سلام عليكم
من كام يوم كده نزلت شارع دمشق عشان اشتري فانوس امامي جديد بدل فانوس عندي مسود و نوره وحش جدا
المهم .. قالوا لي الفانوس الصيني بـ80 جنيه , و اظن التايواني بـ120 جنيه
و الأصلي لقيته بصعوبة بـ425 جنيه
المهم استغليت سعر الاصلي , و بصراحة ما كنتش عايز اجيب حاجة مش اصلي
فخدت بعضي و رحت طالع على الحرفيين ... اول مرة اعملها بصراحة
المهم قعدت ادور على الفوانيس الاستيراد , كان فيه فوانيس مصفرة و فوانيس كويسة
المهم انا جبت فانوس صناعته بولندي , مش عارف ازاي , كان شكله نضيف و سعره 150 جنيه ... و قلت كأني اشتريت فانوس تايواني مثلا
الفانوس الاصلي الكوري النضيف كان عامل 200 جنيه , او اقول ان ده اقل سعر لقيته و ما رضيش يفاصل مليم
و انا هناك طقت في دماغي , اشتريت وش تابلوه فضي بتاع لانوس2 , فريم التابلوه و وحدة تحكم التكييف و الساعة و حامل الاكواب و الحلية حرف u , و معاهم طقم عدادات لانوس1 من اللي فيه rpm
( ما اشتريتش لا مفتاح الانتظار ولا مفتاح الفوج لايتس ولا مفتاح المراية اليمين )
الطقم ده 450 جنيه , مش عارف برده السعر ده كويس ولا لأ , بس انا ما لقيتش اقل من كده
المفضلات