عرض للطباعة
من فضلكم انا عايزة اسافر للقاهرةو اروح سوق الجمعةاشترى عربية لادا من هناك و حيكون معايا ميكانيكى خبير فى اللادا بس عايزة اعرف ايه الحاجات القانونية اللى بتتعمل يعنى اطمن ازاى ان العربية سليمة قانونيا و مش عليها مخالفات او مشاكل ارجو الرد بالتفصيل و بسرعة:shyy:
بعد ما تتفق على العربية لازم صاحب العربية يجيب لك شهادة مخالفات من المرور و تشوف بنفسك ان معلهاش مخالفات ..
بص نصيحة اخوية بص سوق الجمعة دة كلة تجار انت امسك الجرنان والوسيط واشترى منهم من المالك الاصلى لانهم فى السوق مثبتين اسعار ويجيبو حالات تعبانة عشان السعر والزبون هو قلى بيلبس هتها من عيلة افضل مليون مرة من التجار لانهم بيشدها شدة بيع
لو اعتزمت على الشراء من سوق الجمعه وخلال فحص الميكانيكى للسياره لابد من التاكد من الشخص البائع انه هو بالفعل صاحب السياره
ويفضل رخصه والابتعاد عن التوكيلات والعقود المسجله
لو تم الاطمئنان من صحة الاوراق وحاله السياره والاتفاق على السعر يقوم الشارى بدفع 75% مثلا من قيمه السياره واستلام وتوكيل خاص ببيع السياره للنفس والغير والتعامل مع المرور واستلام السياره
وفى تانى يوم يتم تسليم المبلغ المتبقى للبائع مقابل الرخصه وشهاده مخالفات بتاريخ اليوم
خللي بالك كمان من العربيات اللي فيها توكيلات وورق كتير وياريت تبعد عنها
نصيحة :- بلاش سوق السيارات ,, معظمه تجار وسماسرة
ابحثى عن عربية بيتى , من النت , من الوسيط , من الاهرام , من الأهل أو الزملاء , وخذى الميكانيمى معاكى للفحص
طريقة البيع والشراء : -
عقد مسجل فى الشهر العقارى وده أضمن الحلول وما تمضيش مشترى لأنك لو مضيتى مشترى هتفحصى وتنقلى الملكية خلال شهر والا هيبقى العقد لاغى ,,, وبعدين لما وقتك يسمح روحى المرور انقلى الملكية وطبعا نقل الملكية بيحتاج فحص جديد
توكيل بالبيع وده الخطأ الشائع , لأن العربية مش بإسمك , ده انتى معاكى توكيل بالبيع من صاحب العربية
طيب انا عندي سؤال فرعي محتاج اجابته
انت بعد اما تسجل العربيه في الشهر العقاري وتروح ترخصها باسمك ويبقى معاك الرخصه باسمك
هل في اي ورقه تانيه معاك غير الرخصه بتدل على انك المالك؟
ورقه مثلا من الشهر العقاري او كده يعني؟
الرخصة تفى بالغرض واذا حضر الماء بطل التيمماقتباس:
المشاركة الأصلية كتبت بواسطة ezaby
لو عايزة لادا قولى لى عايز موديل اية وانا عندى ناس محترمة معها لادا عايزة تبيعها
بعد ما تكشفوا على العربية في البنزينة اللي جنب السوق و تتفقوا على السعر هتروحوا الشهر العقاري اللي جنب السوق و هتعملوا توكيل أو عقد بيع مسجل , و لو البائع معاه شهادة مخالفات أو براءة زمة يبقوا هتخلصوا كل حاجة و لو ممعهوش هتخللي مبلغ حوالي الف مثلاً من ثمن العربية لغاية لما يجب شهادة المخالفات و كمان شهادة بيانات , وطبعاً هتخدي العربية معاكي بما إنك دفعتي معظم تمنها ,
و فيه ناس بتعمل عقد إبتدائي و تاخد مقدم مثلاً الف جنيه أو 500ج و تتقابلوا تاني يوم في الشهر العقاري بعد ما يجيب المالك شهادة المخالفات و البيانات و تعملوا التوكيل أو العقد المسجل و كل حاجة تخلص ,
و ربنا يوفقك لحاجة كويسة , بس نصيحة إنت ليه عايزة لادا , دي عربية ناشفة و الدركسيون تقيل ,
ممكن تتدوري على حاجة أنعم من كده في حدود المبلغ اللي معاكي ......
