الموضوع: رينو و داتسون تنقذ اوتو فاز

يا باشمهندس سبعاوى شكرا لكلامك بس ليه حكاية الضغط و جلطة فى الشريان او تزعل لنفسك احنا مش فى المنتدى علشان نزعل نفسنا يا احسن بلاش المنتدى خالص .. اذا كانت بعض الاراء لا تعجبك فاتكل على الله و قول رأيك و اللى يقتنع يقتنع و اللى مش موافق هو حر فى رأيه و المهم
رأيك يوصل للجميع ..
لا احد يجادل فى ان الاوضاع فى روسيا تدهورت فى ظل الشيوعية و هى تتغير الان لكن لا ينبغى المبالغة فى الحديث عن هذه الدولة العظمى كما لو كانت دولة متخلفة ( قال يعنى !! ) كما يفعل البعض لانها دولة متقدمة جدا شئنا ام ابينا فى مجالات كبيرة و كثيرة و اهملت صناعة السيارات اكتر من 50 سنه و لو ذهبت الى موسكو سوف ترى ان مترو الانفاق بها تحفة معمارية تفوق مترو باريس و طبعا لندن و ساعدونا فى السد العالى و غيره ..و ليس عيب ان تأخذ روسيا بالتكنولوجيا اليابانية او غيرها فى مجال السيارات و الجميع اليوم بما فيها الدول المتقدمة تتبادل الخبرات و التكنولوجيا فى هذا المجال و اليابان نفسها تأخذ بالتكنولوجيا الامريكية و الاوربية فى كثير من المجالات .
و انا اعلم ان روسيا تصنع مثلا حاليا السوناتا و قريبا الاوكتافيا و اعتقد فى خلال سنوات قليلة ممكن تصبح من اهم صانعى السيارات فى العالم و الى عايز يشترى عربيه يروح يدور ع الروسى الاغلى من اليابانى ( سبحان الذى يغير و لا يتغير ! )..و حكاية البيض ده اعتقد انها مش موجودة الا فى بعض الموديلات و ليست كلها ..

انا لست ضد اليابان و السيارات اليابانية لكن مش درويش فى محرابها و كما تصنع اليابان سيارات جيده ممكن تصنع ايضا شئ غير جيد .. و الداتسون بالذات كان يتم انتاجها قبل الطفرة التى حصلت للصناعة اليابانية لاحقا و ليس معنى ان نيسان استحوزت عليها فيمكنا مقارنتها بسيارات النيسان الحالية بل استحواذها يدل على انها كانت شركة واقعه ! .. و الداتسون بتفكرنى بالهونداى بونى حينما كانت كوريا فى بدايتها .. و لو قارنت سيادتك سيارة داتسون او بونى بلادا منتجة فى نفس العام ستجد فارق لصالح اللادا.. طبعا سيادتك لا توافق على ذلك و هذا رأيك و بعدين اعيد تكرار مسألة عدم جواز مقارنة عربيات من فئات سعرية مختلفة It Is Not Fair

بالنسبة لموضوع الصلب الروسى فأنا مش خبير كى اقول رأى عن غير علم لكن حتى لو الصلب اليابانى جيد فليس بالضروره كل شركات اليابان بتستخدم نوعية من الصلب اليابانى الجيد و ممكن شركات تستخدم مكونات مستورده من دول فقيرة لتخفيض نفقات الانتاج .. ثم اخيرا لماذا اللادا تتحمل الصدمات افضل من اليابانى ؟؟! و مهما قال موقع euroncap او غيره فانا امامى الواقع ! و تحياتى .

المشاركة الأصلية كتبت بواسطة فادى

اتلم المتعوس على خايب الرجا.
رينو و نيسان شركتين من المستوى الثالث.
لادا سيارة روسية شعبية صنعت لتكون رخيصة فقط و هى أفضل قليلا من الرينو و النيسان و لكنها حضيض الصناعة الروسية.

شكرا يا أحمد باشا على الأخبار و المجهود

و بالنسبة للكلام الأتى:

سيارات لادا أفضل قليلا من رينو و نيسان على الرغم من إنها حضيض الصاعة الروسية

رينو و نيسان شركتين من المستوى التالت و لادا طبعا من المستوى الأول

صبـــــــــــــــــرنا يـــــــــا رب

قبل أما أقرأ رد سبعاووي جالي نفس الشعور بتاعك يا سبعاووي و أكتر
كانت بعض الردود حقيقة مضحكة في الأول ( إزاي يعني تحت أي مقياس نقدر نقول إن مواتيير 128 معمرة بلاش إزاي تحت أي مقياس نقول إن لادا ممكن تفيد نيسان أو رينو بلاش هو مين إلي بيجري وراء مين نيسان وراء لادا و لا لادا وراء نيسان)
لادا شركة روسية تهالكت كما تهالكت روسيا بشكل عام

بعد أما قرأت رد سبعاووي أنا شايف إن ردود الأخ الكريم ( أبو علي ) مجرد ردود جدلية لا أكثر و لا أقل
أنا شايف إن المنتدى فعلا بدأت تفقد كثيير من الموضوعية و الكلام العلمي المنطقي



