حد يقدر يقولى اشترى زجاج امامى للماروتى من اين و بكام و بسرعة لانى محتاج العربية فى مشوار بكرة و ضرورى اركبه لانه اتكسر النهاردةو انا فى الهرم لو حد قريب فى الهرم يكون احسن
عرض للطباعة
حد يقدر يقولى اشترى زجاج امامى للماروتى من اين و بكام و بسرعة لانى محتاج العربية فى مشوار بكرة و ضرورى اركبه لانه اتكسر النهاردةو انا فى الهرم لو حد قريب فى الهرم يكون احسن
خلاص يا جماعة اشتريته من محل اسمه زجاج الحرمين فى فيصل طريق الدائرى
سعر الدوبلكس بتاع د جريشة بالتركيب 250 جنية و الابواب ب 110 و الخلفى 180 و الخلفى الصغير 70 جنية
ياريت ياباشا توصف المحل فين بالضبط يعنى مثلا اوصله ازي من مريوطيه مثلا؟اقتباس:
المشاركة الأصلية كتبت بواسطة aymanay32
ويعنى ايه دوبلكس جريشة دة؟ و250 دة امامي بشماسه ولا سادة
الابواب الباب الواحد ب 110ولا الاربعه ب110
والخلفي صغير قصدك ع الهويات الجنب ب70 ولا الجانبين
والخلفي الكبير يوجد بيه شرائيط حراري ولا سادة؟
وتسلم وكله للمعرفه لان معلومات دي هتنقل لموضوع بنجمع فيه اسعار قطع غيار العربية كلها؟
وقدر الله وماشاء فعل
المحل و انته ماشى فى فيصل بعد المريوطية كأنك رايح اخر فيصل تلاقى اول شارع يمين بناع النفق تمشى ثلاث دقائق تقريبا تلاقى المحل على اليمين اسمه زجاج الحرمين و رقم الموبايل بتاعه على المحل رقم 0101203544 بس ما تشتريش بالسعر دة 250 جنية للزجاج الامامى لانه ممكن تفاصل كمان لان صديق لى قاللى هما بيكسبوا فى الزجاج كثيرا جدا لانه عرضة للكسر فنسبة الربح كبيرة جدا و ممكن تقوللى و انته رايح اجى معاك افاصل ك و سعر الشباك بتاع الباب دة بتاع الفردة الواحدة مش الاثنين و دوبالكس د جريشة يعنى طبقتين زجاج و بينهم طبقة بلاستيك عشان لما يتكسر فى حادثة او طوبة ما ينزلش عليك فتافيت و يعورك انته و اللى راكبين فى العربية و ما يوقعش رايش جوه العربية و بيفضل متماسك حتى بعد فكه من العربية و الزجاج الخلفى نسيت اشال بالحرارى ولا لاء لانى فاصل الحرارى لانهم قالولى لو نسيته شغال بيقرقع الزجاج و الامامى دة بشماسة لونها قريب من الاسود و علية استيكر الضمان الفضى بتاع مصنع الدكتور جريشة
يتسلم ياايمن ع العوان عرفته
بس دلوقت اللى عايز افهم بالضبط
سعر الهويتين اللى فى الجنب الواحد كام ؟
وكل زجاج باب خلفى وامام فى الجنب الواحد كام؟
وعرفت ان برابيز خلفي ب180 والامامي 250 ومممكن الفاصل معه لحد كام مثلا ؟ سوري للاطاله معلش بدال بتقول انه صحبك لان كدة ممكن نعمل ديل معه لكل الشباب هنا لاي كسر لاقدر الله فى زجاج عربيتهم فاهمني
الهوايه الواحدة ب 70 جنية
وممكن تفاصل معاة و تنزل الثلث
مصنع د/ جريش بتاع الزجاج عندنا فى العاشر من رمضان ان شاء الله هروح قريبا اعرفلكم الاسعار فى المصنع للزجاج بتاع الماروتى كام بالضبط ونعرف فرق السعر بينه وبين التجار كام علشان لو الفرق كبير يبئا تجبوه من المصنع افضل وتوفر فلوسك
http://www.nilemotors.net/Nile/image...um1%5B1%5D.gif والكل فى انتظاركاقتباس:
المشاركة الأصلية كتبت بواسطة MOSHAKS
فين اسعار المصنع
اسف على التاخير لظروف العمل انهارده كنت فى المصنع وسئلت على الزجاج للماروتى والمهندس اللى هناك قالى فى نوعين واحد بيركب على كاوتش وواحد بيركب لزق انت بتسأل على انهى واحد
وطبعا انا معرفش احنا عايزين انهى واحد واحد فئولت هتأكد وائولك
واخدت ارقام التليفونات بتاعت المصنع للى يحب يستفسر عن اى شئ
د/جريش للزجاج بالعاشر من رمضان
مفتاح العاشر من رمضان 015 قبل الارقام الاتيه /
410003
410004
410005
410007
410008
الماروتى بييركب على كاوتش مش لزق