عامله كام الكورسا ؟
عرض للطباعة
عامله كام الكورسا ؟
عن تجارب عديده السينا عوامه الثبات بتعها سيئ جدا
انا معايا سيينا 2001 1400 العربية ممتازة و مفيش موضوع السخونة ده خالص بس الثبات بعد 100 ضايع زى اللانوس
الكورسا قطع غيارها غالية شوية ؟؟؟؟؟؟؟؟
ارشح السيينا اما لو بتاع شد و ثبات وكلام من ده يبقى الكورسا على طول
انا شايف ان السيينا اكبر و موتور اقوى
الكورسا مش بتاعه شد دى اخرها 1200 سى سى و ضيقه جدا من جوه عكس السيينا بحر
لو انت شاب و يهمك المظهر و مايهمكش الوسع الداخلى خد الكورسا
لو انت لك عيله و هاتشيل ناس كتير و احمال - يبقى السيينا بدون تفكير
الاتنين عاما قطع غيارهم موجوده بس مش زى الكورى المنتشر بغباء
الكورسا قطع غيارها غاليه عن السيينا مقابل عمر افتراضى اكبر
العربيتين مايتركبوش الا لو حالتهم نضيفه عشان تظبيطهم هايكلفك كتير
السيينا حلوة وواسعة وموفرة جدا في البنزين خصوصاً الـ 1400 cc
وشنطتها واسعة جداً
بس يعيبها قطع غيارها وكذلك إعادة بيعها صعبة شوية
ومش عارف ليه رغم إنها عربية كويسة
السعر ده أقل من السعر المناسب لها
هي تعملها في حدود من 40000 إلى 42000 حسب الحالة
سمعت قبل كده إشاعة سخونيتها
لكن سألت أكتر من واحد معاهم سيينا
قالولي .. أبدا
تبريدها كويس ، ومابتسخنش
لو قارنتها بالكورسا
طبعاً الكورسا تكسب
بس خلي بالك ،، الكورسا مش واسعة ، وقطع غيارها أغلى
لكن كآداء وشكل شبابي وشيك الكورسا أحسن
أنا من رأيي لو عاجباك .. هات واحد يفحصها كويس جدا ( لإن سعرها يخوّف ) وتوكل على الله
أنا مشترى عربية من حوالى شهر (سيينا 2000 فبريكة برة وجوة عاملة 80000 كم وب 39.5 الف جنية) بس الحالة كانت رائعة بصراحة
يعنى السعر كويس جدا
حتى الآن متعرضتش الحمد لله غير ل (جوان الفرن وكان ب 5 جنية وهو هو بتاع ال 132 وفلتر زيت وهو هو بتاع الشاهين)
معنديش مشاكل السخونة والحمد لله والتكيف جميل جدا (بس خد بالك أننا فى الشتاء )
يا عم حرام عليك دا انا كنت بسرح والاقى نفسى جايب 160 ومش حاسس ومبعرفش غير لما ابص على العداد
وبالنسبة للماتور كنت بحطيلها بنزين 80 وكانت ماشية معاية زى الفل وجرى وسحب وتمام
وصاجها جامد جدا جدا وعالية عن الارض وتقفيل تركى وبالنسبة للباروما هى عملت معاية حتة صغيرة وعالجتها كنا فى الشتا وانا مكنتش بغسلها ولا حاجة الطين والهوا والرطوبة عمل البرومة
اصل انا من النوع اللى مبهتمش اقوى لو مكانش السايس اللى فى الشغل يدوب يديها مسحة معبرهاش
هى يعبها عدم انتشارها
انا كنت جايبها سنة 2006 كانت عاملة 30 الف كيلو كانت زيرو ب54 كانت موديل 2004 1400 cc وبعتها فى 2008 كانت عملة 70 الف كيلو ( كنت بسافر بيها الغردقة كتير جدا عشان شغلى ) كانت برضوه زيرو ب45 ( اتقهرت ) :majd(4):
بس من الاخر اتكل على الله ومش هتندم عربية روعة
وربنا يوفقك
اشكركم جدا يا جماعة
و ان شاء الله لو جبتها
هابعت واقولكم رايي بعد الشراء :b4_048:
السيينا مشاكلها كتيير ابعد عنها خالص وتقيلة اوي فبيعها