عرض للطباعة
السلام عليكم ورحمة الله وبركاته
الاساتذة الكرام انا عربيتي لانوس 99 عاملة 145000 لما بتنور لمبة البنزين بسرعة القي العربيةمش بتمشي لما ادوس بنزين و الاقى تخبيط في الجنب اللى على يمين السائق ارفع رجلى من على البنزين و ادوس كام مرة تمشي شوية (كام متر )و بعدين تتكرر العملية علما اني حطيطها على الاسكنر و كله تمام علما ان المؤشر بيكون مابين العلامتين اللى تحت
يا تري دة يكون اية برجاء من الاساتذة اصدقائي في المنتدى و اسمحولى ان اقول اصدقائي ان يدلوني ماذا افعل وما السبب
وشكرا ليكم
وائل ربيع الفيوم
ياريت يا أستاذ وائلاقتباس:
و اسمحولى ان اقول اصدقائي ان يدلوني ماذا افعل
بما أننا أصدقائك
تشرح الوضع بصوره أدق
وهل تقصد لمبة بيان الأعطال لأنك كاتب لمبة البنزين
وأعتقد أنك تقصد لمبة الأعطال بلاشك
وهل هذا مؤشر البنزين ....أم ماذااقتباس:
علما ان المؤشر بيكون مابين العلامتين اللى تحت
اولا شكرك جدا لرد حضرتك
لاء مش لمبة التشيك
لمبة علامة البنزين
مؤشر البنزين لما يوصل الى مابين الشرطة احمرا و الشرطة اللى قبلها تنور لمبة علامة البنزينة و بعد كدة تبدا العربية في خبط جامد من ناحية تانك البنزين و العربية تمشي مترين و تقف و بعد المعافرة معاها تمشي مترين و هكذا
و شكرا
موضوعك ده
ليه علاقه بمستوى البنزين فى التنك
فهل الوضع اللى بتقول عليه بيبقى موجود
والتنك مليان
أو المؤشر فى النصف مثلا
لاء خالص العربية لما بفول بتكون ناعمة جدا و التانك بيوصل للاخر عادي بس ساعات يعلى و يوطي سنة صغيرة يعني تحت اول علامة من فوق ينزل سنة ثم يرتفع تاني
يبقى كده مشكلتك فى أيه
حساس مستوى البنزين فى التنك
مش مظبوط وبيضلل قياس البنزين
وبكده ممكن العداد يديك بيان أن العربيه لسه فيها بنزين
وفى الحقيقه هى مفيهاش بنزين
والطلمبه عماله تشد من الرواسب اللى فى التنك
وده اللى بيخللى المكنه بتشتغل وتبطل وتخبط معاك
فحاول أن البنزين دايما يكون بزياده فى التنك
على ماتغير حساس مؤشر البنزين
مع اني حطيت العربية على الاسكنر و قالى العربية تمام و الحساسات تمام
طيب هو الحساس دة بكام و فية منه مستعمل و اسعارهم اية و شكرا ليك انا طولت عليك يا سمير باشا
هو مش حساس بالمعنى المقصود
دى كارتة مقاومات ( شريحه معينه)
مقاومتها داخله على التوالى ( كتوصيل كهربى )
مع العداد
كل ما العوامه تنزل
تتغير قيمة المقاومه الكليه ( مقاومة العداد + مقاومة الشريحه )
لأن قيمة مقاومة العداد قيمتها ثابته
بس اللى بيتغير قيمة مقاومة الشريحه مع نزول عوامة البنزين نتيجة الأستهلاك
علشان كده ملهاش أى علاقه بوحدة التحكم
وبالتالى الأسكانر مش حيبين حاجه بخصوص الكارته دى
والتغيير فى المقاومه الكليه ده
هو اللى بيغير وضع مؤشر البنزين على عداد البنزين
والكارته دى فيه منها جديد وبتعملها حوالى 60 ج
الله يفتح عليك يا باشا
طيب معلش بالمناسبة الميكانيكي قالى يكشف على طلمبة البنزين ممكن تكون راكنة من الوساخة الكلام دة منطقي ولا اية رايك وشكرا مرة تانية
لا سيبك من كلامه
طالما آداء العربيه بيبقى تمام
والتنك فيه بنزين كويس
يبقى الطلمبه كويسه
وكده كده حتشوفها
وأنت بتغير كارتة المقاومات
مش هقول جديد لان الناس قالت كل حاجه بس انا شخصيا مش بخلى البنزين ينزل عن النص علشان البنزين فى مصر مش نظيف اساسا يعنى بلاش تخليه يوصل للاخر كدا غلط خالص
شكرا ليك يا بشمهندس سمير
الله يخليك
وبالتوفيق
شكرا ليك بس انا مش بخلية ينزل عن النص بس انا حبيت اعرف هودة عيب في العربية و لا لاء و شكرا ليكاقتباس:
المشاركة الأصلية كتبت بواسطة scws
الحمد لله على صفاء الجو بينك وبين الباشمهندس سمير بعد موضوع
انا ليه فى الفيومى
المهم
انت كدة لازم تفك فلتر البنزين وتنضفه
ولازم تفك طلمبه البنزين وتنضف الفلتر بتاعها
ولو ممكن تخلي الميكانيكي ـ لو الميزانية تسمح ـ يفك لك تانك البنزين وينضفه كله من الوساخة اللي مترسبة فيه ، متهيألي يكون أفضل..
طالما مستوى الرواسب عندك كتير بالشكل ده .