ياريت تقوللى الناس دى فين و العربية مواصفاتها اية و لو نزلت القاهرة اشوفهااقتباس:
المشاركة الأصلية كتبت بواسطة lada2010
الحقيقة انا مش عارفة اشكركم ازاى بس انا عايزة لو رحت اخلص الموضوع فى يوم واحد لان السفر بعيد و انا عارفة ان اللادا ناشفة بس قطع غيارها رخيصة و بيعها اسهل من الانواع التانية و ان شاء الله حركبلها باور لو ينفع
زى ما ربنا يوفقك بس الادا عربيه سواقتها صعبه اوى وموكن تلاقى حجات فى نفس الرنج وقطع غيرها رخيصه برده
عمتا تتاكدى من كل الحجات الى الاعضاء قالوا عليها ونصيحه بلاش تستعجلى فى الحجات دى
العفو وربنا يوفقك لعربية بيتى مصانة ومقتناه
+1111111111111اقتباس:
المشاركة الأصلية كتبت بواسطة terrible_darsh
ربنا يوفقك ان شاء الله
و بالنسبة لموضوع الشهر العقاري لو العربية كان فيها توكيلات كتير
حاولى تتأكدي من ان مكتوب في النموذج بتاع التوكيل البيع للنفس بالنفس او للغير ( معناها انك ممكن تسجلي لنفسك بعد كده ) و نفس الكلام بالنسبة لعقد البيع ان شاء الله صاحب العربية بموجب التوكيلات اللى معاه هيعمل لك عقد بيع (بس هوا بيقعد شهر بس )
اما بالنسبة للعربية حاولى تاخدي معاك واحد بيفهم كويس في العربيات عشان لاقدر الله العربية ما تكونش مخبوطة ولا حاجة
اذا سمحتوا لى
انا كمان عايز اشترى لادا موديل عالى يفضل 2007 وبعدها ويفضل انها تكون فى الغردقه والبايع اسره او شخص استخدامه كويس للعربيه والمهم يكونتمنها كويس لانى عامل قرض علشان اشترى العربيه واغير الفيات ال125 اللى معايا
وايميلى kokoasma@yahoo.com
سبب التفكير فى شراء الادا بالذات هو مادى بحت بمعنى قلة الفلوس
شكرا
السلام عليكم اولا
نصيحة من اخ ابعد عن الادا الجديد مش حلو وقطع الغيار مش منتشرة والعفشة ناشفة لازم كل شوية تربط
بص ياسيدي هي نصيحة من اخ هات ال proton wira
العربية دي والله انا مكفرسيئاتها ولا بتقول بم وبتجري
وعضمها ناشف عن تجربة في حادثة قبل كده عافاكم الله ووقاكم
بالنسبة للمواقع اللي بتبيع عربيات
Car100100 - Used Cars - سيارات مستعملة
ContactCars
وربنا يبركللك فيها
ربنا معاك
وبلاش العربيات اللي فيها توكيلات
اشتري من المالك علطول
باركولى اشتريت العربية من كام يوم من المدينة اللى انا عايشة فيها لادا 2107 مو 97
مبرووووووك
مبروووووووووووووووووووووك وربنا يكفيكى شرها
الف مبروك ,
طيب قوليلنا ايه الاخبار و عملتي ايه و السعر و الحالة ....
انا اشتريتها ب 27و نص العربية فابريكةمن برة و جوة مو 97 فيها رخصة سنتين و 2 زجاج كهرباء و فتح الشنطة كهربا و سنتر و انذار وبطاريه جديدة و 4 كاوتش جديد و جنوط جديدة بس هى طلعت محتاجة شوية سمكرة و حرشها بره ان شاء الله و لو حد عندة نصيحة ياريت يفيدنى:b4_007: