحرا

ويجي بعديها اللاندر كروزر , ودي لسه واحد معرفة جايب منها واحد موديل ثمانينات بـ 45 ألف يعني أكيد التسعيان منها في حدود المبلغ اللي معاك

ومتقولش عليهم عربيات قديمة دول أحسن من كل الزيرو اللي في السوق بالذات off-road

كلام مظبوووووووووووووط جدا... العربيات ديه عمرها ما بتقدم....
اللاند روفر - نيسان باترول - لاند كروزر... (ملوك الصحراء بلا منازع)

عيب الباترول و الروفر في مصر... عدم توفر قطع الغيار زي التويوتا...
عشان كدا دايما بتكون اللاند كروزر أحسن اختيار ...

المشاركة الأصلية كتبت بواسطة washable

بجد اشكر كل من ساهم فى الرد على الموضوع و بصراحه انا مهندس معمارى و شغل احيانا يتطلب انى ادخل صحارى او امشى فى طرق و عره ..

و حاجه كمان مهمه اوى انى عايز حاجه تبقى قويه كمان عشان لو الميكروباصات خبطتها و لا حاجه برده تكون صاج قوى.

مينا باشا بخصوص الjeep cherooke انت ايه رايك ممكن موديل كام يكون كويس على سعر مثلا" 80,000 او اقل شويه و اعرف منين الجيب المستعمل النظيف..

اشكركم جميعا

بص... الشيروكي ممكن تجيبها في الحدود ديه أو أقل...
و لو احتجت تكشف عليها... ممكن أدلك على مركز خدمة كويس أوي... أنا شخصيا كنت بتعامل معاهم...

**marwan_147** · 04-03-2010 08:41 PM

ليبرتى موديل فى حدود 200 متهيالى دى مناسبة جدا وعربية نظيفة

**washable** · 04-03-2010 08:59 PM

اشكرك يا استاذ مينا على الاضافات اللى دايما بتكون مفيده انا فعلا هادور على لاند كروزر بجانب التدوير على الجيب و اكيد هارجعلك تانى عشان اسال و اعرف منك معلومات اكتر .

شكرا mmffor and mazmaz و و الله الليبرتى مش قد كده عشان ناس كتير بتقول فعلا ان الاستهلاك عالى اوى و الرخصه و الضريبه .

**M!NA** · 05-03-2010 01:22 AM

المشاركة الأصلية كتبت بواسطة washable

اشكرك يا استاذ مينا على الاضافات اللى دايما بتكون مفيده انا فعلا هادور على لاند كروزر بجانب التدوير على الجيب و اكيد هارجعلك تانى عشان اسال و اعرف منك معلومات اكتر .

شكرا mmffor and mazmaz و و الله الليبرتى مش قد كده عشان ناس كتير بتقول فعلا ان الاستهلاك عالى اوى و الرخصه و الضريبه .

ربنا يوفقك و تلاقي عربية كويسة بإذن الله....

سواء كانت بنزين أو ديزل.... لو احتجت تسأل عن أي حاجة فيها... أنا تحت أمرك.... ممكن أدلك على الناس اللي بتعامل معاهم...

**sherif_eletr** · 12-03-2010 02:27 PM

tiggo , grand terios , impreza used

**mmffor** · 13-03-2010 12:08 AM

المشاركة الأصلية كتبت بواسطة sherif_eletr

tiggo , grand terios , impreza used

تيجو ماشي حالها بس صيني و حتفكك منه في الطرق اللي بيمشي فيها علشان انا عارفها كويس.
التيريوس فعلا مناسبه جدا ليك و خصوصا ال 7 راكب علشان تنفع تنقل عمال او زمايلك و ممكن تحط في شنطتها معدات و خلافه و عاليه و عفشتها حلوه بس عيبها انها تايلاندي. ممكن ال 5 راكب 4 باب تبقى حلوه برضه. امبريزا واطيه و المطبات و الطرق المكسره حتبهدلها من تحت. الهوندا كانت بتنزل ال hrv كانت حلوه و رخيصه نسبيا. مفيش ادامك الا فيتارا او تيريوس

**Chery_fulwin** · 13-03-2010 01:02 AM

خليك في الجيب شيروكي عربية بجد دفع رباعي وحمالة قسيه , مش زي الفيتارا والتيريوس محركات صغيرة وصاجها ضعيف ومش دفع رباعي بجد زي الشيروكي لو عاوز ياباني دفع رباعي بجد خد باترول او لاند كروز موديلات قديمة .

**washable** · 16-03-2010 02:16 AM

شكرا يا شرييف , mmfor,chery
و الله فعلا انا شوفت عربيات كتير تريوس و فيتارا بس للاسف فعلا معجبنيش الشكل و لا الاداء معرفش ليه ..

و نزلت السوق بتاع العربيات الجمعه اللى فاتت .. و لقيت شويت jeep 1999 و 1997 الحاله من بره ممتازه بس لما بفتح الكبوت بحس ان العربيه ده متبهدله لما طالع عينها . و على فكره الاسعار مش غاليه يعنى فى واحد كان عليز يبيع 1999 على 58.000 و العربية مكنتش و حشه بس انا كنت قلقان من الموتور فان شاء الله هجيب المره اللى جيه معيا ميكانكى jeep عشان يقيم الوضع...

مره تانيه شكركم