أنت بتكلم مين ياحج / حساماقتباس:
الحمد لله على صفاء الجو بينك وبين الباشمهندس سمير بعد موضوع
انا ليه فى الفيومى
يا باش مهندس دا موضوع قديم .. السيد العضو الفاضل زعل عشان احنا ـ على حد قوله ـ بنتمسخر بالفيوم .. والإخوة هنا ـ وأنا منهم ـ فهمناه إننا هنا إخوات وهزارنا بريء ومانقصدش إهانة حد .. بس الظاهر حضرتك ماحضرتش الموضوع دهاقتباس:
المشاركة الأصلية كتبت بواسطة samirayad
جايز ياحمواقتباس:
بس الظاهر حضرتك ماحضرتش الموضوع ده
أصل الحاسه السادسه عندى بتقول حاجه تانيه
فأما نصبر ونشوف
منين يودى على فين
وعلى رأى أبله نظيره
بكره البركه تنشف ....وتبان زقازيقها
بس الجو شتا اليومين يا باش مهندس .. دي هاتبقى مستنقع ..اقتباس:
المشاركة الأصلية كتبت بواسطة samirayad
(بالمناسبة .. أنا سألت مراتي ـ عشان هي من بحري ـ يعني إيه المثل ده !)
يا ترى الحاسة السادسة بتقول إيه ؟ :U_thin1[1]::36_1_35[2]:اقتباس:
جايز ياحمو
أصل الحاسه السادسه عندى بتقول حاجه تانيه
:3_3_102[1]:اقتباس:
يا ترى الحاسة السادسة بتقول إيه ؟ :u_thin1[1]::36_1_35[2]:
دى حاسه ياحمو
ماتتوصفش
إلا أما تبقى حقيقه
قال الله تعالى
إن بعض الظن إثم
صدق الله العظيم
اقتباس:
المشاركة الأصلية كتبت بواسطة samirayad
اقتباس:
المشاركة الأصلية كتبت بواسطة samirayad
هو صحيح " يا أيها الذين آمنوا اجتنبوا كثيراً من الظن إن بعض الظن إثم.." وكمان الحديث بيقول " التمس لأخيك عذراً من سبعين عذر فإن لم تجد بعد السبعين .. عذراً ، فقل .. لعل هناك عذراً لا أعرفه "...
بس برضه ...... سوء الظن من حسن الفِطَن !
نعماقتباس:
بس برضه ...... سوء الظن من حسن الفِطَن !
المؤمن كيس فطن
ممكن يا باش مهندس تردي علي في الموضوع ده .. حاجة عالسريع كده
http://www.nilemotors.net/Nile/11669...post3872269983
شايفه قبل كده فعلا ياباشا
وححاول أرد على قدر ما أستطيع
على ما محمد يكمل أو يأكد على قولى أو يصححه
وياريت برضه تبقى تقولى
أنت بتعمل الدواير والأرقام أزاى على الصوره
هل من خلال برنامج ال paints
أصل محسوبك مش مخربش قوى فى الأمور الكمبيوتريه
اقتباس:
المشاركة الأصلية كتبت بواسطة samirayad
فعلا يا باش مهندس .. باعملها ببرنامج الـ paint العادي .. مع إن في الـ photo brush والـ photo shop وغيرهم .. بس دي أسرع طريقة .اقتباس:
المشاركة الأصلية كتبت بواسطة samirayad
باختار شكل النجمة اللي على الشمال من فوق ده وبعدها اللون والسُمك .. وبعدها الـ a الكابيتال وأختار مكان الكتابة جوه الدائرة .. وأحفظ الصورة .. و.. وبس !
أشكرك ياباشا
وإن شاء الله أبقى أحاول مع الأمور دى
لأنى واخد الكمبيوتر بالأجتهاد
ولسه ماسك الفاره من سنه ونصف تقريبا
وكله بالجهود الذاتيه
يا باشا حضرتك الخير والبركة .. وعمنا كلنااقتباس:
المشاركة الأصلية كتبت بواسطة samirayad
الله يخليك
الموضوع مافهوش تعكير بس انا كنت بتكلم على مبدا معاتبةناس اعتز بيهم و مش عاوز اخسرهم و ان الفيوم من مصر برضة و بيتكلموا عربي على العموم حصل خيراقتباس:
المشاركة الأصلية كتبت بواسطة hosamdaewoo
على العموم شكرا ليك يا حمو و ترجع لنا بالسلامة من الكويت
فعلا مفيش غير كل خيراقتباس:
المشاركة الأصلية كتبت بواسطة wlelw2003
بس أنا عاوز أعرف
دخلى أيه بالموضوع
وفين الموضوع اللى كان مزعلك ده
وخللى بالك أنا فاكر
أن / حسام
كان بيسئلنى تقريبا
أنت بتعرف روسى ولا بلغارى
فقولتله فعلا أنا مليش فيهم
بس ليا فى الفيومى
على سبيل الدعابه وليس على سبيل السخريه
وبالنسبه للفيوم
فهى من أجمل المحافظات التى زرتها ....وناسها طيبين جدا ....وأخوتنا فى مصر
ولا سبيل لكلام / حسام هذا
أن كان هذا مقصده
وعاوزك تخللى بالك من اللعب اللى تحت الترابيزه
أصل الدنيا مليانه
ناس بتحب تصطاد فى الماء العكر
ومفكرين أنفسهم أذكياء
على فكره أنا بأتكلم بشكل عام
علشان محدش يفهمنى غلط
بس أخوك معلم فى الأفلام دى
وأساسا ....أنا مألفها من زمان ( الأفلام يعنى )... ...وعاملها مونتاج ومكساج ودبرياج
يا باشمهندس حصل خير و على فكرة انا كنت اقترحت ان المقابة الجاية تكون عندنا في الفيوم الجو رائع و اهو تشرفونا
الله يصلح حالك
ويشرفنا التعرف عليك
وزيارة الفيوم مره أخرى
أن أراد المولى سبحانه وتعالى