ملاحظة جدلية للأخ أبو علي : نعم روسيا من دول العالم العظمى لكن حاليا على مستوى السلاح و انتاج الطاقة
كفاية إن حضرتك تعرف إن كان في اتجاه لإخراج روسيا من منظمة التجارة للدول السبع الكبار و إدخال الصين بدلا منها

المشاركة الأصلية كتبت بواسطة محمدايهاب

بعد أما قرأت رد سبعاووي أنا شايف إن ردود الأخ الكريم ( أبو علي ) مجرد ردود جدلية لا أكثر و لا أقل
أنا شايف إن المنتدى فعلا بدأت تفقد كثيير من الموضوعية و الكلام العلمي المنطقي


ملاحظة جدلية للأخ أبو علي : نعم روسيا من دول العالم العظمى لكن حاليا على مستوى السلاح و انتاج الطاقة
كفاية إن حضرتك تعرف إن كان في اتجاه لإخراج روسيا من منظمة التجارة للدول السبع الكبار و إدخال الصين بدلا منها

احنا بتوع الجدل! ياريت يا سيدى نتعلم الجدل .. لان من يجادل على الاقل يحاول ان يفكر و احنا بقينا بتوع " لا تجادل يا اخ على " !
بس قوللى سيادتك فين هو العلم و المنطق فى مصر المحروسة ؟؟ فى اى مجال ؟ .. المشكلة فى
مصر ان مفيش حد بيؤمن بالعلم الا الاستثناء .. نجرى ورا الدجل و الخرافة و الهمبكة و بدل ما نقلد اوربا و الدول المتقدمة اصبحنا
نتبع السعودية او ما سماه استاذنا سبعاوى شرق البحر الاحمرسواء فى السياسة او الفكر او العادات و التقاليد و غيرها ! و اصبحنا امه لا تفكر و لا احد يحترم رأى حد ولا حد عايز يفكر ا و لا احد يقبل رأى جديد فى اى مجال رغم ان الحلول التقليدية لم تعد تنفع .. يا سيدى مع الاسف ميزانية البحث العلمى فى اسرائيل الدوله الصغيره اللى سكانها يقل عن نصف عدد سكان مدينة القاهرة فقط تزيد عن ميزانية البحث العلمى فى العالم العربى كله من الخليج للمحيط !
حتى دول الخليج الثرية جدا جدا تصرف بسفه على اى شئ الا العلم ! سيادتك بتتكلم عن العلم لكن مش بتقول كلام علمى !ا .. بتقول انطباعات عامة ..طيب لوانا قلت ان العربيات اليابانية روعه و خرافه اكون بتكلم كلام علمى و تتبسط منى ؟؟
هل ده يبقى كلام علمى ؟!!! طبعا اليابان متفوقة على روسيا فى مجال السيارات و انا قلت ان روسيا اهملت صناعة السيارات اكتر من 50 سنه للظروف السياسية و مش مفترض ان الدولة اللى مش بتنتج طيب سيارات تبقى متخلفة فى دول كتير متقدمة جدا لا تنتج سيارات اطلاقا مثلا هولندا - الدنمارك - ايرلندا - النمسا - كندا الخ و ذلك لا يعيبها.. انا لم انتقد السيارات اليابانية كلها انا فقط تكلمت عن الداتسون القديمة و قلت ان الانتاج اليابانى تقدم كثيرا بعد ذلك و انا مش برفض العربيات اليابانى على الاطلاق زى الاخ فادى ... غلطنا فى البخارى ؟!

و مره اخرى انا قلت ان اللادا عربية متينه بالنسبة لسعرها و قطع غيارها و سهولة اصلاحها و تتحمل اكثر من غيرها الخبط و الرزع
و عملية فى شوارع القاهرة و لم اقل ان موتورها افضل من التويوتا او اللانسر و غيرها من اليابانى الحالى و للمره الالف لا يجوز مقارنة
سياره تكلف انتاجها 3000 دولار بسيارة تتكلف 20000 دولار و اكتر !!!!

اما حكاية ان روسيا كانوا حيطرودوها من منظمة السبعة الكبار و يدخلوا الصين بدلها فانا مش عارف انت جايب الكلام ده منين فانا متابع جيد جدا للسياسة الدولية و لم اسمع هذا الكلام بل العكس فاقتصاد الروسى يتقدم بسرعة عالية جدا فى السنوات الاخيرة و افضل مما كان متوقع بكثير .. و بعدين دخول الصين لهذا التجمع لا يعنى اخراج روسيا او اى بلد اخر !!!!!!!!!!!

الاخ الفاضل شاركى .. يا سيدى ماتزعلش الرينو احسن عربيه فى الدنيا بس انا خايف اللوبى اليابانى يزعل منك !!!!!!

لأ حضرتك كان في اتجاه لإخراج روسيا فعلا (ده كلام مش من عندي)
بعدين حضرتك ممكن تبص لردودك حضرتك قلت لادا تفيد رينو ( ودي النقطة إل عليها الكلام) لادا لا يمكن إنها تفيد رينو
بعدين مفيش حاجة اسمها ياباني حلو و كوري وحش انا معاك
بس نيسان حلوة و لادا معفنة
كمان أنا شخصيا مش من اللوبي الياباني