مش محتاجة ابو رواش ولا حاجة
ده ملزوق بدبل فيس فكه ونزله لتحت شوية بعيدا
عن الشيلد الاسود
عرض للطباعة
مش محتاجة ابو رواش ولا حاجة
ده ملزوق بدبل فيس فكه ونزله لتحت شوية بعيدا
عن الشيلد الاسود
الصورة بتشرح انه يمكنك لصق "الانتنا" فى مكانين مختلفين
شكراً جزيلاً أخى ... هذا كرم منكم ... بارك الله فيك
عفوا على ايه .....
ولو عاوز تعرف اى حاجة عن الانذار
اسئل برحتك "الحمد لله" قتلته بحثا قبل ما اجيبه وبعد ماجيبته .... :ma:
والله انا شايف بعد ازدياد اصحاب الكارينز الحمد لله
اننا نرتب تجمع تاني لاصحاب الكيا للتعارف
ايه رايكو
:Ta_clap[1]::satelite:
أنا معاك مستر ديدو ....
معاكم انشاء الله دا انا يشرفنى رؤياكم
طيب ايه وفين وامتي
اخبار الانزار اه بعد الاقتراح ده؟؟
يا ترا الجهاز اللي غل التوكيل طلع ده ولا واحد تاني؟؟
http://www.nilemotors.net/Nile/69597...car-alarm.html (السيرتو وتركيب جهاز انذار الـ SPY 2 Way Car
هل هذا معزاه التكلفه عند التوكيل تقريبا 400 انزار + 400 تركيب؟؟
حضرتك سعر انذار التوكيل للكارينز 670 جنيه شاملة التركيب
هو السعر ده علي ما اعتقد غير شامل ضريبة المبيعات
وهو انذار بدائي من غير اي خواص اضافية
http://www.nilemotors.net/Nile/114742-a.html
Spy:36_6_3[1]:
أنا لسه واصا انهارده من بيتى فى الهرم
وده السبب الوحيد والله الى خلانى مكلمكوش أول موصلت
أنا كان معادى هناك 8.00
وصلت 8.25 وسلمت العربيه اول مصيبه
الدراع بتاع الكبوت مش بيفتح الكبوت زى مايكون الكابل اتقطع...مش عارف ايه اللى أطعه
المهم
سلمتها عايز اركب انذار و دليات واكيد...أصلح الكبوت
تلعط...أقصد نزلت فى الاستراحه "بدروم أو جراج بس فى ناس يعنى
كان معايا والدى و والدتى وأكتشفت ان دى ميزه جامده أوى علشان الملل الكبير
اول حاجه أكتشفتها أسمى مش مكتوب ومكتوب بداله eit
المهم طنشت بس لقيت جنبه انى همشى 3.00 نعم
أعض فوق ال6 ساعات "نيفر" هو أنا عايز ادخل جينس!
نزلت يووه أقصد طلعت للمهندسه سهام الى استلمت منى العربيه
وقلتلها "لاهو" أنا هعض لغايه 3
قالتى ان شاء الله تمشى قبل كدا
خلصو على 11.45 كده
ونزلت أدفع
كام يا باشا
360 بابا كان معايا "الميزه التانيه"
زعق...هلل...هدد...
طيب ثانيه واحده يا فندم
بعد شويه...كام يا باشا 275
بابا راح كلم أستاذ أشرف تانى على اساس ان فى الاسكندريه ب 200 بس
المهم وصلنا معاهم ل 250 جنيه أخرهم فعلا...
أستلمت العربيه
أول حاجه الراجل الى معاه الريموت الى فى كشك دا
قالى ياعم انت الموبايل الى معا المفاتيح ده عمال يصوصو و خواتنا :)))))))))))
فطسنى من الضحك
خته منه
وهوووووووووب روحت مدى للعربيه شلوت!
