تساؤلات حول المضاد الحيوى

**maka** · 09-01-2010 02:09 PM

1- ليه المضاد بيتاخد كل عدد ساعات زوجية - 6 , 8 , 12 - ؟؟؟

2- ايه الخطر من اخدها قبل او بعد معاده بساعة ؟؟؟

3- ليه بيشاع ان كل ما الجرعة تكبر كل ما بيهد الجسم او الجسم بيفقد نشاطه ؟؟؟

4- ليه غالبا بيتاخد مع الجروح و الكدمات والالتهابات ؟؟؟

و شكرا

**gadir112** · 09-01-2010 06:34 PM

لان الرقم 24 يقبل القسمة على 1-2-4-6-8-12 بدون باقى ولذلك يتم توزيع جرعة الدواء بالتساوى خلال ساعات اليوم.

عموما مافيش خطر يذكر عند استعماله قبل او بعد ميعاده بساعة بس يمكن الفاعلية بتاعة المضاد تنقص شوية بس ده بيعتمد على تركيز الدواء فى الجسم

فرط الجرعة مش بيهد النشاط بس ,ده ممكن يهدد حياة المريض شانه شان اى ماده كيماوية بتدخل الجسم وبتتصرف عن طريق الكلى او الكبد .بس من حسن الحظ ان الفرق بين جرعة العلاج والجرعة المميتة لمعظم المضادات الحيوية كبيرة safety window

المضاد الحيوي ممكن يتاخد للوقاية او العلاج للالتهاب والذي هو سببه البكتريا

**maka** · 12-01-2010 05:40 PM

شكرا يا دكتور بس انا مش قصدى فرط الجرعة لكن قصدى حجم الجرعة

**gadir112** · 12-01-2010 11:08 PM

صحيح توجد علاقة بين بين بعض المضادات الحيوية والفتور وضعف العضلات نسبة لتداخلها فى عمليات العضلات الحيوية. بس مش كل المضادات الحيوية بتعمل كده طبعا واقرب مثال هو عقار البنسلين لانه ما بيعملش فتور فى العضلات.
امثلة للادوية اللى بتعمل فتور فى العضلات اذا زدنا الجرعة او استعملناها فترة طويلة هى الامبسيلين والاريثرومايسين..