حادث بسيط بالسيريون .. إستفسار

مساء الفل علي رجالتنا في دايهاتسو و سيداتنا الكرام

في ليلة مظلمة مشبرة كإزازة فيروز أناناس مرمية في الفريزر بقالها شهر كنت ماشي في الطريق مش شايف أي حاجة تماماَ و كان الوقت متأخر فا كنت لوحدي في الشارع تقريباَ .. المهم سايق .. و الشارع لف و انا مختش بالي لأن الشبورة كانت قافلة الرؤية تماماَ و بمعني تماماَ .. و شكراَ لرجال الطرق العظام مفيش حارات مرسومة عالأرض أمشي معاها .. فا طلعت عالرصيف .. الحمد لله مفيش خسائر ظاهرة و أخدت بالي بسرعة بس انا سمعت العربية بتتحك من تحت .

فا عايز أعرف إيه اللي حصل .. هو الزيت منقصش .. الشكمان صوته حلو الدركسيون مزبوط بس انا عايز أطمن .. أرفعها مثلاَ و أشوف بس المشكلة مش عارف هبص علي إيه و شكله إيه :ma: و مش عايز أروح لواحد يقعد يفتي أو يرفعها و ينزلها و يقولي تمام يا باشا و هو فيه بلاوي.

أي إقتراحات؟

الف سلامة عليك وفى انتظار خبراء نايل موتورز ودايهاتسو خاصة للرد عليك

حمد الله على سلامتك يا موتو...... ان شاء الله بسيطة..... بس طالما الدنيا كويسة، ما تستنى تبقى تكشف عليها فى التوكيل لو عندك صيانة قريبة؟

ربنا يسترها اليومين دول فعلا الشبوره مزوداها اوي
حمد الله جت سليمه يا محمود
وطالما انك مش حاسس بحاجه غلط يعني حدفه او صوت غريب او نقط زيت او صوت عالي من الشكمان يبقى سليمه
لكن هو الرصيف بمعنى رصيف يني كان عالي وانت كنت ماشي بسرعه ولا براحه

ألف سلامة عليك حبيب قلبى.محمود

ان شاء الله مافيش حاجة طالما لم تسمع أى صوت غريب ..

وبلاش مشى فى الشبورة مش كويس على صحتك ههههههههه.

وابقى طمنى وأخبار الأسكترا الجديدة اية؟؟؟ وأيضا كارتيرة الزيت بعد التغيير؟؟


تحيـــــــــــاتى

قدر الله و ما شاء فعل و فعلاً الشابورة اليومين دول صعبة جداً جداً عندنا فى الاسكندرية مش عارف مداها خارج الاسكندرية ايه بس ان شاء الله سليمة و ما فيش حاجة

بص عشان تبقى في السليم إظبط زوايا (كإجراء وقائي) وإنت بتظبط زوايا إنزل مع الفني تحت بص على القنطرة بعينك كده (وإن شاء الله مفيش حاجة)

لأ بجد يا محمود في حاجة غلط :dontudear:!!!! هو مفيش حد ماشي في مصر غيرك ولا إيه ؟؟؟:majd(4): يا أخي شيل الزفت اللي إنت حطه على الشنطة ده ...:_Alshmokh08[1]:
طالما مش سامع صوت يبقى سليمة إن شاء الله ...وبرده لو فاضي عديها على التوكيل احتياطي ...
بجد أنا لولا الامتحانات كنت نزلتلك بنفسي اباخرك إنت و العربية ..lol .:E_braces[1]:

انا حصل معايا موقف مشابه
مش كدة و بس دة العربية اتعلقت على الرصيف و مرضيتش تتحرك وخليت عربية نقل تشدني رغم خطورة دة لان العربية كانت بتحك في الرصيف بس الوقت كان متأخر و في منطقة مقطوعة انا كنت عايز امشي و بعد كدة يحصل اللي يحصل (على فكرة العربية النقل وقفو معايا اكتر من نص ساعة يحاولوا يطلعو العربية بدون شد لكن مفيش فايدة فاضطرينا نشدها )
الحمد لله محسيتش بأي حاجة غريبة و خليتهم يبصو عليها في التوكيل قالولي في اثر حكة لكن مفيش حاجة اتأثرت
ان شاء الله تكون معاك كدة

الف سلامه عليك يا محمود و قدر الله و ما شاء فعل
العربيه مصفحه حلو من تحت بصراحه و طالما مفيش حاجة و الدنيا كويسة استني لما تروح التوكيل و خليهم يبصوا بصة كويسة عليها علشان محدش يفتي و يطلعلك القطط الفطسانه

حمداً لله على سلامتك يا محمود
والحمد لله إنها جت سليمة
على فكرة نفس الحركة دي كانت هاتحصل معايا على طرؤق اسكندرية يوم الخميس اللي فات وكانت الساعة 8 الصبح :(
كنت معتمد بشكل كبير على خطوط الأرض وفجأة ملقيتهاش ولقيتني واخد الرصيف في حضني بس ربنا سلّم وفرملت على آخر لحظة.

