عرض للطباعة
السلام عليكم ورحمة الله وبركاتة
العربية عندى استهلاك البنزين فظيع يعنى بتعمل 100كم فى الصفيحة بالرغم انى لسة عامل عمرة وعاملة حوالى 5000كم من بعد العمرة والموتور حالتة والحمد لله ممتازة وبينقط مية كتير والميكانيكى قالى ان الحرق كويس والبوجيهات سليمة
وباستمرار بشم ريحة غريبة مش عارف اذا كانت ريحة بنزين غريب ولا اية بالظبط
وبتظهر لما اسحب واكبس بنزين اكتر
ياريت يا جماعه تفيدونى بمعلوماتكم وخبراتكم وجزاكم الله خيرا
اية يا جماعه مافيش ردود لية
راجع علي التقسيمة وحساس الشكمان وحساس المانيفولد و كهربة العربية ككل علي فكرة بفرقو كتير جدا و عن تجربة ويفضل تعمل كشف علي العربية كومبيوتر
وعلي فكرة اية نوع الريحة اللي بشمها لما تشد
1- ريحة بلاستك محروق
2- ريحة دخان حريق
3- ريحة شياط
الأولي
1- كابل كهربا مشيع وبيشرز وهو اللي عامل المشكلة
2- راجع علي الشكمان وشوف لو فية علبة مخرومة و برضة حساس الأكسجين
3- راجع علي الفرامل و علي كل تيل وخصوصا تيل العجل الخلفي
و اتمني اني ساعدتك علي قد خبرتي البسيطة
العربية كربيراتير مافيهاش حساسات خالص
ومراجع على الكهربه وطقم الكهربة جديد وكل حجه مظبوطه
والكربيراتير يابانى جديد من تلات سنين ماتفكش زى ماهو بنظفه باسبراى من غير مايتفك
ناقص اشوف التقسيمة يمكن تكون هى اللي عمله كده
لو امكن تشرحلى ازاى التقسيمة تعمل كده لو كانت مش مظبوطة يبقى كتر الف خيرك
فى حاجات بسيطة بس بتفرق جامد
1 حالة الكوتش عندك اية اخبرها والزوايا والاتزان
2 حاول تفضى شنطة العربية خالص و متخليش غير الاستبن والعدة مش اكتر من كدى
حالة الكاوتش كويس وجديد
بس العفشجى قالى انه الكاوتش لما يكون مريح على الارض شوية بيكون احسن للعفشة والاحساس بالمطبات وانا مخاليهم على 28 صيف وشتا
تقليل الضغط فى الاطار بيزود استهلاك البنزين
ويقصر عمر الاطار
28 معقول مش قليل انا بظبطه كده على طول
ولو مشكله تقسيمه كنت هتلاقى العربيه متبرجله ومش عارف تمشى بيها
ولو زوايا كنت هتلاقى العجل بيصرخ
بص على البوجيهات كده يمكن مش نضيفه .. هى برضو بعيده شويه بس يمكن
الميكانيكى قالى لو بتقطع او بتنتش يبقى بوجيهات وهى مش بتعمل كده خالص غير حاجات بسيطة
وكمان الشكمان بينزل ماية كويس يعنى الحرق سليم
انا مش عارف اية ممكن تانى يعمل كده
بس هى فية مشكلة تانى وعاوز اتأكد منها وهى الاسطوانه والدسك
العربية بتسحب كويس بس صوت الموتور بيعلى بدرى على كل غيار بس بيختلف من غيار للتانى
يعنى مثلا الاول اخرة 20 والتانى اخرة 40 والتالت من 60 الى 70 والرابع اخرة من 90 الى 100 ويكون جايب اخرة فى الصوت وحاسس انه هيفرقع
ياريت اللي عنده خبرة فى الكلام ده يفدنى
انا نفسى امشى بيها مستريح على الطريق من غير ما كون قارص على الموتور وتكون بتسحب كويس واستهلاك البنزين يكون معقول خصوصاً انى عامل عمرة وحالة لموتور كويسة جداً
متابع عشان عندي نفس المشكلة
شوف بيكات الكربراتير
ممكن يكونوا واسعين وهما اللي بيزودوا استهلاك البنزين
خليه يشيل العمة بس وما يفكش الكربراتير عشان لو اتفك مش هيعرف يرجعه تاني
هاتله 2 لتر بنزين وينظفهولك تنظيفة حلوة
ويشوف البيك نفسه ويجرب مقاس اقل
طيب الميكانيكى هيعرف ازاى ان البيكات واسعه او مظبوطه من غير ما يفك الكربيراتير؟اقتباس:
المشاركة الأصلية كتبت بواسطة tabeb
وخصوصاً ان الكربيراتير اشتريتة من حوالى اربع سنين ويابانى اصلى مافكتوش من ساعه ماجبتة
بس عموما حتى من قبل العمرة وانا ملاحظ انه مزود استهلاك البنزين عن الكربيراتير الاصلى بتاعها
