مش معنى انه بيلعب بالاوراق السياسية انه معندوش كرامة
احنا بنطلب من حكومتنا انها تعمل الصح من غير ما تزعل حد زي ما تركيا بتعمل
مش تعمل الغلط عشان ترضي الغير
عرض للطباعة
حضرتك، انا دافعت (و مازلت) عن الجدار و اغلاق الانفاق، و انا مش شايف ان الجدار يتعارض مع كلامك
يا دكتور و مين هيسيبك تعمل كده ؟؟ (اقصد السلام المؤقت)، ما مشكلة اسرائيل انها فاهمة ان حماس عايزة سلام مؤقت علشان تجهز نفسها و تكمل حربها، و طبعاً استحالة، بل من سابع المستحيلات انهم هيقبلوا بالوضع ده، فالوضع بالنسبالهم، يا اما حرب دائمة، يا اما سلام دائم مع اعتراف و تطبيع...
بس انا نفسي اعرف يا شقيقي ايه علاقة الجدار ببقية سلبيات الحكومة
دي نقرة و دي نقرة و بعدين ما احنا طول عمرنا بنشتكي ايه اللي حصل يعني
الوسطية مطلوبة يا جماعة بمعني ان الحكومة مش وحشة علي خط مستقيم يعني برضه فيه بعض الحاجات الكويسة اهمها الامن - ماحدش ينكر ان احنا الحمد لله عايشين في امان و بنسهر براحتنا و اعتقد اللي له حد مسافر او هو سافر حيعرف معني الامن الحقيقي
و الله انا مش بدافع عن الحكومة انما مش لازم ابقي معارض علي خط مستقيم عشان اكون كويس لان برضه ديننا نهانا عن الخروج عن الحاكم ما دام اقام الصلاة فينا
محمد فهمي
و الله انا لو قلت اللي انا شايفه الناس كلها هتزعل مني، و لكن من الاخر، علي الفلسطينيين انهم يختاروا بين اتجاهين، يا حرب يا سلام، و يكملوا في واحد بس من الطريقين للاخر و يتحملوا كافة عواقبه للنهاية .... بس بعيد عننا... ولكن عن نفسي لا أويد اي حروب ايدولوجية او مقدسة مهما كان اطرافها...
تلعب صح ازاي زي تركيا
تركيا بعيدة عن الموضوع و ليست طرفا سيتورط فيه مثل مصر و بالتالي هي تملك حرية حركة غير موجودة لدينا
ثم ان تركيا بتلعب صح ازاي ؟
يعني تعاون وثيق بين الجيش التركي و الاسرائيلي و استيراد اسلحة اسرائيلية لتركيا و منذ كام يوم وفد عسكري تركي في زيارة الي اسرائيل ليطلع علي صفقة طائرات الاستطلاع
و قواعد امريكية علي اراضيها و تدريبات للطيران الاسرائيلي في اجوائها
و بتلعب سياسة صح ؟!!!
احنا عشان بنبي جدار و طالبوا بتنظيم دخول المساعدات قالوا خونة و عملاء و لاسرائيل و امريكا
امال تركيا في الوضع ده تبقي ايه ؟!
القضية كلها اعلامية للاسف