بانتهز الفرصة وأسلم برضة على dr_druggist وأقول له حمداً لله على سلامتك بعد الغيبة الطويلة :)

شوف ياأخي محمود
روح لواحد بتاع زوايا عجل ويبص على الأتي
المقصات لو معوجة - الميزان والمسمارين بتوعه - بارات الدركسيون لومعوجة - القنطرة يبص على مكان الخبطة وربنا يسترها عليك

الف حمد لله على سلامتك ...بجد اول اما قريت العنوان قلبى وقع فى رجلى

يابنى طالما مش حساس باى تغيير او اى صوت يبقى متشغلش بالك اساسا

الف سلامة يا محمود وحاول تبعد عن الشبورة اليومين دول وربما يستر
والحكة دي تحس انها صاج ولا فيبر.
يعني يمكن الاكصدام او الدلاية .

محمود باشا ازيك اتمنى تكون دائما بكامل الصحه والسعاده,انا اسف معنديش خبره فى الحجات اللى بتتكلم فيها بس مقدرتش بصراحه اعدى على موضوعك من غير مااتمنى لك ان الموضوع يعدى على خير واهم حاجه طبعا انك سليم وبخير
تقبل مرورى وتحياتى

ربنا يخليكم ليا جميعاَ و يقدرني علي رد جمايلكم و المشاعر الجميلة دي
الحمد لله فعلاَ مفيش حاجة حصلت واضحة سوي حاجة لسة واخد بالي منها .. الكارتيرة وقعت .. انا زهقت من الكارتيرة دي بقي هوديها التأمين .

انامن ساعت الدلايه ما وقعت وانا كل يوم قبل مركب العربيه بلف على الاربع رفارف واطمن على الكارتيرات والكليبسات بتاعتهم واللي خارج بره بعدله او كلبس عايز يتغير بغيره(انا مالي الطفايه كليبسات استبن) وبعد كل مشوار او سفر او طريق مكسر بطمن عليهم تاني هعمل ايه بس حاجه تقرف بس احسن ما تضيع واشتريها من التوكيل ب 100 جنيه :)

اقتباس:

---

المشاركة الأصلية كتبت بواسطة motorizer

ربنا يخليكم ليا جميعاَ و يقدرني علي رد جمايلكم و المشاعر الجميلة دي
الحمد لله فعلاَ مفيش حاجة حصلت واضحة سوي حاجة لسة واخد بالي منها .. الكارتيرة وقعت .. انا زهقت من الكارتيرة دي بقي هوديها التأمين .

---

حضرتك تقصد بالكارتيرة غطاء الزيت اللى من تحت ؟ طيب دى مشكلة كبيرة ؟ قدر ولطف والحمد لله

لا يا دكتور محمود
محمود يقصد الكارتيره اللي بتبقى في الرفرف من جوه عشان الطين
مش كارتيره الزيت

بالزبط يا دكتور زي ما شريف قال .. الكارتيرة اللي بتحجز الطين هي اللي وقعت .. مع إن لسة مغير بتاعة الزيت برضه خدت خبطة و نشعت .. غيرت كل كارتيرات العربية :d

اقتباس:

---

المشاركة الأصلية كتبت بواسطة slim_shika

يا أخي شيل الزفت اللي إنت حطه على الشنطة ده .:e_braces[1]:

---

ايه بقى موضوع الزفت ده اللي فى شنطة العربية اللى عامله المشاكل دى
الف حمدالله علي سلامتك اخى محمود اطمن طالما مافيش حاجة
وبعدين لو عايز تشوفها انا اعرف واحد بتاع ظبط زوايا معرفة شخصية موجود فى اكتوبر فى بنزينة التعاون لو عايز اروح معاك قولى وانا اقابلك ونروحله يشوفها من تحت وانت كمان تطمن عليها بنفسك
وان شاء الله خيرا

اقتباس:

---

المشاركة الأصلية كتبت بواسطة hhhmmmzzzz

ايه بقى موضوع الزفت ده اللي فى شنطة العربية اللى عامله المشاكل دى

---

فينك يا أستاذ هاني, يا ليك وحشة واللهِ..:Y_hi_3[1]:
هو عارف أنا بأتكلم على إيه ...ولما كنا في الرحاب قلتله شيله , ساعة الخرم الغريب اللي كان في الكاوتش بتاعه..:shyy:

متقوليش يا سليم ا قصدك على علم مصر :)
ولا هو شاله ولا ايه

يا مستر بمية أنا هقوله شيل علم مصر برده..:shyy: لأ ده حوار تاني..:)

وانت والله ياشيكا ليك وحشة كبييييييييييييييييييييييي ييييييييييييرة قوى
انا عرفت ان يمكن تتقابلو يوم الجمعة فى المعرض باذن الله هحتاول اجى
انا مفتقدكو كلكم ومش عارف انتو عملتو ايه اليومين اللي فاتو
بس والله مايشدنى عنكو الا للشديد القوى وراجع اتابع معاكو قريب

واللة و انت كمان يا هاني ليك وحشه و معزتك عندي ربنا اللي يعلم بيها :)
حاول تييجي كده ، ده هيبقي يوم جامد شاكله ؛)