ولا الهوا لا أنذار ولا يحزنون
ندهت لواحد من جوا
تعالى يا عم قولى ركبت ايه
راح خابط عند الحساس زمرت
قلته عليه بقى
دخل جاب واحد من جوه علاه بقى معقول الحمد لله
انا كمان عندى الانتنه فوق المرايا على البتاعه السوده دى بس فى الحقيقه جربته "أنا فى الدور الخامس" جربته فى ابعد نقطه فى الشقه عن السياره
الظريف ان سمعت الريموت بيزمر فى ايدى و مش سامع العربيه من بعدها عنى :)))
مداه جبار "نسبيا"
مش 5000 متر
لكنه أفضل من اى انذار آخر فى السوق
أستاذ خالد انا عندى فى الاشاره فى شرطتين
انت عاندك كام واحده؟؟؟
فى الاخير متأسف جدا جدا للأطاله ولكن أطلت لمن يهوى التفاصيل
عزيزى Mr. NorMal
مبروك والحمد لله على السلامة
ألاشارة أقصاها 4 شرط ، وممكن يلقط على 2
اليك بعض التجارب التى قمت بها:
- الانذار لايشعر بالجزء الخلفى من السيارة ... :beatdeadhorse5:أى خبط أو رزع فى الأبواب الخلفية أو الشنطة لم يؤثر فى الجهاز. يعنى أى أحد ممكن يكسر البريبريز الخلفى ويعيش حياته داخل العربية عادى :_Alshmokh08[1]:
- كنت فى الدور الثالث والسيارة على بعد 100 متر تقريباً .... (شرطه واحدة) ولايوجد اتصال
فتحت شباك الغرفة وطلعت يدى من الشباك وضغطت find me لقطت وزمرت :36_7_4[1]:
(اصبحت 4 شرط) ....
- دخلت يدى داخل الغرفة ثانى .... مازالت 4 شرط وحاسسين ببعض.
- قفلت الشباك .... فقدت الاتصال
هل ممكن تقول لنا الراجل علاه ازاى ؟؟؟؟؟
أنا عملت scanning لدليل المستخدم للانذار spy 5000m بتاعى ... قلت أضعه هنا علشان اذا اى أحد احتاجه يلاقيه فى أى وقت .... ونرجع اليه فى أى مناقشات مستقبلاً
هما بيحطوه جنب الفيوزات
أفتح علبه الفيوزات هتلقيه
دوره عليك يعلى...على الماتور يوطى
هما بردو كانو عملنهولى واطى و جبط على الشنطه مزمرتش
وبعدين عليته
بالنسبه للأشاره أكيد فى حاجه غلط عندك
أنا عاندى بيلقط من بعيد فعلا
زبكره أنا خارج هعمله تست كده بيلقط من قد ايه وهبقى أقلك
الشوك سنسور به مفتاح غاطس نسبيا يمكنك منه ضبط الحساسية وبسهولة جدا
الاشارة بتتغير حسب مكانك ومكان العربية
فيه زرار اللى فى النصف فى الجنب
اضغط عليه يحاول يلقط اشارة لو مش باينه عندك
انا ركبت الانذار spy 5000 على عربيتى هوندا سيتى 2008
امبارح وجارى التجربه ,,,,,
لكن عندى استفسار مهم جدا للسادة مالكى هذا الانذار وخاصه الأستاذ/ A. Saad
وهو هل الاشارات بتشتغل مع الانذار فى حاله التوقف بالسيارة وفتح أى باب من الابواب
زى اى انذار عادى ، بمعنى انى لو وقفت بالعربيه علشان اركب حد او انزل حد وفتح الباب المفروض ان الاشارات بتنور وتدى فلاشر زى الانتظار ، لكن الموضوع دة مش موجود عندى وسألت الفنى اللى ركب الانذار قالى الانذار دة مش موجود فيه الموضوع دة أصلا !!!
فهل فعلا مش موجود فى الانذار ام جهل من الفنى ؟
ارجو الافادة والتوضيح وشكرا
انا متأسف نسيت أخص الاستاذ/ Ahmed _su بالرد على استفسارى السابق وشكرا
حاولت أعمل upload امبارح بس ال pdf file حجمه أكثر من المسموح ... سوف أحوال اعمل image reduction وارسله لاحقاً .... أسف جداً للتأخير
الميزة دى موجودة بس الجهاز جاى من المصنع وهى (Disable ) ولازم تشغلها عن طريق تغير وضع الجمبر J3
فى الوحدة المركزية
يا جماعة تركيب الانذار والدلايات ب 250 جنية ازاى مش كان فية جدول بيقول اربع ساعات والساعة ب 80 جنية غير الضريبة ولا الموضوع بالزعيق والتهليل يا ريت يا جماعة تعرفونا اية الموضوع بالضبط وفلوس التركيب اية نظامها
أولا أنا متأسف نسيت أذكر موضوع الدليات...جل من لا يسهو
الدليات انا الى كنت جايبها معايا
والفنى نزلى الاستراحه وقالى يا فندم دى مش بتاعه العربيه
أركب الى عندنا
قولتله بكام قالى الواحده ب 70 جنيه
يعنى كله 280 غير المصنعيه
قولتله شكرا مش عايز
غير كده
تركيب الانذار واصلاح الكبوت 250 جنيه فقط لا غير
وتصليح الكبوت مش مكتوب فى الفاتوره
ومكتبليش فى اى حاجه خالص
بيتهيألى على اساس انه كبل أتقطع ومش مكلف يعنى
اعزائى:
اليكم دليل المستخدم لجهاز الانذار spy 5000 عبارة عن 20 صفحة فى 10 ملفات
ولا يهمك اسئل برحتك
ايوه هى علبة الانذار نفسه
ده شكلها
طيب مكان الjambr الاقية ازاى ؟؟؟؟
يعنى موجود فى ضهر الجهاز ولا فى الجنب ؟؟؟؟:whtauwant:
شكرا يا باشا
هلبس الافارول والخوزة للاستعداد للعمليه الانتحاريه دى وهوافيك بالنتيجه بس بعد ما أروح البيت لأنى فى الشغل دلوقتى ،
بس انا كان عندى سؤال بخصوص نفس الموضوع دة هى الاشارات بتدى فلاشر عند فتح الابواب
فى حاله ان العربيه دايرة وكمان فى حاله انها لو مش دايرة ؟ وهل لو شغلت الخاصيه دى ممكن تأثر على بطاريه العربيه وخاصه لو فضل الباب مفتوح لفترة ( يعنى مثلا لو العربيه بتتغسل )
لأ ماغيرتش المكان .... لكن هو اتحسن لوحده !!!!!!!!!!!!
