الموضوع: إنتفاضة سكان المقطم ضد كارفور

المشاركة الأصلية كتبت بواسطة hossam_hassan

ما هى المصيبة فى مكانه، ده فى مفصل منزل المقطم، عارف المسجد اللى بتلاقيه فى اول المقطم بعد المطلع علطول؟ هو قصاده بالظبط، و حواليه شوارع اعرضها 6 متر بالكتير و المبنى كان معمول اصلا ادارى و بقاله حوالى 7 سنين مش لاقيين حد ياخده علشان مفيش مكان لركن عربيات موظفين اى شركة تأجره، بأختصار الحتة دى قبل كارفور كانت عاملة زى القمع اللى بيسرسب العربيات اللى نازلة و اللى طالعة و فى اوقات الزحمة كان ممكن تقف على المطلع 5 - 10 دقايق علشان تعدى منها، تخييل بقى هيبقى عامل ازاى بعد كارفور.

المقطم واسع و كان ممكن يوجدوا 100 مكان اوسع و احسن.

عارف المكان دا , بس كده بصراحة عندهم حق ..

المكان ده زى ما انت ما قلت فعلا قمع بيتسرب منه العربيات لان طريق المقطم بيبقي طيارة و ييجى عند المدخل و تعدى بالعافية ..

ما كانوا يعملوه فى مكان اوسع و احسن و كمان هيبقي فى منتصف المقطم يعنى اسهل لكل اهل المقطم , على الاقل كان يتعمل فى اخر الشارع اللى فيه مستشفى تبارك , اخر الشارع ده فاضي وواسع و حى كمان ..

هما ميقدروش يفتحوا الفرع بتاعهم داخل المقطم جوه , لان جوه ساكن شخصيات كبيرة و اقل شقة تمنها معدى المليون فممكن يروحوا فى داهية :) و لو اتعمل فى وسط المقطم مش هيكسب بالشكل المطلوب لان فى محلات كتيرة موجودة , فهما كده ضربوا عصفورين بحجر و البركة فى الفساد .

انا لو كارفور هيعمل فرع عندنا هافرح جدا ، لأنه مكان محترم ونظيف للتسوق وفي كل حاجة.
أما مشكلة الزحام ، فممكن الحكومة تشترط على إدارة كارفور تأمين "باركنج" يستوعب كل عربيات الزباين (زي اسكندرية)

ما يعملوه هنا في المنصورة احسن...

"أهالي المنصورة عايزينك يا كارفور" !!

Lol

المشاركة الأصلية كتبت بواسطة ecybrarian

وقفة احتجاجية ضد «كارفور» المقطم: «عايزين مقطم بلا زحام»

كتب أحمد رجب 7/ 1/ 2010

لافتات احتجاجية على فرع كارفور فى القمطم
«مقطم بلا زحام».. شعار اتخذه سكان حى المقطم، ضد «إدارة الحى»، للمطالبة بوقف أعمال البناء فى سلسلة متاجر «كارفور إكسبريس» ودعا منظمو الحملة لوقفة احتجاجية اعتراضاً على الاستمرار فى أعمال المشروع، من خلال نشر لافتات كبيرة بالشوارع، كتبوا عليها «إلى أهالى المقطم، سارعوا لإنقاذ مدينة المقطم من فوضى العشوائيات واختناق مدخل المدينة».

وصدر بيان من منظمى الحملة قالوا فيه إنهم يرحبون بافتتاح متاجر تجزئة جديدة تخدمهم وتزيد المنافسة لصالحهم، ولكنهم يرفضون افتتاح كارفور لفرعها فى المكان المختار «لأنه سيؤدى بلا شك إلى اختناق مرورى مزمن».

وأعلن البيان رفضه «العشوائية من الحى، وتجاهل رغباتهم» ودعا إلى المشاركة فى الاعتراض على المشروع من خلال «الاتصال بالمحافظ وإرسال احتجاجات بالبريد الإلكترونى لـ«كارفور» العالمية والاتصال برئيس حى المقطم»، والمشاركة فى وقفة احتجاجية أمام المشروع يوم الجمعة المقبل. رفعت السعيد، رئيس حزب التجمع، أحد المشاركين فى الحملة، أكد أن مالك «كارفور» يستقوى على السكان، رغم أنه لا يملك أى تراخيص، وينفق ببذخ على الإنشاءات لكى يضع الجميع أمام الأمر الواقع، وهو ما يرفضه الجميع وقال: «نحن مقتنعون بأن سكان المدينة هم (سيد قراره) ولهم حق المشاركة فى مستقبل الحى الذى يعيشون فيه».

ويؤكد زياد العليمى، المتحدث باسم «مقطم بلا زحام»، أن سكان المقطم سوف يقفون أمام إدارة «كارفور» بكل الطرق، وأنهم يملكون إجراءات تصعيدية جديدة ضدها فى حال فشل الوقفة الاحتجاجية، مثل إقامة الدعاوى القضائية، وإعلان المقاطعة.

====
ط§ظ„ظ…طµط±ظ‰ ط§ظ„ظٹظˆظ…
===
خد بالك من التعليقات على المصري اليوم

رفعت السعيد ده شخصيه ..... واظن انه عايز جنازه وبشبع فيها لطم

متلون وباع نفسه للحكومه من زمممممااااااااااااان

أنا بجد مش متخيل الموقف بعد ماالزفت ده يفتح ... الدنيا حتبقى واقفة جدا