-
-
بص هو انا معايا شيفروليه لانوس
بس صراحة الاكسنت احلى بس شايف الفرق بينهم ميستاهلش فرق السعر
بس بامانة موتور الاكسنت جباااااار وكمان شكلها حلو "بس انا شايف اللانوس احلى d: "
-
الفرق مش كبير في السعر من 70 الي 78 الف افتكر الانوس موديل قديم اوي يجي من عشر سنين يعني سعره مبالغ بلنسبة لعربية بتتصنع في مصر علي الاقل التاني كوري و موديل حديث بلتوفيق انشاء الله
-
نيو اكسنت طبعا يا باشا عربيه زي الفل
-
نيو اكسنت طبعا
لانوس ايه فى 2010
نيو اكسنت شكل احلى خامات انضف تقفيل انضف بكتير محرك متطور
اتكل على الله
-
أنا كان معايا لانوس 2005 و لما غيرت لماتريكس 2007 حسيت بفرق كبيييير فى كل حاجه
حتى ال i10 انعم من اللانوس كموتور و اخف فى الدريكسيون بمراحل لدرجة انى فكرت اللانوس من غير باور مع ان فيها و حتى فتح و غلق الابواب و الموسوجر تحس ان فى فرق فعلا و ملحوظ جدا
لو مكانك هجيب اكسينت طبعا
و فى حاجه لاحظتها بين هيونداى و دايو.. مواتير الهيونداى ناعمه و مع الوقت بتفضل ناعمه اما اللانوس الموتور بيخشن مع الاستخدام
كمان بالنسبة للانوس موتورها 8 صمامات و استهلاكها فى البنزين اعلى من الماتريكس اللى معايا حاليا بفرق
كذلك الاكسينت موتورها 1600 و 16 صمام اداء افضل من اللانوس و تكنولوجيا اعلى و استهلاك البنزين افضل
لكن عيب النيو اكسنت انها ناشفه شويه بس معرفش انشف من اللانوس و لا لأ!!!
-
هل النيو اكسنت بدون عداد حراره
-
نيو أكسنت اوسع وأفضل وكمان الفرق بقى 6 الاف جنيه بعد تخفيض سعر الأكسنت ل 76 الف
-
أعتقد ان اللانوس أوسع من النيوأكسنت بفرق بسيط...
لكن... النيوأكسنت أفضل من حيث الاتي..
1- موتور قوي 1600 سي سي, 112 حصان, vvt
2- شكل أفضل
3- حسب كلام الأعضاء التوكيلين سيئين و لكن غبور أرحم من منصور (مش مجربهم بصراحه)
4- في منها مانيوال و أوتوماتيك
و ربنا يوفقك للخير ان شاء الله...
-
الأفضلية القصوى للنيو أكسنت بالطبع
ليس تحيزا للعربية نفسها أو لإسم الشركة العريق
و إنما المقارنة ليست موجودة بينهما فى الأساس
شيفورليه لانوس يعنى تقفيل مصرى كالعادة يعنى اللهم إكفينا شر توكيل منصور يعنى أسعار قطع غيار أقل نسبيا من النيو أكسنت
سعر الموزع المعتمد لهيونداى - شاهين كار بالهرم فى محطة مسجد السلام - 82000 أتوماتيك فول أوبشن
بالنسبة لكل ما كتب عن هذه السيارة يجب قراءة هذا الموضوع كاملا
هنا
بالتوفيق
Content Relevant URLs by
vBSEO 3.6.0 PL2