بس ياريت توضحلى ازاى نعرف اذا كان العيب من بيكات الكربيراتير ولا لأ
انا اقصد انه ما يفكش الكربراتير اجزاء ويفك البيكات بس وهو راكباقتباس:
المشاركة الأصلية كتبت بواسطة mohamed777
(بيفك غطا العمة ويشيل فلتر الهوا والعمة بالخرطوم بتاعها)
هتعرف العيب انك لما تفك الكربراتير هتلاقي فتحة البيك واسعة عن المقاس الاستاندر بتاعها(دي يعرفها الميكانيكي)
او ان مقاس البيك اللي راكب واسع عن اللي المفروض يكون فيه
وبرضه بيشوف الاكس والباب اللي ممكن يكون فيه بوش
متااااااااااااااااااااااا ااااااابع
انا عندي بردوا نفس المشكله وعملت صيانة للكربراتير ونضفتوا وكله تمام بس لسه ريحت البنزين نص محروق بتظهر لما بفتح الشباك لدرجة ان عيني بتدمع ولما بقفل الشباك مفيش اي ريحه ولا اي حاجة والشكمان سليم
وعاوز اعرف هي المشكلة فين بالضبط
وهل المشكله في البوجيهات (حرق البنزين)
وصوت العربيه عالي
عموما انا هجرب واغير البوجيهات والسلك (ngk) بلاتنيوم لان الناس نصحوني بيها واشوف واقولكوا النتيجه.
بس مبدئيا هل البوجيهات تعمل كده ولا لا ؟.
انا عندى احتمال وهشوف لو كان ممكن يكون هو السبباقتباس:
المشاركة الأصلية كتبت بواسطة ahmed452003
وهو ضبط التكيهات والتقسيمة
انت نوع عربيتك اية؟
ياسلام لو الباشمهندس سمير عياد لو يلقى نظرة معانا فى المشكله دى
واخواتنا الكباربخبرتهم يساعدونا
انا نوع عربيتي لادا بس بعاملها كأنها bmwاقتباس:
المشاركة الأصلية كتبت بواسطة mohamed777
على فكرة انا غيرت البوجيهات والسلك بتاعها وصوت العربيه هدي شويه والسحب زاد
بس ريحة العادم راحت بس لازم اطلع بالعربية على طريق سريع واسحي بيها واكبس عليها شويه
واشوف الريحة راحت ولا لا.
عربيتى هيونداى اكسنت 98 اوتوماتكوبتستلك فى ال 80كم 20 لتر بنزين ومش عارف المشكلة الرشاشات ولا حاجة تانى
لسه الريحه زي ماهيا حد يدلني ويقولي ايه المشكلة وا:I_angr1[1]::I_angr1[1]::8954[1]::8954[1]:ايه الحل
احتمال يكون الاسبراتير متقدم و بيخلى الحرق اقل من الطبيعى و ده بدوره بيخلى استهلاك البنزين اكتر و العزم اقل
اخر الاسبراتير على السلانسيه و غير الابلاتين لو حسيت انها برجلت شويه لما يتأخر
و الله اعلم
منتظر ردك بعد التجربه
جميل جداًاقتباس:
المشاركة الأصلية كتبت بواسطة mego_gsm
بس ااخر الاسبيراتير ازاى؟
يعنى لما افك الصامولة الفه يمين ولا شمال؟ واد اية بالظبط؟
محمد عبدالرحمن باشا.
انت بتقول إنك آخر الثاني عندك 40؟؟
صوت الموتور ساعتها بيبقى عالي؟؟
وبالمناسبه انت ما غيرتش الديسك من ساعة العمرة؟
علشان أنا عندي الثاني ممكن يجيب لحد 60.
هى 40 على التانى عندى اخر المعقول وممكن يوصل لحد 50 و60 بس يبقى صوت الموتور خلاص هيولعاقتباس:
المشاركة الأصلية كتبت بواسطة thedeveloper87
ياترى بتعمل مع حضرتك كده ولا اية
وفعلا انا لسة ماغيرتش الديسك حتى الان بس ناوى قريب إلا أن شاء الله
هو الصوت بيبقى عالي طبعا بس مش لدرجة انه هيفرقع.
الحمدلله بعد ما غيرت طقم الدبرياج حسيت بفرق واضح
العربية بتجيب لحد ال 100 و أكتر بسهوله جدا بفضل الله.
ماشاء الله ربنا يباركاقتباس:
المشاركة الأصلية كتبت بواسطة thedeveloper87
حضرتك جبت طقم الدبرياج منين وصناعه اية وسعرة كام؟
وقبل تغيير طقم الدبرياج كانت بتجيب اد اية؟
الله يبارك فيك...اقتباس:
المشاركة الأصلية كتبت بواسطة mohamed777
بص ياباشا ، قبل ما غير طقم الدبرياج العربية كانت آخرها 100 بالعافيه.
