السلام عليكم
انا معايا عربيه لانوس 2006 عامله حاليا 39000 كيلو سالت فى التوكيل لقيت انها محتاجه تغير سيور على 40 الف هل فعلا كلامهم صح وهل اغير معاهم بالمره زيوت الفرامل والباو والفتيس ولا اغير زيت الفرامل بس
ارجو تنصحونى اعمل ايه ولو اغير الزيت اغير زيت الفرامل اغيره فى التوكيل ولا بره عند اى ميكانيكى واجيب نوع ايه يكون كويس يا رجاله
وشكرا لتعبكم
سيدي الفاضل ...
بالنسبة لصيانة ال 40000 كم أنصحك بالتالي :
1- تغيير السيور و مراجعة الشداد و البلي
2- تغيير مياه التبريد و غسيل دورة التبريد
3- تغيير الفلاتر (زيت - بنزين - هواء)
4- تغيير الزيوت (موتور - فرامل - باور)
5- الكشف علي مستوي زيت الفتيس
6- تنظيف البوابة و الحساسات
7- الكشف علي تيل الفرامل و تغييره ان لزم
8- تغيير الاطارات (اذا كانت وصلت ل 40000 كم) أو عمل تبديل لأماكنها rotation كل 10000 كم
9- تربيط العفشة و الكشف علي المقصات و الجلب
10- مراجعة البطارية و الانوار الامامية و الخلفية
طبعا من الافضل أجراء هذه الصيانة بالتوكيل أذا كان الضمان مازال ساري او اذا لم تكن تعرف مركز خدمة اخر
و لكن بما ان حضرتك من سكان اكتوبر فمن الممكن ان تجري هذه الصيانات عند محمد عبده بفيصل
الله يفتح عليك كده تمام التمام
ان شاء الله اروح التوكيل واغير السيور واغير الزيوت بس ربنا يستر ويكون سعرهم كويس يا رب وشكرا على اهتمامكم يا شباب وانا لسه مغير الكاوتش من كام يوم
ملاحظة بسيطة ,اقتباس:
المشاركة الأصلية كتبت بواسطة se_coralsea
هو زيت الفرامل و البور بيتغير و لا بيتزود لو نقص مع معالجة سبب النقص طبعاً.
الفرامل بيتغير... الباور مش لازم
MMamdouh
بس و هو بيغير السيور فيه خرطوم للباور تحت هايضطر يفكه علشان يشيل السير علي ما أفتكر فده هايخليه يصفي الزيت و لا أنا نسيت ؟؟اقتباس:
المشاركة الأصلية كتبت بواسطة mmamdouh
يمكن تفادى القصة دى عن طريق فك طلمبة الباور شخصيا من على وش السلندر و تمرير السير من وراها
MMamdouh
طيب زيت الفرامل اغيره فى التوكيل ولا بره ولو غيرته بره اجيب نوع ايه كويس لزيت الفرامل والسيور اغيرها بره ولا فى التوكيل ودوره التبريد اغير المايه ولا اسيبها مع العلم انى معملتش اى حاجه فى المايه من يوم ما جبتها تنصحونى بايه يا شباب وهل فى نوع زيت الفرامل من انتاج امارات مصر .... اصلى بستخدم زيت امارات مصر للعربيه وبحس انه انظف كتير من موبيل
مش هاتفرق بره التوكيل أكيد أرخص بس المهم اللي بيغير الزيت يكون فاهم علشان مايدخلش هوا للدائرة أثناء عملية التغيير أما النوع فأنا كنت بأستخدم زيت توتال كان كويساقتباس:
طيب زيت الفرامل اغيره فى التوكيل ولا بره ولو غيرته بره اجيب نوع ايه كويس لزيت الفرامل
مرة اخري مش هاتفرق , لو انت في الضمان يبقي غيرها في التوكيل أهم حاجة تركب السيور الاصلية الكوري أو الايطالي برضه كويسةاقتباس:
والسيور اغيرها بره ولا فى التوكيل
طبعا غيرها لأن المفروض تغيرها كل 20000 كم او 40000 كم بالكتير اوي و أنصحك بأستخدام المياه اللي كانت جاية معاها (الخضراء) و ياريت تغسل دائرة التبريد الاول قبل ماتضيف المياه الخضراء و تتأكد أن كل الوصلات محكمة و مافيش تسريب و لو هاتزود مياه يبقي مياه مقطرة و أبعد تماما عن مياه الحنفية علشان الاملاحاقتباس:
ودوره التبريد اغير المايه ولا اسيبها مع العلم انى معملتش اى حاجه فى المايه من يوم ما جبتها تنصحونى بايه يا شباب
بصراحة ماعنديش فكرة ممكن تسأل في أي محطة من محطات أمارات مصر و لو أن زيت "توتال" لما أستخدمته قبل كده كان كويساقتباس:
وهل فى نوع زيت الفرامل من انتاج امارات مصر