يا ريت تفسير لما يحدث لما تنور لمبة البنزين

**wlelw2003** · 08-01-2010 09:42 PM

السلام عليكم ورحمة الله وبركاته
الاساتذة الكرام انا عربيتي لانوس 99 عاملة 145000 لما بتنور لمبة البنزين بسرعة القي العربيةمش بتمشي لما ادوس بنزين و الاقى تخبيط في الجنب اللى على يمين السائق ارفع رجلى من على البنزين و ادوس كام مرة تمشي شوية (كام متر )و بعدين تتكرر العملية علما اني حطيطها على الاسكنر و كله تمام علما ان المؤشر بيكون مابين العلامتين اللى تحت
يا تري دة يكون اية برجاء من الاساتذة اصدقائي في المنتدى و اسمحولى ان اقول اصدقائي ان يدلوني ماذا افعل وما السبب
وشكرا ليكم
وائل ربيع الفيوم

**samirayad** · 08-01-2010 10:39 PM

و اسمحولى ان اقول اصدقائي ان يدلوني ماذا افعل

ياريت يا أستاذ وائل
بما أننا أصدقائك
تشرح الوضع بصوره أدق

وهل تقصد لمبة بيان الأعطال لأنك كاتب لمبة البنزين
وأعتقد أنك تقصد لمبة الأعطال بلاشك

علما ان المؤشر بيكون مابين العلامتين اللى تحت

وهل هذا مؤشر البنزين ....أم ماذا

**wlelw2003** · 08-01-2010 10:47 PM

اولا شكرك جدا لرد حضرتك
لاء مش لمبة التشيك
لمبة علامة البنزين
مؤشر البنزين لما يوصل الى مابين الشرطة احمرا و الشرطة اللى قبلها تنور لمبة علامة البنزينة و بعد كدة تبدا العربية في خبط جامد من ناحية تانك البنزين و العربية تمشي مترين و تقف و بعد المعافرة معاها تمشي مترين و هكذا
و شكرا

**samirayad** · 08-01-2010 10:50 PM

موضوعك ده
ليه علاقه بمستوى البنزين فى التنك
فهل الوضع اللى بتقول عليه بيبقى موجود
والتنك مليان
أو المؤشر فى النصف مثلا

**wlelw2003** · 08-01-2010 11:06 PM

لاء خالص العربية لما بفول بتكون ناعمة جدا و التانك بيوصل للاخر عادي بس ساعات يعلى و يوطي سنة صغيرة يعني تحت اول علامة من فوق ينزل سنة ثم يرتفع تاني

**samirayad** · 08-01-2010 11:19 PM

يبقى كده مشكلتك فى أيه
حساس مستوى البنزين فى التنك
مش مظبوط وبيضلل قياس البنزين
وبكده ممكن العداد يديك بيان أن العربيه لسه فيها بنزين
وفى الحقيقه هى مفيهاش بنزين
والطلمبه عماله تشد من الرواسب اللى فى التنك
وده اللى بيخللى المكنه بتشتغل وتبطل وتخبط معاك

فحاول أن البنزين دايما يكون بزياده فى التنك
على ماتغير حساس مؤشر البنزين

**wlelw2003** · 08-01-2010 11:23 PM

مع اني حطيت العربية على الاسكنر و قالى العربية تمام و الحساسات تمام
طيب هو الحساس دة بكام و فية منه مستعمل و اسعارهم اية و شكرا ليك انا طولت عليك يا سمير باشا

**samirayad** · 08-01-2010 11:30 PM

هو مش حساس بالمعنى المقصود
دى كارتة مقاومات ( شريحه معينه)
مقاومتها داخله على التوالى ( كتوصيل كهربى )
مع العداد

كل ما العوامه تنزل
تتغير قيمة المقاومه الكليه ( مقاومة العداد + مقاومة الشريحه )
لأن قيمة مقاومة العداد قيمتها ثابته
بس اللى بيتغير قيمة مقاومة الشريحه مع نزول عوامة البنزين نتيجة الأستهلاك

علشان كده ملهاش أى علاقه بوحدة التحكم
وبالتالى الأسكانر مش حيبين حاجه بخصوص الكارته دى

والتغيير فى المقاومه الكليه ده
هو اللى بيغير وضع مؤشر البنزين على عداد البنزين

والكارته دى فيه منها جديد وبتعملها حوالى 60 ج

**wlelw2003** · 08-01-2010 11:36 PM

الله يفتح عليك يا باشا
طيب معلش بالمناسبة الميكانيكي قالى يكشف على طلمبة البنزين ممكن تكون راكنة من الوساخة الكلام دة منطقي ولا اية رايك وشكرا مرة تانية