الموضوع: يبقي متشتكيش من فضلك

المشاركة الأصلية كتبت بواسطة araberphilosoph

الي كل من يري ان النظام المصري يفعل الصواب
الي كل من يدافع عن جدار العار
الي كل من يدافع عن تجويع شعب باكمله من اجل شخص واحد
من فضلك متشتكيش تاني ابدا
لو البنزين غلي يبقي متشتكيش
لو عربيتك اتخبطت بسبب ميكروباص متشتكيش
لو رحت مستشفي ولقيت اهمال ومحدش اهتم بيك متشتكيش
لو مسيحي واتقتل قرايبك بسبب شاب متعصب يبقي متشتكيش
لو طلبت تاشيره لاي حته واترفضت يبقي متشتكيش
حتي لو وزير واتشلت في اي تعديل وزاري متشتكيش
انت شايف الحكزمه صح يبقي تمام مسمعش منك اي شكوي تتعلق بـأي حاجه
وانا شخصيا لن اتعاطف معك في اي مشكله
ولن اساعدك تماما مهما كانت الاسباب
المعامله بالمثل
مفيش انسانيه ولا اخوه ولا اي علاقه تربطني بيك غير المصلحه وبس
واتمني من كل عضو يشوف اي مشاركه او شكوي للاعضاء اللي بتدافع عن الحكومه واعتقد انهم قله يفكروا بالمثل ده
متشتكيش
متشتكيش

الي كل من يري ان النظام المصري يفعل الخطأ
الي كل من يدافع عن انفاق العار
الي كل من يدافع عن ترك الحدود بدون لا رقيب ولا حسيب
من فضلك متشتكيش تاني ابدا
لو البنزين غلي او لم تجده لانه يهرب من الانفاق يبقي متشتكيش
لو عربيتك اتخبطت بسبب ميكروباص متشتكيش
لو رحت مستشفي ولقيت اهمال ومحدش اهتم بيك متشتكيش
لو مسيحي واتقتل قرايبك بآسلحة مهربة من الانفاق يبقي متشتكيش
لو طلبت تاشيره لاي حته واترفضت لأن بلدك تأوي الارهاب يبقي متشتكيش
حتي لو وزير واتشلت في اي تعديل وزاري متشتكيش

انت شايف الحكزمه صح علطول او غلط علطول يبقي لازم تعرف ان ده من شيم المراهقين و من لم ينضج تفكيرهم بعد

أحيك على الموضوع والتوقيع

وخلاص بعد موضوع الجزائر الحكومة وجدت ضالتها المنشودة

كرامة مصر

لما تحب الحكومة تعمل اي حاجة أو حاجة تضحك بها علينا هي حقنة التخدير ماركة "كرامة مصر"

وكأن الكرامة تتجزأ

كرامة المصري تهان من الحكومة مش مشكلة مدام الحكومة هي اللي بتهين

المشاركة الأصلية كتبت بواسطة أبـو آســـــر

انا مع اخواتنا في فلسطين قلباً و قالباً

بس انا شايف الموضوع من جهة اخرى قد تكون خطأ

اولا – واجب على كل عربي مسلم ان يدافع عن فلسطين و تقديم المساعدة بشتى الطرق

ثانيا و هذا الأهم – حصار غزة من جانب اسرائيل

هل هذا طبيعي ( قطاع غزة غير محتل ) و اسرائيل فرضت الحصار عليها لاسباب عديدة لا مجال لذكرها الان

و دعونا نتخيل ان المعابر المصرية فتحت و المساعدات تمر كل يوم 24 ساعة في اليوم

ما الضرورة للضغط على اسرائيل لفك الحصار لا توجد ضرورة إذن لفك الحصار

قطاع غزة ما فيش حاجة نقصاه ادوية و اغذية و قوافل طبية و وقود و كل شئ و اصبحت غزة جزء من مصر و لا تمت بصلة لفلسطين

فالأولى انه يتم الضغط على اسرائيل لفك الحصار و ليس الضغط على مصر لفتح المعابر

الاصل هو حل اصل المشكلة و حصار اسرائيل لغزة و ليس البحث عن فتح معبر عن طريق المظاهرات من جانب الجالية الفرنسية و مظاهرات في أمريكا و الدول الاوروبية

