عرض للطباعة
بسم الله الرحمن الرحيم
الاخوه الافاضل
ارجو الافاده علشان انا محتار جدا بين التو 800 cc
او ماروتى
انا بحب العربيات الزيرو مهما كانت مكلفه
و عايز اعرف سعر العربيتين و اسعار قطع غيار الالتو 800
ارجو النصيحه و الافاده مع العلم ان العربيه ده هتكون الثانيه ان شاء الله انا معايا اكسنت
ماروتي 800 وألتو 800 الاتنين موتور واحد وفرق السعر غير مبرر
أعتقد الألتو 800 خسارة فيها فرق السعر وخاصة ان المساحة مش أكبر كتير بين الاتنين.
لو عايز ألتو خليك في 1000 سي سي ما دام ممكن تقبل فرق السعر يا إما ماروتي 800 وخلاص.
ومبروك مقدماً.
+1اقتباس:
المشاركة الأصلية كتبت بواسطة shankosi
بس راعى ان الألتو تابلوه احدث و شكل اشيك بمراحل جوه و بره و اوسع شويه ,, و الموتور انجكشن
الماروتى قطع غيار ارخص و متوفره اكتر الى حد ما ( راجع لأنتشارها عن الألتو) ده غير فرق السعر
++1اقتباس:
المشاركة الأصلية كتبت بواسطة m7nsh
:Ta_clap[1]: الراجل دة بيتكلم كلام زي الفل
الآلتو ممتازة لكن 1100 مش 800 علشان تكون فارقة عن الماروتى من ناحية الموتور بالآضافة للشكل العام وتستفيد من جميع المميزات بس ما تفكرش فى أسعار قطع الغيار لآنها غالبا هتكون غالية وصيانتها غالية شوية ودة نظرا لامكانيتها وهى تعتبر ذى أى عربية حديثة الآلتو 1100 لا تقل عن البيكانتو والسبارك و i10 والسبرانزا 113 وكل العربيات اللى فى الفئة دية هى لا تقل عنهم بل أنا شايفها لية ميزة أن قطع غيارها يابانى عيبها الوحيد هو توكيلها علشان كدة الماروتى ليها ميزة أنك ممكن تستغنى عن التوكيل نهائى وكذلك الآلتو لو قدرت تلاقى مكان برة التوكيل يصلحها كويس يبقى أتكل على الله وجيبها لكن خلى بالك من غلاء قطع الغيار وعدم انتشارها بالنسبة للماروتى اللى قطع غيارها رخيصة ومنتشرة وأى حد بيفهم ممكن يصلحها بس الفرق هيكون لو هتجيب ألتو 1100 أكيد هتكون أحسن بس لازم تعرف أنها مش هتكون اقتصادية ذى الماروتى. لكن لا أنصحك بالآلتو 800 لآن كدة مش فارقة قوى عن الماروتى غير فى الشكل بس بالآضافة أن الآلتو أغلى فلو هتفكر فى الآلتو يبقى 1100 فقط . والتوفيق بالله
شكرا لكل من قام بالمساعده
بارك الله فيكم
عندى سؤال
بالنسبة للألتو 1100 سىسى مش لاقى معلومات عنها فى موقع شركة ماروتى
وسعرها كام دلوقتى ومواصفاتها إيه
الآلتو 1100 هى هى الآلتو 800 المكيفة الكاملة مع اختلاف الموتور فقط من 3 سلندر الى4 سلندر بالآضافة 800 الى 1100 فقط . يعنى كل الآختلاف فى الموتور فقطاقتباس:
المشاركة الأصلية كتبت بواسطة ahmedbakr50
الماروتي : موتور 800 سي سي حجمها صغير , قطع غيار متوفرة اكتر , لكن ضعيفة من ناحية الدبرياج و الفتيس , مش انجكشن , اقتصادية في البنزين
السعر : 36 الف
التو 800 سي سي : موتور 800 سي سي , اكبر من الماروتي , تابلوه اشيك , انجيكشن , اقوي من الماروتي , قطع غيارها قليلة شوية بس مش غالية اوي يعني حاجة زي سلك الدبرياج 100 جنيه سير الكاتينة نفس السعر يعني قطع الغيار في الرنج ده , اقتصادية في البنزين
السعر : 45 الف
التو 1100 سي سي : نفس مواصفات الالتو الـ 800 سي سي بس الفرق ان الموتور 1100 سي سي 4 سلندر بس انسي اقتصاد البنزين بتاع الماروتي و الالتو الـ 800 سي سي
السعر :60 الف