السلام عليكم ورحمة الله وبركاته ....
لمبة الأيرباج عندي نورت(يمكن بنوري) واتكتبلي علي الشاشة chek airbag يا تري ايه السبب.
عرض للطباعة
السلام عليكم ورحمة الله وبركاته ....
لمبة الأيرباج عندي نورت(يمكن بنوري) واتكتبلي علي الشاشة chek airbag يا تري ايه السبب.
محدش هيعرف غير بجهاز كشف الأعطال
طبعا تطلع على التوكيل على طول ..
كنت قرأت مرة موضوع للاستاذ احمد مقصود .. كان تقريبا حصل معاه الموضوع دة و كان محتاج يعمل صيانة للايرباج (على حسب ما اتذكر) ..
فطبعا اطلع على التوكيل و شوف هيقولوا ايه
والله انا خايف ان الجنوب افريقي تظهرله عيوب مستقبليه
و الموضوع ده قلقني اكتر :36_1_8[1]:
هوه فيه حاجه اسمها صيانه ايرباج؟؟؟؟ :whtauwant:
مانا شايف عربيات اخري(كورولا ياباني و غيره) كملت المئه الف كيلو ومحصلش معاها كده
ربنا يستر
كريم اللى حصل فى الميجان كان شريط الإيرباج إتقطع
ابو الوليد إحتمال يكون اللى فى الكرولا عندك :
1- شريط الإيرباج إتقطع .
2- فيشة الإيرباج لو موجودة زى الميجان تحت كرس السواق ممكن تكون أتحركت من مكانها
انا عندى لمبه الايرباج فى الياريس بردو نورت وروحت التوكيل قالى دا ايرباج السائق قولتلو ماشى ليه ؟ قالى فى حاجه فى الدركسيون جوه اسمها كويل ايرباج ودا اتحرق !! قولتلو طب نغيرو ، قالى لو غيرتو حيتحرق تانى لان كهربه العربيه عندك متحمل عليها حجات كتير .. انا فعلا العربيه عندى مركب حجات بتسحب كهربه كتير زى الساوند سيستم وفوجات وار بى ام وحجات كتير لدرجه ان فى التوكيل اصلا وديتها صيانه من قريب اعد المهندس محتار كل ما يجى يغير حاجه يلاقينى مغيرها بحاجه سبور زى الفلاتر والبوجيهات وكدا ههههههههههه المهم قولتلو طب كدا الايرباج مش شغال ؟؟ قالى لا الاتنين شغالين عادى جدآآ هوا بس الكويل دا اللى بايظ ودا مش بيأثر عالايرباج فى حاجه ومتقلقش كلو شغال كويس ..
مش ممكن يكون نفس العيب عندك ؟؟
بس الافضل بردو روح التوكيل يمكن انت المشكله عندك فى ايرباج الراكب الامامى مش فى السائق زيى
اطلع على التوكيل على طول وإن شاء الله بسيطة ومتنساش تطمنا
اذهب بها للتوكيل فعلا طالما فى الضمان
اعتقد انها الفيشة يا باشا
وخير ان شاء الله
وبحركة خباثة منك
تعرف مكان الفيشة بالظبط
علشان تبقى تفصلها ولما تطلع على الطريق ابقى وصلها :]
مين بينادى ؟؟؟؟؟؟
اللى حصل عندى كان شريط الأيرباج فعلاً.....بس مش عارف هل هو موجود فى الكورولا بنفس الكيفية ولا لأ
لو متعود تحط حاجة تحت كرسى السواق حاول تشيلها و تمد أيدك تتأكد أن الفيشة راكبة صح
لأن فى بعض الأحيان لو حاطط حاجة تحت الكرسى ممكن تخلى الفيشة تتشال من مكانها.
و طبعاً زيارة للتوكيل مش هتخسر و خصوصاً انك فى الضمان على ما أعتقد.
و أبقى طمنا عليك.
مش عايز افتي بس عندي رأي
أعتقد لو البطارية اتفصلت من القطاش واتركبت تاني لأي سبب ممكن تخلي لمبة الإيرباج تنور.
وممكن الأيرباج يكون سليم وليس به عيب لا في شريط ولا فيشة بس محتاج يتعمل حاجة اسمها reset بجهاز كشف الأعطال ودي الطريقة الوحيدة لإطفاء اللمبة.
الموضوع ده عادي جداً وأي مركز صيانة فيه فني محترم عندهم جهاز كشف أعطال ممكن يعمل الموضوع ده في 3 دقائق.
والله أعلم....
انا النهاردة الصبح حركت الفيشة من تحت الكرسي وبعد كده دورت العربية لمبة الأيرباج منورتش.
الحمد لله انها بسيطة و لكن لو تكرر الموضوع و لم تجد حل فالأفضل و الأسلم أن تذهب إلى التوكيل
أى خدمة يا ابو وليد وحوش الرينو دايما فى الخدمة
يلا يا عم اديك عرفت مكان الايرباج ابقى افصله وانت ماشي جوه
احسن تخبط خبطة مش ليها لازمة وتلبس في التابلوه