صباح الفل علي الرجالة
عندي استفسارين
1- السيراتو هاي لاين توكيل بتيجي بدالايات ؟ اصل انا مش عندي :120146b وممكن اركبهم عادي في التوكيل روكسي ؟
2- انا عملت صيانة ال 1000 في روكسي وكانوا كويسيين اوي و دفعت 420 جنية - هوا انا اتنصب عليا ولا اية ؟
الصيانة كانت شاملة تغير الزيت والفلتر والفحص الدوري بس !!!! ولا غسيل ولا اي حاجة تانية:whtauwant:
عندي مداخلة بس ودي من وجة نظري الشخصية
انا راي ان التوكيل صح في انة ميركبش اي انذار او لعب في الكهراباء برة التوكيل ودة فعلا صح لان واحد صاحبي كان معا النترا وكيل ركي انذار برة وضرب الضفيرة ولبس في الحيط وخرج برة الضمان - ولا عرف ياخد حقة من اللي ركبة ولا من الوكيل
وكل التوكيلات بتعمل كدة - اة انا معاكم ان اي توكيل حرامي في حتة قطع الغيار والاكسسوار بس ما تيجي نحسبها
انذار وتركيب في التوكيل ب 1000 جنية مثلا ولا ضفيرة ووجع دماغ ب 3000 او 4000 جنية ؟
امال هوا ال ضمان اتعمل لية اصلا ؟
الحمد لله نجحت المهمه وعملت موضوع الاشارات انها تشتغل عند فتح الابواب زى ما وضحت لى يا احمد باشا وشكرا جزيلا على معلوماتك .
بس أنا عندى سؤالين بخصوص الانذار :-
(الأول ) دلوقتى أنا عندى السنتر بيقفل بعد تقريبا 30 ثانيه مع اول دوسه فرامل وبعد ما مشيت بالعربيه وقفت علشان انزل زميل لى فى الشغل ففتحت السنتر بايدى من الباب الشمال بتاعى وبعد كدة زميل نزل وقفل الباب ومشيت بالعربيه ودوست فرامل علشان السنتر يقفل لكن دة محصلش وتقريبا لغايه ما وصلت البيت وبعد كدة بطلت العربيه ودورت تانى وكررت نفس العمليه ولكن برضو السنتر مقفلش ، هل دة طبيعى فى الجهاز دة ولا إيه مع العلم إنى كلمت الفنى اللى ركبلى الانذار وقاللى يا باشا الجهاز دة كدة ؟؟؟؟
(الثانى ) اكتشفت اليوم وانا نازل من الشغل ومروح وبدور العربيه صوت عند الدوارة وهو صوت تكه صغيرة فى السنتر كأنه بيفتح مع العلم انه طبعا مفتوح لأنى لسه ممشيتش بالعربيه فبطلت العربيه وسمعت نفس الصوت وكمان بصيت على المسوجر بتاع الباب الشمال ولاقيت عند الدوارة او فصل الدوارة مع صوت السنتر اللى بسمعه لاقيته بيتحرك ، وبضو كلمت الفنى وقالى دة عادى مفيش مشكله ؟؟؟
ياريت من فضلك توضحلى الاستفسارين دوول وشكرا جزيلا مرات عديىىىىىىىىىىىىىىىىىىىىىى ىىىىىىدة