العربيه كانت بتجري حلو قوي بس توصل لل 100 وتقفل على كده.
كانت بتجيب ال 100 بالعافية شوية.
الحمدلله عملت عمرة وغيرت طقم الدبرياج بالمره
جبت بلية دبرياج ياباني وديسك كوري اسمه "فاليو" تقريبا والاسطوانة مش فاكر.
والحمدلله أصبحت زي ما قلتلك. اللي مكدر الموضوع العفشة عندي سيئة للغاية...
أول ماجيب ال 80 العربية تبرجل وتتمرجح (مافيش عومان الحمدلله)
نصيحتي ليك غير الديسك.
ممكن فيه تسريب بنزين
وممكن تكون طريقة حساب الإستهلاك خاطئة
كده يبقى تمام انا العربية بتعمل معايا كده بالظبط واخرها 100 او 110 بالعافيةاقتباس:
المشاركة الأصلية كتبت بواسطة thedeveloper87
ان شاء الله اغيرهم قريب
بالتوفيق إن شاء الله وياريت تطمنا عملت ايه
وبيرفع حرارة الموتوراقتباس:
المشاركة الأصلية كتبت بواسطة A.Saad
بفضل الله المشكلة اتحلت بنسبة 80%
وطلع العيب فعلا ان الاسبيراتير كان متقدم اوى
جبت ابلاتين وكوندنسر جداد وخليت الميكانيكى ركبهم وقولتلة اظبطهم بحيث تكون اقرب للتسقيف عند التسارع
وفعلا استهلاك البنزين اتظبط وريحة البنزين النى اختفت مهما سحبت بيها
وكمان بقت عصبية اوى فى السحب مجرد مادوس سنة بنزين بتجرى اوى والحمد لله
بس هى لسة برضة مشكلة طقم الدبرياج والسرعة بالنسبة للنقلات ان شاء الله شوية كده واغيرة واقولكم على الفرق
والف شكر لكل من شارك وحاول انه يساعدنى فى حل المشكلة
وجزاكم الله خيرا
فك الكربراتير من المنيفلوود واقلب الكربراتير هتلاقي مسمارين ماسكين البترفلاي بتاع الكربراتير وتحت الجزء دة هتلاقي حاجة زي المسار النحاس فكة ونظف البك اللي فية وكذلك منيم ابرة التعجيل .. المنطقة دي الصنايعية بيخافوا منها ماتخفش .. نظف وجمع الكربراتير تاني وشوف النتيجة
طب تمام الحمد لله المهم بتعمل معاك كام فى الصفيحة دلوقتىاقتباس:
المشاركة الأصلية كتبت بواسطة mohamed777
طيب احسب استهلاك البنزين ازاى بطريقة غير انى افولها؟
وكمان احسبة جوة البلد ولا على الطريق؟
هى احسن طريقه لحساب البنزين
انك تصفر عداد المشاوير وانت بتفول
ولما تيجى تفول تانى تشوف هتاخد كام لتر
والعداد عامل كام ك
بس اتاكد كمان ان عداد السرعه عندك مظبوط ربما يكون بيخرف
المشكلة بسبب: بنزين زيادة او هواء قليل
الحل:ضبط الكربراتير
الاعراض:مياة كثيرة مع العادم بسبب قلة الهواء
اتضح ان الموضوع حاجه تانية خالص وهى ان التقسيمة كانت مأخرة
ظبطها والحمد لله المشكلة انتهت تماماً والسحب بقى حاجه تانية خالص
الحمد لله
اظبط تقسيمة الكتينة غالباً متأخرة علشان كده العربية بتاكل بنزين ومتديش سرعة خالص بعد كده اظبط الاسبراتير تاني علشان بيفرق ظبطه بعد ظبط الكتينة والله الموفق باذن الله
استاذ والله ده الكلام المظبوط وعلى فكرة الكاربراتير ممكن تفكة بالكامل وتركبة تانى وترجع تظبطة منغير مايبوظ انا بعمل كدة نظرا لكفائة البنزين المرتفعة عندنا فى حين ان من كام سنة كان ممكن اغسلة مرة كل 6 شهور علشان ببقى فاضى وعاوز اغلس على نفسى حاليا الفترة دى قلت جدا ومن المفيد جدا لأى حد يعرف فين مكان بك السلانسية علشان يفكة ينضفة بنفسه ويحتفظ دايما بسلك كهربا عادى معاه علشان يستخدم شعراية منه للتسليك ان لزم وممكن النفخ بس كفاية علشان المواقف البايخةاقتباس:
المشاركة الأصلية كتبت بواسطة kaza
وربنا يستر طريقكم