طيب ما الاولى ان المظاهرات دي تبقى ضد اسرائيل لفك الحصار

أصل المشكلة هو حصار و ليس غلق معبر

و كلنا شوفنا ما قام به جورج جالاوي من تجاوزات لا يمكن السكوت عنها

تخيل ان اي مصري او عربي و ليكن سفير او اي دوبلوماسي قام بما فعله جورج جالاوي في مصر كان حيحصله ايه

الناس جاية مصر و عارفة هي هتدخل منين و رغم كدة مش عايزين يلتزموا بالتعليمات الي السفارة المصرية في بريطانيا وجهتها لهم و هذا ما قالة حسام ذكي المتحدث الرسمي بأسم وزارة الخارجية

الناس هتقول هتصدق حسام ذكي اقولهم أه طبعاً اصدقة امال اصدق جورج جالاوي

انا من وجهة نظري ان ما تقوم به الحكومة المصرية هو موقف مساند لأهل غزة و ضد أسرائيل و ليس العكس

اسرائي نفسها تخلص من غزة و تبقى تبعيتها لمصر

الدول الغربية و اسرائيل بتحاول تضغط على مصر لفتح المعابر و اعتبار غزة جزء من مصر

و الجدار الفولازي هو اسلوب ضغط على اسرائيل ايضاً

انا و لاول مرة ارى الحكومة المصرية تتصرف صح

++++1111111111
تحياتي يا ابو آسر

مفيش بجد أحلى من كلام عمنا الأبنودى ، أستشعروة بجد ، واقعى بس مؤسف

[youtube]http://www.youtube.com/watch?v=VovPwTjYQWg[/youtube]

المشاركة الأصلية كتبت بواسطة النوبي

انا شايف مغالطات كتير في كلام حضرتك ياريت تراجع نفسك فيها او حتي فكر شويه في اللي انت كاتبه
مثلا (بآسلحة مهربة من الانفاق)
فكر شويه وبعد كده حاول تقنعني وانا كلي اذان صاغيه لراي حضرتك

حضرتك وضح ايه المغالطات اللي انت شايفها في كلامي علشان اقدر ارد عليك

المشاركة الأصلية كتبت بواسطة النوبي

انا اول مره اعرف ان فلسطين بيهربولنا اسلحه وبيتقتل بيها مسيحيين بايد جماعه متطرفه
انا اول مره اعرف ان الحكومه بتعمل حاجه صح غير انها تلم ضريبه
يعني اشياء من هذا القبيل (ضع في اعتبارك اني اريد ان افهم منك مش بهاجمك لاسمح الله) احنا اولا واخيرا اخوات

اولاً اتفق معاك في اننا في اولا و اخيراً اخوات....

ثانياً: موضوع الاسلحة اخوة كتير في المنتدي و في الكثير من البرامج الحوارية اتكلم عن موضوع الاسلحة اللي بتتهرب من و الي مصر، فميش داعي نعيد و نزيد فيه...

ثالثاً: الموضوع اصبح مش موضوع مسيحيين و جماعات متطرفة، و لكن الموضوع هو انتشار السلاح الالي الحديث في مصر بشكل مخيف في يد كل من هب و دب، و ارجوك بلاش تقولي ان السلاح موجود في الصعيد من زمان و لانه كان دائماً في يد العائلات الكبيرة و في الغالب لا يزيد عن فرد خرطوش، او الكلاشينكوف لمن يقدر علي ثمنه.
زمان كان البلطجية يحملون المطاوي و السيوف، الان نسمع كثيراً عن مشاجرات بالاسلحة الالية في الاحياء الشعبية...
زمان كان الظابط يذهب لالقاء الضبط علي اعتي المسجلين خطر مكتفي باتنين مخبرين يصطحبونه، و كنا نفخر اننا لا نحتاج فرق خاصة كـ swat و غيرها، الان العيال الصغيرة بيضربوا علي الظباط النار من اسلحة الية، و اصبح الالي في متناول الجميع، بعد رخص ثمنه و انتشاره....