هل ممكن احول لوحة العدادات للفيات 131 الومونيتور
عرض للطباعة
هل ممكن احول لوحة العدادات للفيات 131 الومونيتور
ممكن اعرف يعنى ايه
+1111111111اقتباس:
المشاركة الأصلية كتبت بواسطة misoalex
+11111111111111اقتباس:
المشاركة الأصلية كتبت بواسطة d0tn3t
يعنى اية الومنيتور
قصدك يبقى زى العربيات الحديثة النور بتاع الورق من الخلف مش متسلط علية من الجنب يعنى
ياريت يكون الكلام ده ينفع لانى نفسى اعمل كده فى عربيتى الدوجاناقتباس:
المشاركة الأصلية كتبت بواسطة newhansol
لو حد جرب او يعرف يقولنا
والله يا استاذ هاشم مش فاكر كان فى حد من زمان فى المنتدى قال على فكرة
ممكن ناخد الورقة بتاعة العداد ونسحبها على اسكانر وبعدين نطبعها على ورق كالك او حاجة زى كدة بس بصراحة محاولتش اعملها مع ان عندى ورق الكالك والطابعة الليزر بس مفيش وقت افك العدادات واعملها
اشكرك على ردك واهتمامك وانا هبقى اسال بتاع الاكسسوارات
على الحوار ده
انظر اللنك ده فيه معلومات
http://www.nilemotors.net/Nile/110286-a.html
انا نفسي اعمل العداد كدة
بمعنى ان الارقام هى اللى تكون منورة
علشان فى 131 الاقام على صاج معتم
حد يعرف حل للموضوع دة
ممكن نعمل الموضوع بتاع الورق دة بس ممكن حضرتك تفك الحديدة الى مرسوم عليها الارقام وتسحبها على اسكانر على رزليوشن كويس وتطبعها على ورق كالك الى هوة شبة الشفاف وممكن تعمل كذا نسخة ورا بعض علشان الخلفية السودا تبقى معتمة على الاخر لما تحط نور وراها وماتبينش غير الارقام بس
انا نفسى عملها فى 28 بس العربية مش معايا دلوقتى
لو حضرتك تقدر تفك العدادات وتطلعها يبقى كويس
انا ممكن اطبعا لحضرتك ونجرب كدة ونشوف
بس معلش عليك انك تسحبها وتبعتلى الصورة وتقولى ابعاد الحديدة الى عليها الارقام دى قد اية بالظبط واعملها على الفوتوشوب ونجرب
لو طلعت كويسة يبقى خير وبركة
مش هانخسر حاجة
لو على فك العداداقتباس:
المشاركة الأصلية كتبت بواسطة newhansol
انا بأذن الله اقدر افكة :verygood:
اعتقد الموضوع هيكون صعب ولو اتنفذ مش هيكون بالجودة المطلوبة كنت بفكر اعملها زمان بس مش فاكر المشكلة كانت اية بالضبط، بس جربو وقولولنا على النتيجة ووصلتوا لى اية
يا استاذ نبيل محدش هايخسر حاجة وهوة يعنى اكيد مش هاتطلع زى الى بنشوفة فى العربيات الحديثة لان التانى دة خامات مخصوصة وليها مكن واسطنبات بتعملها بس يعنى ممكن نوصل ل 70% على الاقل شبة للعدادات دى
على كل حال انا هاستنى حضرتك تفك العدادات يا استاذ احمد
ولما تجهزهم ابقى قولى ونجرب مش هانخسر حاجة
لان لو قعدنا نقول مش هاتنفع من غير مانجرب يبقى مش هانعمل اى حاجة خالص
وماعتقدش ان فية عدادات بلازمة زى الى موجودة فى السيفيك والكلام دة للشاهين ولا ال31 ولا ال 28 وحتى لو فى انا عن نفسى مش هادفع 350 جنية فى عدادات الا اذا كانت عربية جديدة
وانا منتظر النتيجه
ويارب تنجح
الفكره كانت بتدور فى دماغى قبل كده من زمان و كنت فكرت فى حكاية اننا نسحب صورة من العدادات على اسكانر بس استخسرت افك العدادات اللى عندى و قولت اشوف اصدقائى من تجار الاستيراد ( بحكم انى زبون عندهم وباخد اللقط) رحت لواحد منهم وقولت له ملقيش عندك عداد 131 مكسور او مفكوك قال لى ليه قولت له على اللى فيها قال لى مينفعش لان فى عدادت ال 131 ال 3 عدادات منفصلة يعنى كل عداد له كارته وراه ومفيش كارته بتجمعهم كلهم مع بعض و صعب انك تفك عداد وتطلع كارته و مشيت من عنده و قولت له لو وقع معاه عدادات مكسورة يكلمنى بس اروح اصورها
انا بعمل الموضوع ده حاليا في البيجو 504 و اول ما يخلص ان شاء الله
هنزل موضوع كاامل باذن الله
بس خلى بالك مش هتبقى منورة اوى اوى اوى كأنها شاشة زي الجديد ( الالوان مش حادة اوى اوى ) بس حلوة جدا وبلا شك احلى من القديم بمراحل والارقام منورة من تحت و كله تمام
وكفاية انك هتعمل رسمة جديدة و شكلها احلى
بس الموضوع ده عايز موهبة في فوتوشوب او illustrator او حتى الوورد بس تكون بتفهم اوى في الرسم على الوورد